6 Pu'un éh bara' ka' lem surat éh jah kepéh, ka'au' omok imam avéé' pelinguh barei' Imam Melkisedek.
Allah péh mateng Iah Imam éh pengeja'au kekat imam barei' Imam Melkisedek.
Yésus lepah masek sinah saa' tenah jin uleu', ngan Iah éh Imam éh pengeja'au kekat imam éh pelinguh barei' Imam Melkisedek.
Imam-imam pohoo' Lewi éh ngereken ha' lem Surat Musa, éh nena' ngan pohoo' Israel. Hun kekat éh naneu' irah imam betah Lewi sahau nah lepah sukup mu'un, bé' Iah tiken pu'un imam éh jah barei' Imam Melkisedek, éh bé' jin pohoo' Imam Harun.
Ineu' éh nané inah poléng mu'un éh hun iteu', jah imam kepéh lepah tuai, imam éh barei' Melkisedek.
Barei' ha' lem surat Allah éh bara' ka', Ka'au' omok imam pelinguh-linguh barei' Imam Melkisedek.
Bang hun Néh ngevéléé' Yésus ke' Néh imam, Allah supa hun Néh bara' ka' ngan Néh, Tuhan lepah supa, ngan bé' Iah ngepaléu' kenin Néh, Adang Ka'au' omok imam pelinguh-linguh.
La'ah bé' pu'un kelunan jam séé' éh tamen tinen Melkisedek, kenat péh tepun néh, bé' pu'un séé' péh éh nyurat tong lohoo' Melkisedek ngan tong pematai néh. Melkisedek nah barei' Anak Allah, inah éh imam avéé' pelinguh.
La'ah irah imam éh alaa' tulat poloo' jin kelunan, inah éh kelunan éh omok matai, bang Melkisedek nah éh alaa' tulat poloo' jin Abraham, murip éh, barei' ha' lem surat Allah.