IBRANI 5:2 - Rengah Jian

² Uban usah néh tengéé' péh pu'un pinaa' arong pengelemoo', inah maneu' éh omok dawai kenin ngan irah éh tawang uban réh bé' jam ineu'-ineu'.

IBRANI 5:2 Iomraidhean Croise

LUKAS 22:32

Na' péh éh tupat keteleu' kenat, Akeu' pu'un bara' keh lem sebayang Ké' Simon, jalan pengelan ko' pu'un reken, ha' Néh. Tovoo' ko' pekoléé' kenin, tekep ke' ngereken irah padéé' ko'.

2 KORINTUS 11:30

Hun néh tekep akeu' ngajung usah ké', inah akeu' juk ngajung éh tong kekat éh pepoléng pengelemoo' ké' awah.

2 KORINTUS 12:5

Tong kekat éh ta'an ké' inah, hun ké' juk ngajung, jian ku' ngajung tong inah, bang bé' ku' keloo' ngajung usah ké', akeu' juk ngajung tong kekat pengelemoo' usah ké' awah.

GALATIA 4:13

Bang tong jalan bu'un-bu'un ké' tuai perengah Rengah Jian ngan keh rai, ka'ah péh jam éh, pu'un ku' tai uban ké' sakit.

ÉPESUS 4:18

Kekat penyeruh ngan penganeu' réh barei' merem awah. Bé' irah nesen ineu'-ineu' tong urip uleu' éh nena' Allah ngan lu', uban kenin réh pu'un palui ngan mahéng.

1 TIMOTIUS 1:13

Hun sahau rai pu'un akeu' pané ngesa'at ngaran Néh, ngan peketa ngan punyat kenin irah éh ngelan tong Iah, seleket ké' maneu' usah Néh mu'un, na' péh kenat pu'un Allah pika akeu', éh ké' maneu' kenat nah uban ké' bé' jak ngelan tong Iah, ngan bé' jak ku' jam tong penganeu' ké' kenat nah sala'.

IBRANI 12:13

Lakau keh masek jalan éh lepah pemai neu' keh, dokoo' kelunan éh paket gem bé' teguu' ke' néh omok ma'o mu'un jin kesakit néh.

IBRANI 2:17

Adang néh tekep Yésus paléu kelunan pekua' kekat padéé' Néh dalem kekat ineu'-ineu' péh. Dokoo' Iah omok Imam éh pengeja'au kekat imam éh tigéh ngan pu'un penika. Neu' penganeu' Néh inah penyala' kelunan omok pega'.

IBRANI 2:18

Uban kenat, hun iteu' Iah omok nolong irah éh teneng tenupat, uban Iah tengéé' péh lepah teneng tenupat ngan pengeketa.

IBRANI 4:15

Bé' lu' pu'un Imam éh pengeja'au kekat imam éh bé' jam pika lu' ngan éh bé' nesen tong kekat pengelemoo' lu' bang Imam éh pengeja'au kekat imam lu' lepah teneng penupat lem kekat ineu'-ineu' péh, pekua' uleu' iteu', bang bé' éh maneu' penyala'.

IBRANI 7:28

Lepah rai tong adet sebayang Yahudi, pohoo' kelunan éh lemoo' éh Imam éh pengeja'au kekat imam, bang la'o inah kepéh, Allah neu' ha' jajii' Néh éh benara' Néh lebéé' si'ik la'o Néh bara' sohoo' lem Surat Musa, inah Iah ngevéléé' Anak Néh imam, Anak Néh inah pu'un éh teneng mu'un avéé' pelinguh.

IBRANI 9:7

Bang tong Retek Matek Ni'ai Imam éh pengeja'au kekat imam, iah awah éh omok tai sinah, jah de' ke' koléé' awah jah ta'un. Hun iah tai tong Retek Matek Ni'ai nah, pu'un iah mihin dahaa' ka'an éh nena' néh ngan Allah ke' néh ngeliwah usah nah ke', kenat péh tong irah pinaa' éh lepah maneu' penyala' bang bé' réh jam éh.

YAKUB 5:19

O kekat padéé' ké', hun néh pu'un jah kelunan belah kéh éh petat jin jalan éh teneng, boh pu'un jah usah tai mihin éh moléé' tong Allah,

1 PÉTERUS 2:25

Sahau ka'ah barei' domba éh tawang, bang hun iteu' ka'ah lepah nihin moléé' dokoo' kivu gembala, éh mihau urip keh.