IBRANI 4:12 - Rengah Jian

¹² Ha' tebaraa' Tuhan inah murip ngan pu'un penyukat, pelapah nyahit jin po'é éh peseripa nyahit. Ha' tebaraa' Tuhan inah masek dilem avéé' tong urip ngan sahéé' avéé' tong kekat bukun tulang ngan utek péh. Ha' tebaraa' Tuhan petuneng penyeruh ngan pengeloo' kenin kelunan.

IBRANI 4:12 Iomraidhean Croise

LUKAS 8:11

Ha' Yésus kepéh, Inah éh sin lem ha' tapan iteu'. Sin tong tulin éh nurat inah, inah éh ha' tebaraa' Tuhan.

YOHANES 12:48

Séé'-séé' éh bet Akeu', ngan éh bé' alaa' ha' Ké', pu'un éh ngukum éh, inah éh kekat ha' éh benara' Ké' ngan néh, ha' Ké' inah éh petuneng éh tong ga' dau vam.

YOHANES 6:51

Akeu' iteu' ka'an éh purip kelunan, éh tuai jin seruga, séé'-séé' éh kuman ka'an iteu' omok éh murip pelinguh. La'ah ka'an éh juk nena' Ké' ngan néh, inah éh usah Ké', éh juk nena' Ké' dokoo' Ké' purip kekat kelunan pah tipo tana', ha' Yésus ngan réh.

PENGANEU' LAWAH 2:37

Hun réh menéng ha' Péterus pané kenat, besau kenin réh, tioo pané réh ngan Péterus ngan irah lawah Tuhan éh jah kepéh, ka' ha' réh, O kekat padéé', kineu' lah mé' da', ha' réh.

PENGANEU' LAWAH 4:31

La'o réh Sebayang Kenat, jalan réh petipun nah pu'un tegen, irah béé penoo' neu' Sahéé' Ni'ai, ngan pu'un réh bara' ha' Tuhan Allah ngan makang kenin.

PENGANEU' LAWAH 5:33

Hun irah pengeja'au Komiti sebayang Yahudi nah menéng ha' réh kenat, merek mu'un-mu'un réh, avéé' réh juk mematai irah lawah nah.

PENGANEU' LAWAH 7:38

Ha' Stepanus, La'ah Musa nah pu'un éh pemung ngan kekat kelunan Israel hun réh pu'un tong tana' pegawa sahau, iah pu'un pemung ngan kekat tepun lu' ngan meliket éh pané ngan néh tong tokong Sinai, ngan pu'un éh alaa' kekat ha' tebaraa' jin Allah éh omok purip réh ke' néh bara' éh ngan uleu' kepéh, ha' néh.

SURAT PAULUS NGAN SIDANG RUM 1:16

La'ah bé' akeu' menyaa' bara' Rengah Jian iteu', uban Rengah Jian iteu' inah éh penyukat Allah ke' Néh purip kekat kelunan éh ngelan tong Yésus, kenat péh irah Yahudi, kenat péh irah éh tengéé' pohoo'.

1 KORINTUS 1:24

Bang ngan kelunan éh tenebai Allah, irah Yahudi péh kenat péh irah éh tengéé' pohoo', tebaraa' inah, inah éh Kristus, éh penyukat Allah ngan éh pengejam Allah mu'un.

2 KORINTUS 2:17

Bé' mu'un améé' barei' jelua' kelunan éh bara' ha' Tuhan, barei' réh seruh tebaraa' inah bé' pu'un gunah. Irah bara' éh uban réh juk alaa' rigit awah. Bang améé' bara' ha' Tuhan uban Allah éh nyohoo' améé' bara' éh, bé' améé' bara' éh ngelayoo' awah, bang améé' bara' éh ngan kekat kenin mé' mu'un uban mé' kelunan éh sohoo' Kristus.

2 KORINTUS 4:2

Pu'un mé' bet kekat-kekat barék sa'at éh pu'un pelim éh mihin kelunan menyaa', bé' mé' maneu' ineu'-ineu' ngelavo' kelunan, ngan bé' mé' ngepaléu ha' tebaraa' Tuhan. Améé' bara' tong kekat éh teneng ngan lenaa' mu'un, pu'un mé' maneu' kekat kereja' mé' tong jumen Allah, adang kekat kelunan pu'un jam kenat éh neu' mé'.

ÉPESUS 5:13

Uban hun lu' pepoléng kekat penganeu' réh inah tong rema, boh lu' nesen éh sa'at mu'un.

ÉPESUS 5:26

Iah maneu' kenat ke' Néh mena' sidang Néh ngan Allah, ke' Néh omok ngeni'ai éh neu' ha' tebaraa' Néh ngan neu' baa'

ÉPESUS 6:17

Jian keh alaa' tupi daven tong ulun keh, inah éh kekat urip Tuhan. La'ah ha' tebaraa' Tuhan inah éh po'é éh nena' Sahéé' Ni'ai ngan keh.

1 TESALONIKA 2:13

La'ah jah jalan kepéh améé' ngelayau bara' jian kenin ngan Allah. Uban hun mé' tuai bara' ha' tebaraa' Allah ngan keh rai, pelapah ka'ah alaa' ha' tebaraa' mé', bé' ka'ah seruh éh barei' ha' éh jin kelunan awah, ka'ah jam éh matek ha' Allah mu'un. Teneng kenin keh seruh éh kenat. Uban Allah ngelayau kereja' lem kenin ka'ah éh ngelan.

1 TESALONIKA 5:23

La'ah jian Allah éh mena' pengepawah Néh ngan uleu', maneu' keh anah nah mu'un, ngan mihau sahéé' keh, ngan kenin keh, ngan usah keh jin kekat éh sa'at, pah avéé' penyavéé' Tuhan Yésus Kristus.

IBRANI 13:7

Jian keh seruh tong irah éh pengeja'au keh lepah, éh bara' ha' Tuhan ngan keh. Seruh keh tong urip réh ngan tong pematai réh, jian keh nyavuu' pengelan réh.

IBRANI 6:5

Jin éh lepah kenejam' réh, irah jam ha' tebaraa' Allah inah jian. Irah péh lepah jam tong penyukat jin pengena' Allah tong jaka' éh temurei' kepéh.

YAKUB 1:18

Kivu pengeloo' Néh tengéé' Iah suai uleu' neu' ha' tebaraa' Néh éh teneng. Inah maneu' uleu' omok barei' buaa' éh tenah jin kekat-kekat éh senuai Néh.

1 PÉTERUS 1:23

Naneu' ha' tebaraa' Allah éh murip ngan pelinguh. Ka'ah lepah kenanak maréng, bé' éh jin kelunan bang jin tamen keh éh pelinguh.

ÉH POLÉNG 1:16

La'ah lem ojoo' Néh saa' na'au' pu'un tujuu' kenyuhai ngan jin ujun Néh musit po'é éh peseripa nyahit. La'ah da'in Néh ngada barei' ada maten dau tovoo' dau pejek.

ÉH POLÉNG 19:15

Jin ujun Néh musit jah po'é éh nyahit, ngan palaa' po'é inah Iah juk nyopéé' kekat arong kelunan. Iah juk mihau réh palaa' sekot daven. Iah juk meték buaa' agun tong jalan réh meték éh. Inah éh kemerek ngan kepana kenin Allah éh ja'au penyukat.

ÉH POLÉNG 19:21

Kekat seradu ka'an inah matai neu' po'é éh musit jin ujun Iah éh menyun tong kuda nah, ngan kekat juhit kuman sin réh pah beso.

ÉH POLÉNG 2:16

Uban néh kenat jian ke' pekoléé' kenin jin penyala' ko' nah. Hun ko' bé' pekoléé' kenin jin penyala' ko' adang Akeu' pu'un tuai laho ngan ngelawan kekat irah inah palaa' po'é éh musit jin ujun ké', ha' Néh.

ÉH POLÉNG 2:23

Akeu' péh juk mematai kekat irah éh kivu iah boh kekat sidang omok jam Akeu' éh jam lem penyeruh ngan kenin kelunan. Akeu' juk mena' oléé' ngan keh kivu penganeu' siget usah.

ÉH POLÉNG 20:4

La'ah ta'an ké' kepéh kuraa'-kuraa' nyun raja ngan irah éh menyun tong néh. Irah inah pu'un penyukat omok petuneng kelunan. La'ah ta'an ké' kepéh sahéé' irah éh penatai réh uban réh bara' tong pengelan réh tong Yésus ngan nebaraa' tong ha' tebaraa' Allah. Bé' irah inah seva' ka'an ngan butun éh pekua' layan ka'an inah, ngan bé' réh pakai tada' ka'an inah tong sela' ngan tong ojoo' réh. Pu'un réh murip kepéh ngan pu'un réh pengeja'au pemung ngan Kristus avéé' jah ibu ta'un kelebéé'.