IBRANI 4:2 - Rengah Jian

² Uban pu'un lu' lepah menéng Rengah Jian éh benara' ngan lu', barei' irah éh kivu Musa nah. Irah menéng ha' inah, bang Rengah inah bé' pu'un gunah tong réh, uban tovoo' réh menéng éh bé' irah ngelan tong jajii' Allah inah.

IBRANI 4:2 Iomraidhean Croise

PENGANEU' LAWAH 13:46

Bang Paulus ngan Barnabas makang kenin nebaraa' réh, ka' ha' roh, Tekep ha' tebaraa' Tuhan pu'un benara' mé' ngan keh tenah. Bang uban keh pu'un bet éh awah, seleket keh bara' bé' keh keloo' alaa' urip éh pelinguh, inah améé' juk piso jin keh tai nebaraa' kelunan éh tengéé' pohoo' kepéh.

PENGANEU' LAWAH 3:26

Kenat péh Allah ngevéléé' Anak Néh ke' Anak inah tai ngan ka'ah tenah, dokoo' Néh mena' pengejian Néh ngan keh, neu' Néh mihin siget usah keh piso jin kekat kesa'at keh, ha' Péterus nah.

SURAT PAULUS NGAN SIDANG RUM 2:25

Hun ka'ah pu'un kivu kekat sohoo' lem Surat Musa, boh adet sunat inah pu'un gunah ngan keh, bang hun keh ngelapah tong kekat sohoo' inah, seleket keh bé' pu'un pesunat.

SURAT PAULUS NGAN SIDANG RUM 3:3

Kineu' hun jelua' kelunan Yahudi bé' tigéh ngan bé' kivu? Kineu' pu'un Allah ngepaléu kenin Néh ngan bé' tigéh uban irah bé' pu'un tigéh?

1 KORINTUS 13:3

Na' péh akeu' mena' kekat livah ké' ngan kelunan kari, ngan kejeraa' kelunan motong usah ké', bang hun akeu' maneu' kenat awah ngan bé' pu'un penika, seleket ké' bé' pu'un maneu' kenat ke' éh.

GALATIA 3:2

Akeu' juk neteng keh, kineu' jalan keh pu'un alaa' Sahéé' Tuhan. Kineu', neu' keh kivu kekat sohoo' lem Surat Musa? Adang bé'. Pu'un keh alaa' Sahéé' Ni'ai uban keh menéng Rengah Jian ngan ngelan éh nenéng keh.

GALATIA 3:8

Lem surat Allah lepah bara' éh tenéh, Allah juk alaa' irah éh tengéé' pohoo' jin irah Yahudi neu' pengelan réh tong Iah. Kenat péh Allah bara' Rengah Jian iteu' ngan Abraham, bé' jak éh pu'un kenat. Jin ka'au' kekat arong kelunan pah tipo tana' omok alaa' pengejian ké'.

GALATIA 4:13

Bang tong jalan bu'un-bu'un ké' tuai perengah Rengah Jian ngan keh rai, ka'ah péh jam éh, pu'un ku' tai uban ké' sakit.

1 TESALONIKA 1:5

Uban Rengah Jian éh benara' mé' ngan keh rai, bé' améé' bara' éh pekua' ha' tosok éh kemalai kelunan awah, bang pu'un éh neu' penyukat Sahéé' Ni'ai, pah avéé' ka'ah péh jam kekat éh benara' mé' inah pu'un éh teneng mu'un. La'ah ka'ah jam tong pengurip améé' hun mé' pu'un mokoo' ngan ka'ah rai, pu'un urip mé' kenat uban mé' nolong ka'ah.

1 TESALONIKA 2:13

La'ah jah jalan kepéh améé' ngelayau bara' jian kenin ngan Allah. Uban hun mé' tuai bara' ha' tebaraa' Allah ngan keh rai, pelapah ka'ah alaa' ha' tebaraa' mé', bé' ka'ah seruh éh barei' ha' éh jin kelunan awah, ka'ah jam éh matek ha' Allah mu'un. Teneng kenin keh seruh éh kenat. Uban Allah ngelayau kereja' lem kenin ka'ah éh ngelan.

1 TIMOTIUS 4:8

Hun lu' tupat pekalai alaa' kegahang usah lu', pu'un gunah néh si'ik awah, bang hun lu' pekalai alaa' kegahang dalem kenin lu', boh éh gunah mu'un, uban pu'un gunah néh lem urip lu' hun iteu', kenat péh lem urip lu' kepéh.

IBRANI 11:6

Bé' kelunan omok ngepayoo' kenin Allah hun néh bé' ngelan tong Néh. Kelunan éh tavin Allah, tekep éh ngelan Allah pu'un ngan ngelan Iah omok mena' ngan irah éh mekat pitah Éh.

IBRANI 3:12

O kekat padéé' ké', mavaa' keh jian-jian, mai pu'un séé'-séé' péh éh pu'un kenin sa'at éh bé' ngelan tong Tuhan pah avéé' néh piso jin Allah éh murip.

IBRANI 4:6

Irah éh bu'un-bu'un menéng Rengah Jian iteu', bé' réh omok alaa' posot inah uban réh bé' ngelan. Hun néh kenat pu'un kelunan éh jah éh omok posot pemung ngan Néh.

YAKUB 1:21

Uban néh kenat jian keh bet kekat kemalai ngan barék éh sa'at. Ngerera' kenin tong Allah ngan alaa' ha' tebaraa' éh nulah Néh dalem kenin keh, uban ha' tebaraa' inah omok purip keh.

1 PÉTERUS 1:12

Allah pu'un bara' ngan irah nabi tong kekat éh naneu' réh nah bé' éh tulat usah réh tengéé', bang pu'un éh tulat ka'ah. Kekat éh benara' irah nabi inah, hun iteu' lepah keh menéng éh jin irah éh bara' tong Rengah jian inah. Irah perengah éh ngan keh palaa' penyukat Sahéé' Ni'ai, éh nena' jin seruga pah avéé' irah meliket péh keloo' jam tong kekat inah.