IBRANI 4:7 - Rengah Jian

⁷ Uleu' jam éh kenat uban Allah lepah natu' jah dau éh nateng Dau Iteu'. Allah pu'un bara' tong iteu' lebéé' la'o inah jin Daud lem ayat éh lepah senurat inah, Dau iteu' hun keh menéng ha' Allah, mai keh ngemahéng kenin keh.

IBRANI 4:7 Iomraidhean Croise

MATIUS 22:43

Ha Yésus kepéh, Hun néh kenat uban ineu' Sahéé' Allah ngusii' kenin Daud ke' néh mateng éh Tuhan. Uban ka' ha' Daud,

MARKUS 12:36

Uban Sahéé' Ni'ai ngusii' kenin Daud ke' néh bara' ka', Tuhan pu'un bara' ngan Tuhan ké', ka' ha' néh, Jian Ke' menyun saa' na'au' Ké' siteu', avéé' Ké' maneu' kekat ayau Ko' inah barei' lun gem Ko' awah, ha' néh.

LUKAS 20:42

Uban dalem surat Masmur Daud pu'un bara' ka', Tuhan pu'un bara' ngan Tuhan ké', Ka' ha' néh, Jian ke' menyun saa' na'au' ké' siteu',

PENGANEU' LAWAH 2:29

Ka' ha' Péterus kepéh, O kekat padéé' ké', jian keh nesen tong tepun lu' Daud. Akeu' juk pekelenaa' éh ngan keh, Daud rai lepah matai tenéh éh ngan tenanem réh éh, ngan tanem néh pu'un keto belah lu' avéé' hun iteu'.

PENGANEU' LAWAH 2:31

Uban Daud jam éh kenat, inah iah bara' tong pengebetéé' Kristus, hun néh bara' ka' ri', Bé' Tuhan kejeraa' éh petem tong jalan patai, usah Néh bé' omok borok awah, ha' ri'.

PENGANEU' LAWAH 28:25

La'o Paulus bara' tong jah ha' lem surat Yesaya moléé' réh ngan petengéé' kenin réh. Ka' ha' néh ngan réh, La'ah teneng mu'un éh benara' Sahéé' Ni'ai neu' nabi Yesaya ngan tepun keh sahau,

IBRANI 3:15

Uban ka' ha' surat Allah, Dau iteu' hun keh menéng ha' Allah, mai keh mahéng kenin barei' tepun keh sahau tovoo' réh ngelawan Allah.