IBRANI 4:10 - Rengah Jian

¹⁰ Pu'un éh kenat uban séé'-séé' omok posot kivu éh pejajii' Allah, adang néh posot kepéh jin kereja' néh barei' okoo' Allah pu'un posot jin kereja' Néh.

IBRANI 4:10 Iomraidhean Croise

YOHANES 19:30

Yésus météé' lamut inah, boh éh bara' Lepah sukup, ha' Néh. Boh éh tukep ngan béé laset Néh.

IBRANI 1:3

Pu'un éh pepoléng kekat pengaren ngan pengejian Allah uban Iah péh pekua' ngan Allah. Iah pu'un mihau kekat penyuai Néh tong tana' ngan tong langit palaa' ha' Néh éh pu'un penyukat. La'o Néh maneu' kelunan pelepu jin penyala', Iah menyun tong seruga saa' na'au' Allah Pengeja'au éh matek bau.

IBRANI 10:12

Bang jah koléé' awah Kristus matai mena' urip Néh ngan Allah ke' Néh mega' penyala' kelunan, pengena' Néh inah pu'un penyukat mega' penyala' avéé' pelinguh. La'o inah Iah menyun saa' na'au' Allah.

IBRANI 4:9

Uban kenat to ke' pu'un posot ngan irah éh anah Allah, barei' Allah pu'un posot tong dau éh ke tujuu' nah.

ÉH POLÉNG 14:13

La'ah nenéng ké' jah ha' jin seruga éh bara', Jian ke' nyurat ha' ké' iteu', Jin la'o iteu' murung kenin kelunan éh matai lem réh maneu' kereja' Tuhan, ha' néh. Ka' ha' Sahéé' Ni'ai mipa éh, Mu'un, adang réh murung, uban réh ma'o jin kereja' réh bahat, kekat penganeu' réh pu'un oléé' ngan réh kepéh, ha' néh.

ÉH POLÉNG 6:11

La'ah pu'un Tuhan mena' jah livah pakai éh mebéng ngan usah réh, ngan nyohoo' réh mena lebéé' siik kepéh, avéé' sukup kekat irah éh sohoo' Tuhan ngan padéé' éh kua' pengelan, penatai réh barei' réh mematai irah inah ke'.