IBRANI 5:7 - Rengah Jian

⁷ Hun Yésus pu'un tong tana', Iah sebayang ngan menyat mu'un ngan mangaa' bara' kekat pengenyat Néh ngan Allah éh pu'un penyukat ngelepu Éh jin pematai. Uban Yésus ngerera' ngan tigéh tong Allah, Allah menéng ha' pengenyat Néh.

IBRANI 5:7 Iomraidhean Croise

YOHANES 17:1

La'o Yésus pané kenat, Iah na'at tong langit ngan sebayang, ka' ha' Néh, Tamen, hun iteu' sukup jaka' Ké'. Jian Ke' ngajung Anak Ko' iteu' dokoo' Ké' omok ngajung Ke' kepéh.

MATIUS 27:46

Hun dau kuba' nah, Yésus pané ngan ja'au ha', ka' ha' néh, Eli, Eli, lama sabakhtani, ha' néh. Sin tong ha' néh kenat, O Allah Ké', Allah Ké', kineu' Ke' bet Akeu', ha' néh.

MARKUS 15:34

Hun dau kuba' Yésus pané ngan ja'au ha', ka' ha' Néh, Eloi, Eloi, lama sabakhtani, ha' Néh. Sin tong ha' Néh inah, O Allah Ké', O Allah Ké', kineu' Ke' bet Akeu', ha' Néh.

IBRANI 12:28

Uban kenat tekep uleu' bara' jian kenin uban uleu' pu'un lem nihau Néh éh pelinguh, tekep uleu' bara' jian kenin ngan seva' Allah ngan penoo' penyeva' ngan Medai tong Néh, kivu jalan éh ngepayoo' kenin Néh.

YOHANES 11:35

Mangaa' Yésus.

MATIUS 27:50

La'ah ngeradau Yésus kepéh, ja'au ha' néh, tioo laset néh béé.

MARKUS 15:37

La'ah Yésus pané ja'au ha', tioo béé laset Néh.

IBRANI 2:14

Uban irah éh nateng anak Allah kelunan mu'un, inah Yésus tuai paléu kelunan pekua' irah inah ke'. Iah paléu kelunan dokoo' neu' pematai Néh Iah omok ngebéé Sitan éh pu'un penyukat bau patai.

LUKAS 23:46

Boh Yésus pané ngan ja'au ha'. Ka' ha' Néh, O Tamen, Jian Ke' alaa' laset Ké', ha' Néh. La'o inah béé laset Néh.

IBRANI 13:20

Allah lepah Pebetéé' Tuhan lu' Yésus jin pematai Néh. Uban neu' pematai Néh inah, Iah hun iteu' omok Gembala éh pengeja'au kekat Gembala uleu; domba-domba Néh. Pematai Néh péh netap jajii' éh pelinguh éh naneu' Allah ngan uleu'.

1 TIMOTIUS 3:16

Adang sebayang lu' pu'un barei' pelim ngan irah éh bé' jam éh, bang jian mu'un éh, ka' éh, Pu'un Tuhan tuai paléu kelunan, Sahéé' Ni'ai pekelenaa' Iah pu'un teneng, pu'un éh ta'an irah meliket. La'ah Iah éh benara' réh tong siget-siget pohoo', Iah éh kepelum kelunan pah tipo tana', Iah éh netéé' Tamen Néh pemung ngan kemaren Néh, moléé' tai seruga.

2 YOHANES 1:7

Uban pinaa' kelunan éh ngelavo' lepah tai pah tipo tana'. Bé' irah keloo' bara' Yésus Kristus pu'un tuai tong tana' ngan paléu kelunan. Kelunan éh kenat ngelavo' awah ngan ayau Kristus.

1 YOHANES 4:3

Bang séé'-séé' éh bara' Yésus bé' pu'un tuai jin Allah, kelunan inah bé' éh pu'un Sahéé' jin Allah. Sahéé' inah pu'un jin ayau Kristus. Pu'un keh lepah menéng rengah néh juk tuai, ngan hun iteu' pu'un éh lepah avéé' tenéh.

GALATIA 4:4

Bang avéé' tong jaka' éh kevéléé' Allah, inah éh nyohoo' Anak Néh mu'un tuai, Iah tuai tong tana' ngan tinen Néh kelunan jin tana'. Anak Néh inah pu'un éh kivu sohoo' lem Surat Musa,

YOHANES 11:42

Akeu' jam Ka'au ngelayau menéng ha' Ké', bang Akeu' bara' kenat dokoo' kelunan pinaa' éh pu'un siteu', omok ngelan Ka'au éh nyohoo' Akeu' tuai, ha' Néh.

SURAT PAULUS NGAN SIDANG RUM 8:3

Kekat ha' lem Surat Musa bé' pu'un penyukat ngelepu kelunan jin penyukat penyala' uban kelunan lemoo' kenin, bang Allah pu'un penyukat omok ngelepu réh. Pu'un éh ngukum penyala' ngan memekat pengereken penyala' jin lem kenin kelunan, neu' Anak Néh mu'un éh senohoo' Néh tuai. Iah tuai paléu' kelunan mu'un, pekua' layan kelunan éh penyala', dokoo' Néh kebéé penyala'.

YOHANES 1:14

La'ah Ateng ha' inah paléu kelunan, tuai éh mokoo' belah lu' iteu', ngan améé' pu'un na'at pengaren Néh, pengaren Néh inah pu'un éh kenat uban Néh Anak éh jah awah jin Tamen Néh, ngan ja'au mu'un penika Allah, kenat péh kekat ha' Néh pu'un éh teneng mu'un.

IBRANI 10:5

Inah éh ke' Kristus bara' ngan Allah teka Néh tuai tong tana', ka' ha' Néh O Tuhan, bé' Ka'au' keloo' réh mematai ka'an ke' réh mena' éh ngan Ko'. Bang usah Ké' iteu' éh petenup Ko'.

IBRANI 10:10

Uban Yésus Kristus pu'un kivu pengeloo' Allah ngan mena' usah Néh tengéé' dokoo' Néh penatai. Iteu' naneu' Néh jah koléé' awah pah avéé' pelinguh-linguh, uban kenat penyala' lu' omok pega'.

IBRANI 11:7

Neu' pengelan, Noh mihau ha' Allah éh bara' tong kekat éh juk pu'un éh bé' jak sakui ta'an néh, pu'un Noh kivu sohoo' Allah, ngan maneu' kapen ke' néh purip usah néh ngan pemanak néh. Tana' iteu' kenukum, bang Allah pepoléng Noh nah kelunan éh jian neu' pengelan néh.