IBRANI 3:12 - Rengah Jian

¹² O kekat padéé' ké', mavaa' keh jian-jian, mai pu'un séé'-séé' péh éh pu'un kenin sa'at éh bé' ngelan tong Tuhan pah avéé' néh piso jin Allah éh murip.

IBRANI 3:12 Iomraidhean Croise

MATIUS 16:16

Ha' Simon Péterus mipa éh, ka'au' éh Kristus éh Anak Allah éh murip, ha' néh.

MATIUS 24:4

Ha' Yésus mipa réh, Mavaa' keh jian-jian dai kelunan petawang keh.

MARKUS 13:23

Mavaa' keh jian-jian, pu'un Ku' bara' kekat iteu' ngan ka'ah hun néh to bé' jak pu'un, ha' Yésus ngan réh.

MARKUS 13:33

Mavaa' keh jian-jian, mai keh telalau awah, uban bé' keh jam hun mah tatek Ké' tuai da'.

MARKUS 13:9

Mavaa' keh jian-jian, adang pu'un kelunan ngamit keh ngan mihin keh tai besara'. Adang réh pu'un mipok keh tong lamin sebayang, ngan mihin keh tai tong jumen kelunan éh ja'au ngan irah raja' péh uban keh ngelan tong Akeu', inah kepéh, dokoo' keh omok bara' Rengah Jian ngan réh.

LUKAS 21:8

Ka' ha' Yésus kepéh, Jian keh seruh jian-jian dai kelunan petawang keh, uban pinaa' kelunan éh pu'un tuai dalem ngaran Ké' éh bara' ka', Akeu' néh Tuhan, ngan ka' ha' réh kepéh, Jaka' néh lepah avéé', ha' réh. Bang hun réh pu'un pané kenat, mai keh kivu réh.

SURAT PAULUS NGAN SIDANG RUM 11:21

Hun Allah bé' pika irah Yahudi éh tapan paka' paraa' éh méé, kineu', omok Éh pika ka'ah éh barei' ha' tapan paka' paraa' éh mesem awah?

1 KORINTUS 10:12

Uban néh kenat kelunan éh seruh iah jam nekedéng tengéé', jian iah mavaa' dai néh pelohoo' kepéh.

KOLOSÉ 2:8

Mavaa' keh jian-jian dai kelunan mejeu keh neu' kuraa'-kuraa' arong ha' tebaraa' éh sala', éh kenyo ngan ngelavo' keh awah. Tebaraa' inah bé' éh jin Kristus bang jin kenin kelunan awah kenat péh tebaraa' inah jin pengejam utek néh awah, bé' éh jin penyukat Tuhan.

1 TESALONIKA 1:9

Kekat kelunan bara' ka'ah alaa' améé' ngan jian hun mé' tavin keh rai, irah bara' ka'ah bé' keloo' seva' butun kepéh, bang tuai tavin jah awah Allah éh murip dokoo' kivuu ngan Seva' Iah.

IBRANI 10:31

Matek tusah mu'un hun pelohoo' lem ojoo' Allah éh murip.

IBRANI 10:38

Irah éh anah ké' éh maneu' pengeloo' ké' adang ngelan tong Akeu' ngan murip; Bang hun pu'un jin belah réh éh bé' ngelan tong Akeu' la'ah. Akeu' bé' payoo' tong néh.

IBRANI 12:15

Mavaa' keh dai pu'un kelunan bet Allah éh na' penika Néh ngan lu'. Mai pu'un séé'-séé' péh éh barei' pulah éh petuh, éh maneu' pinaa' penusah ngan éh ngesa'at kelunan palaa' katah néh.

IBRANI 12:22

Bang ka'ah tuai tong tokong Sinai ngan tong leboo' Allah éh murip, inah éh Yerusalem éh tong seruga pemung ngan ibu-ibu meliket Néh. Ka'ah lepah tai tavin tipun kelunan éh murung kenin, inah éh tipun kekat irah éh tenah tai tong seruga, éh pu'un ngaran senurat tong seruga. Ka'ah lepah tavin Allah éh petuneng kekat kelunan ngan sahéé' kekat kelunan éh jian éh lepah pu'un sukup mu'un.

IBRANI 12:25

Uban néh kenat mai keh bé' menéng ha' Néh Pané inah. Irah éh bé' keloo' menéng ha' Iah éh tuai tong tana' éh pesavéé' Rengah éh jin Allah, bé' omok ngelepu usah néh tengéé'. Hun lu' bet Iah éh pané jin seruga, adang lu' bé' omok ngelepu usah lu'.

IBRANI 3:1

O kekat padéé' ké' lem Tuhan éh tenebai Allah, jian keh seruh tong Yésus éh tuai sohoo' Allah ke' Néh omok Imam éh pengeja'au kekat imam tong adet sebayang lu'.

IBRANI 3:10

Inah maneu' Akeu' merek ngan réh ngan bara' ka', irah ngelayau ngelapah ha' ngan bé' keloo' kivu sohoo' ké'.

IBRANI 3:19

Hun iteu' uleu' jam irah bé' omok masek tong tana' inah, uban réh bé' keloo' ngelan tong Allah.

IBRANI 9:14

Hun néh kenat tong dahaa' ka'an awah, makin péh tong dahaa' Kristus mu'un, uban neu' Sahéé' Néh éh pelinguh, Iah mena' usah Néh ke' Néh matai dokoo' kelunan omok tavin Tuhan, barei' ka'an éh penatai réh tong sebayang Yahudi. Tong pengena' Kristus hun Néh matai tong kayeu' salib, sukup mu'un éh. Dahaa' Néh pu'un penyukat mohéé' kenin lu' jin kekat penganeu' éh bé' omok purip lu', kelu' omok kivu Allah éh murip ngan ngepayoo' kenin Néh.