IBRANI 3:6 - Rengah Jian

⁶ Bang Kristus nah Anak Tuhan mu'un, tigéh mu'un éh mihau umaa' Allah. La'ah uleu' néh umaa' Allah, inah éh hun lu' ngereken kenin lu' ngan petem pengelan lu' omok alaa' ineu' éh kepelum lu'.

IBRANI 3:6 Iomraidhean Croise

MATIUS 10:22

La'ah adang ka'ah keleko kekat kelunan pinaa' uban pengelan keh tong Akeu', bang séé' éh ngeretep pah avéé' ga' néh iah omok alaa' urip.

MATIUS 16:18

Akeu' bara' ngan ko', ka'au' Péterus barei' bateu', ngan tong bateu' inah Akeu' juk suai sidang ké', bé' pu'un ineu'-ineu' éh omok kebéé éh, patai péh bé' omok.

MATIUS 24:13

Bang séé'-séé' éh ngeretep pah avéé' ga' néh iah omok alaa' urip.

SURAT PAULUS NGAN SIDANG RUM 11:22

Kenat péh jalan lu' jam tong penika Allah ngan tong kemahéng kenin Néh kepéh. Tong kelunan éh bé' ngepelum éh nega' Néh inah, pu'un Iah mahéng kenin, bang pu'un Iah pika ka'ah, inah éh hun keh petem dalem penika Néh. Bang hun keh bé' petem dalem penika Néh, ka'ah péh nega' Néh kepéh.

SURAT PAULUS NGAN SIDANG RUM 12:12

La'ah uban pengelan keh tong Tuhan, jian keh ngelayau murung kenin ngan kebit kenin dalem kekat penusah keh, ngan ngelayau sebayang siget koléé'.

SURAT PAULUS NGAN SIDANG RUM 15:13

Jian Allah éh kenelan lu', pepenoo' kenin ka'ah ngan kekat kemurung Néh ngan pengepawah Néh, neu' pengelan keh tong Iah, dokoo' ka'ah omok pepit dalem pengelan keh neu' penyukat Sahéé' Ni'ai.

SURAT PAULUS NGAN SIDANG RUM 5:2

Uban neu' pengelan lu' tong Iah, pu'un Iah lepah mihin uleu' tavin Allah éh jalan lu' alaa' urip maréng éh nena' Néh ngan lu'. Murung kenin lu' uban uleu' ngelan adang uleu' omok pemung ngan Allah lem kekat pengaren Néh ngan paléu' jian pekua' barei' Iah pu'un jian.

1 KORINTUS 3:16

Kineu', bé' keh jam ka'ah éh lamin Allah ngan Sahéé' Allah mokoo' lem kenin keh?

1 KORINTUS 6:19

Kineu', bé' keh jam usah keh iteu' lamin Sahéé' Allah éh pu'un dalem keh, éh nena' Allah ngan keh? Bé' ka'ah anah ka'ah ke', bang ka'ah anah Allah.

2 KORINTUS 6:16

Lamin Allah tengéé' mu'un éh jin lamin butun, bé' éh omok pekua'. Uban uleu' éh lamin Allah éh murip, barei' Allah bara', Akeu' juk mokoo' ngan murip dalem irah, Akeu' omok Allah réh, ngan irah omok anah Ké' mu'un.

GALATIA 6:10

Uban néh kenat siget koléé' hun lu' na'at kelunan lem penusah néh, tekep lu' nolong réh, makin péh ngan kekat padéé' lu' éh ngelan tong Tuhan.

GALATIA 6:9

Hun néh kenat mai lu' leko maneu' jian, uban hun lu' nengayet maneu' jian, omok lu' majau éh kepéh.

ÉPESUS 3:12

Pemung ngan Kristus ngan naneu' pengelan lu' tong Iah, uleu' omok tavin Allah ngan bé' pu'un medai.

KOLOSÉ 1:23

Bang jian keh tigéh ngan reken mu'un lem pengelan keh, mai keh kejeraa' ineu'-ineu' ngusii' ngan mega' keh jin pengelan keh tong Rengah Jian éh lepah nenéng keh. La'ah uban Rengah Jian iteu' akeu' Paulus pu'un maneu' kereja' ngan Tuhan, ngan Rengah Jian iteu' benara' kelunan ngan kekat irah pah tipo tana'.

1 TESALONIKA 5:16

Jian ka'ah ngelayau murung kenin,

2 TESALONIKA 2:16

Jian Tuhan Yésus Kristus, ngan Allah éh Tamen lu', éh pika uleu' ngan naneu' penika Néh Iah mena' pengepapung Néh éh pelinguh ngan pengelan éh jian ngan lu',

1 TIMOTIUS 3:15

lavaa' ké' lieu', dokoo' ko' omok jam tong barék éh tekep ngan uleu' éh pepadéé' dalem Allah, inah éh sidang Allah éh murip, sidang Néh éh lihei' ngan suka' tong tebaraa' éh teneng tong Allah.

IBRANI 1:2

Bang hun iteu' tovoo' tai ga' tana', inah Iah pané ngan uleu' kepéh Jin Anak Néh. La'ah Jin Anak Néh, pu'un Allah suai kekat tana' ngan langit. Allah lepah ngevéléé' Anak Néh iteu' ke' Néh pu'un penyukat bau kekat ineu'-ineu' péh tong ga' néh.

IBRANI 10:19

Uban kenat, O kekat padéé' ké', neu' pematai Yésus uleu' makang kenin omok masek tai Retek Matek Ni'ai.

IBRANI 10:21

Uleu' pu'un Imam éh pengeja'au kekat imam lu' éh jian mu'un, éh imam tong lamin Tuhan, inah éh imam tong kekat kelunan éh ngelan tong Tuhan.

IBRANI 10:23

Jian lu' mihau pengelan lu' mu'un tong Tuhan, uban Allah éh kenelan lu', adang Iah kivu pekua' éh pejajii' Néh.

IBRANI 10:35

Uban néh kenat mai keh putui pengelan, uban ja'au mu'un oléé' néh ngan keh hun keh petem ngelan.

IBRANI 11:1

Sin pengelan inah éh, uleu' ngelan mu'un adang uleu' omok alaa' éh kepelum lu' inah ngan jam éh pu'un kenat mu'un na' péh éh bé' jak omok ta'an lu'.

IBRANI 3:14

Uleu' béé pu'un pekua' kereja' ngan Kristus, hun lu' avéé' ga' néh petem ngamit pengelan éh pu'un ngan lu' jin bu'un néh.

IBRANI 4:11

Uban kenat Jian lu' mekat pitah dokoo' lu' omok alaa' posot éh pejajii' Allah mai pu'un séé'-séé' péh jin belah lu' mepai awah barei' irah sahau, uban réh bé' ngelan tong Allah.

IBRANI 4:14

Uban kenat jian uleu' mihau pengelan lu' mu'un tong Tuhan uban uleu' pu'un Imam éh pengeja'au kekat imam éh ja'au, inah éh Yésus éh Anak Allah pu'un éh lepah tai tong jumen Allah mu'un.

IBRANI 4:16

Uban néh kenat mai lu' medai bang jian lu' tai tavin Allah ke' Néh omok pika lu'. Hun lu' tavin Éh adang Néh masi lu' lem kekat pengekurang lu' ngan pika ngan nolong lu' siget koléé' lu' teneng penusah.

IBRANI 6:11

Améé' keloo' dokoo' siget usah jin belah ka'ah petem tigéh pah avéé' ga', dokoo' kekat ineu' ineu' éh kepelum keh omok nalaa' keh.

IBRANI 6:18

Duah ha' iteu' bé' omok paléu inah éh jajii' Néh ngan ha' supa Néh. Bé' Allah omok kenyo tong Néh. Uban kenat uleu' éh lepah tai tavin éh dokoo' alaa' Iah singau lu' uleu' senohoo' dokoo' ngamit reken pengepelum éh pu'un saa' tenah lu'.

IBRANI 7:19

Uban kekat sohoo' lem Surat Musa bé' éh pu'un penyukat pesukup ineu'-ineu' ke' néh teneng. Bang hun iteu' uleu' pu'un pengelan éh pelapah jian jin pengelan irah Israel rai, uban Kristus pu'un penyukat mihin lu' tepih mu'un tavin Allah.

1 PÉTERUS 1:8

Ka'ah pika Iah na' péh ka'ah bé' jak na'at Iah. Pu'un keh ngelan tong Néh na' péh hun iteu' ka'ah bé' na'at Iah. Uban kenat kemurung keh inah matek Ja'au, maren ngan bé' omok benara'.

1 PÉTERUS 2:5

La'ah ka'ah kepéh seleket bateu' éh murip, éh penakai dokoo' maneu' lamin Allah éh ni'ai. Uban néh kenat ka'ah barei imam éh kevéléé' Allah ngan éh mena' pengena' éh ni'ai éh ngepayoo' kenin Allah, neu' Yésus Kristus.

1 PÉTERUS 4:17

Uban avéé' lah jaka' Allah petuneng kekat kelunan, bu'un-bu'un Iah juk petuneng irah éh anah Nah. Hun uleu' éh ngelan saa' tenah petuneng Néh, matek tusah mu'un tong ga' néh ngan kelunan éh bé' ngelan tong Rengah jian éh jin Allah pu'un kenat tong uleu' éh ngelan, kineu' kepéh tong kelunan éh pohoo' néh bé' ngelan tong Rengah Jian éh jin Allah?

ÉH POLÉNG 2:18

Jian ke' nyurat ha' Ké' iteu' ngan meliket sidang tong Tiatira. Inah ha' éh benara' Anak Allah, éh maten Néh barei' tekok luten, gem Néh mening barei temagaa' éh lepah nosoo' rai.

ÉH POLÉNG 2:25

Bang jian keh petem mihau tong ineu' éh pu'un ngan keh, pah avéé' akeu' pu'un tuai kepéh.

ÉH POLÉNG 2:26

La'ah kekat kelunan éh nyopéé' kekat arong kesa'at ngan éh maneu' kekat pengeloo' Ké' pah avéé' ga' néh, Akeu' juk mena' penyukat barei' nalaa' ké' jin Tamen ké'. Irah omok alaa' Penyukat jin Akeu' ke' réh omok pengeja'au bau kekat arong kelunan palaa' penyukat éh gahang mu'un seleket daven ngan dokoo' mepa' réh barei' kuren tana'. Irah péh juk alaa' kenyalung teka rema jin Akeu'.

ÉH POLÉNG 3:11

Akeu' juk tuai laho. Jian ke' mihau kekat éh nena' Tuhan ngan ko', mai pu'un séé'-séé' éh pekepai ke', ke' ko' bé' omok alaa' tapong éh juk nena' Tuhan ngan ko'.