IBRANI 3:1 - Rengah Jian

¹ O kekat padéé' ké' lem Tuhan éh tenebai Allah, jian keh seruh tong Yésus éh tuai sohoo' Allah ke' Néh omok Imam éh pengeja'au kekat imam tong adet sebayang lu'.

IBRANI 3:1 Iomraidhean Croise

YOHANES 17:3

La'ah urip éh pelinguh, inah éh, hun kelunan jam jah Ka'au awah néh Allah éh mu'un, ngan hun réh jam Yésus Kristus éh senohoo' Ko' tuai nah.

YOHANES 20:21

Boh Yésus bara' ngan réh kepéh, ka' ha' Néh, Pawah kenin keh, barei' Tamen Ké' nyohoo' Akeu' tuai, kenat péh Akeu' nyohoo' keh kepéh, ha' Néh.

YOHANES 20:27

Ka' ha' Néh ngan Tomas, Jian ke' na'at ojoo' Ké' ngan masek buaa' ojoo' ko' tong suhat ojoo' Ké' ngan masek ojoo' ko' tong suhat tegahang Ké' iteu'. Mai ke' putui pengelan, jian ke' ngelan, ha' Néh.

PENGANEU' LAWAH 1:15

Ngioo' duah teleu' dau la'o inah kepéh, irah éh ngelan petipun kepéh, kekat réh ngioo' jah ato duah poloo' usah, boh Péterus nekedéng ke' néh pané ngan réh, ka' ha' néh,

SURAT PAULUS NGAN SIDANG RUM 11:17

Pu'un jelua' paka' éh lepah nega' jin inan saitun éh murip nulah, ngan paka' saitun éh murip bé' nulah pepetok kepéh tong inan éh nulah. La'ah ka'ah kelunan éh tengéé' pohoo' ka'ah la'ah barei' paka' saitun éh pepetok tong inan saitun éh nulah nah. Uban hun iteu' nah omok lah ka'ah alaa' urip pekua' irah Yahudi.

SURAT PAULUS NGAN SIDANG RUM 15:27

Kenin réh tengéé' juk maneu' kenat, bé' pu'un séé' éh nyohoo' réh, bang éh mu'un néh tekep réh maneu' kenat uban irah Yahudi rai pu'un réh mena' kuraa'-kuraa' kejian dalem kenin irah éh tengéé' pohoo', kenat péh hun iteu' kepéh, tekep irah éh tengéé' pohoo' nolong irah Yahudi dalem pengekari réh kepéh.

SURAT PAULUS NGAN SIDANG RUM 15:8

Uban ha' ké' ngan ka'ah, Kristus tuai paléu barei' jah kelunan ripen awah belah kelunan Yahudi, dokoo' kelunan omok jam Allah petem tigéh pesavéé' kekat jajii' Néh ngan tepun kelunan Yahudi, inah éh Abraham, Ishak, ngan Yakub.

SURAT PAULUS NGAN SIDANG RUM 9:24

Uban uleu' éh lepah kevéléé' Néh, bé' éh jin belah pohoo' Yahudi awah, bang jin belah kelunan éh tengéé' pohoo' péh.

1 KORINTUS 1:2

Maneu' surat iteu' ngan kekat sidang Allah éh tong leboo' ja'au Korintus, inah éh ngan kekat kelunan éh tenebai Tuhan ke' néh anah Nah, neu' urip réh pemung ngan Kristus Yésus, pemung ngan kekat kelunan semah-semah péh éh tebai tong ngaran Tuhan Yésus Kristus. Iah éh Tuhan lu', ngan Tuhan irah péh.

1 KORINTUS 10:17

La'ah roti inah jah lugung awah, la'ah na' péh uleu' pinaa', uleu' jah usah awah, uban uleu' béé pu'un kuman jin roti éh jah lugung inah.

1 KORINTUS 9:23

Bang akeu' maneu' kenat dokoo' réh omok jam tong Rengah Jian, dokoo' ké' omok alaa' jian kenin neu' réh ngelan tong Tuhan.

2 KORINTUS 1:7

Kenat péh bé' améé' putui pengelan seruh ka'ah, uban améé' jam pekua' ka'ah pu'un keta barei' améé', kenat péh Tuhan pu'un ngegahang kenin ka'ah barei' Iah pu'un ngegahang kenin améé' nah.

2 KORINTUS 9:13

Uban neu' pengena' keh kenat, inah éh pepoléng pengereken keh dalem pengelan keh, inah mihin kelunan pinaa' peparen Allah uban ka'ah maneu' pekua' éh kenakun keh tong Rengah Jian Kristus, neu' penika keh mena' ngan irah ngan mena' ngan kelunan éh jah kepéh.

ÉPESUS 3:6

Neu' Rengah Jian éh pelim lem kenin Allah sahau, bang éh pepoléng Néh hun iteu' kepéh, kelunan éh tengéé' pohoo' jin pohoo' Yahudi péh, omok éh alaa' kekat pengejian Allah pemung ngan irah Yahudi. Irah péh barei' jebila' usah Tuhan ngan pu'un dalem jajii' éh pejajii' Allah lem Kristus Yésus.

ÉPESUS 4:1

La'ah kenat péh jalan akeu' éh pu'un tong lamin tutup uban kereja' ké' ngan Tuhan, akeu' nyohoo' keh jian keh murip ngan barék keh pu'un jian ngan teneng pekua' ha' Tuhan ngan keh hun Néh tebai keh tavin Iah sahau rai.

ÉPESUS 4:4

Uban usah Kristus jah awah, uleu' béé péh seleket usah Néh inah, jah awah Sahéé', barei' jah awah pengelan lu', inah éh, uleu' ngelan omok tai pemung ngan Allah ngan paléu jian, pekua' tenebai Allah ngan keh.

PILIPI 3:14

Akeu' nekedeu' mu'un barei' irah lem petakéé' dokoo' ké' omok alaa' pengena' néh, inah éh, tong Allah tebai ku' dalem Kristus Yésus, dokoo' ké' omok alaa' urip maréng pemung ngan Néh tong seruga.

KOLOSÉ 1:12

La'ah jian uleu' bara' jian kenin ngan murung kenin ngan Tamen lu', uban pu'un Iah peteneng kenin lu', dokoo' lu' omok alaa' kekat pengejian éh petenup Néh ngan kekat kelunan éh anah Néh tong retek éh rema.

KOLOSÉ 1:22

Bang hun iteu' neu' Anak Néh matai, Tuhan pu'un maneu' keh bakéh Néh kepéh, dokoo' Néh mihin keh tai tong jumen Néh mu'un, ngan ni'ai ngan teneng kenin, bé' pu'un sa'at ineu'-ineu' péh.

KOLOSÉ 3:12

La'ah ka'ah péh anah Allah, pu'un Iah pika keh ngan ngevéléé' keh dokoo' keh omok anah Néh mu'un. Uban kenat ka'ah tekep pika pepika, Jian tipan, diva' kenin, dawai kenin ngan kebit kenin.

1 TESALONIKA 2:12

Pu'un mé' ngegahang kenin keh ngan papung keh, ngan nyohoo' keh murip ngan barék éh payoo' tong jumen Allah éh tebai ka'ah tai lem nihau Néh ngan pengaren Néh.

1 TESALONIKA 5:27

Akeu' nyohoo' ka'ah dalem ngaran Tuhan purung surat ké' iteu' ngan kekat padéé' lu'.

2 TESALONIKA 1:11

Uban néh kenat ngelayau mé' sebayang tong keh. Améé' menyat Allah éh kenelan mé', maneu' keh omok murip ngan barék éh jian pekua' éh tekep tong tenebai Néh ngan keh. La'ah neu' penyukat Tuhan, jian Iah pesukup pengeloo' keh tong kekat éh jian, ngan pesukup kekat kereja' keh éh neu' pengelan keh.

2 TESALONIKA 2:14

La'ah kenat péh Allah tebai keh neu' Rengah éh Jian éh benara' mé' ngan keh. Iah tebai keh dokoo' keh omok alaa' pengejian Tuhan Yésus Kristus.

1 TIMOTIUS 6:12

Jian ke' nengayet mu'un dokoo' murip tigéh lem urip Kristén ko', dokoo' ka'au' omok alaa' urip mu'un éh pelinguh, uban kenat péh jalan Allah tebai ke' hun ko' ngakun pengelan ko' tong Tuhan tong Jumen kelunan pinaa' rai.

1 TIMOTIUS 6:2

Kekat kelunan ripen éh pu'un lem nihau kelunan éh ngelan tong Tuhan, jian keh ngerera' tong réh, uban ka'ah péh pepadéé' lem Tuhan. Jian keh kereja' pelapah gahang kepéh ngan irah éh ngelan nah, uban irah éh alaa' oléé' jin kereja' keh inah, pu'un réh ngelan ngan pika Tuhan kepéh.

2 TIMOTIUS 1:9

Pu'un éh purip uleu' ngan tebai lu' kelu' omok anah Nah mu'un, bé' éh uban ineu'-ineu' éh penganeu' lu', bang kivu pengeloo' Néh ngan penika Néh tengéé'. Iah mena' penika Néh jin bu'un-bu'un dalem Kristus Yésus.

2 TIMOTIUS 2:7

Jian ke' seruh tong kekat ha' ké' inah, uban Tuhan omok nolong ke' nesen éh.

IBRANI 10:19

Uban kenat, O kekat padéé' ké', neu' pematai Yésus uleu' makang kenin omok masek tai Retek Matek Ni'ai.

IBRANI 10:21

Uleu' pu'un Imam éh pengeja'au kekat imam lu' éh jian mu'un, éh imam tong lamin Tuhan, inah éh imam tong kekat kelunan éh ngelan tong Tuhan.

IBRANI 10:23

Jian lu' mihau pengelan lu' mu'un tong Tuhan, uban Allah éh kenelan lu', adang Iah kivu pekua' éh pejajii' Néh.

IBRANI 13:22

Akeu' menyat ka'ah kebit kenin menéng kekat ha' tena' éh jalan ngegahang kenin keh uban surat ké' iteu' bé' éh pelapah kebit.

IBRANI 2:11

Uban pu'un Yésus nah peti'ai kelunan jin penyala' réh, ngan Iah éh pu'un ni'ai ngan irah éh peti'ai néh nah, jah awah Tamen réh. Kenat péh Yésus nah bé' éh leko mateng réh padéé' Néh.

IBRANI 2:17

Adang néh tekep Yésus paléu kelunan pekua' kekat padéé' Néh dalem kekat ineu'-ineu' péh. Dokoo' Iah omok Imam éh pengeja'au kekat imam éh tigéh ngan pu'un penika. Neu' penganeu' Néh inah penyala' kelunan omok pega'.

IBRANI 3:12

O kekat padéé' ké', mavaa' keh jian-jian, mai pu'un séé'-séé' péh éh pu'un kenin sa'at éh bé' ngelan tong Tuhan pah avéé' néh piso jin Allah éh murip.

IBRANI 3:14

Uleu' béé pu'un pekua' kereja' ngan Kristus, hun lu' avéé' ga' néh petem ngamit pengelan éh pu'un ngan lu' jin bu'un néh.

IBRANI 6:20

Yésus lepah masek sinah saa' tenah jin uleu', ngan Iah éh Imam éh pengeja'au kekat imam éh pelinguh barei' Imam Melkisedek.

IBRANI 7:26

Yésus nah, Iah Imam éh pengeja'au kekat imam lu' éh omok nolong lu' mu'un. Iah pu'un ni'ai, bé' pu'un ineu'-ineu' sala' ngan kesa'at lem Néh, tengéé' éh jin pohoo' kelunan penyala', Iah pu'un bau tong seruga ngan kenajung réh.

IBRANI 7:28

Lepah rai tong adet sebayang Yahudi, pohoo' kelunan éh lemoo' éh Imam éh pengeja'au kekat imam, bang la'o inah kepéh, Allah neu' ha' jajii' Néh éh benara' Néh lebéé' si'ik la'o Néh bara' sohoo' lem Surat Musa, inah Iah ngevéléé' Anak Néh imam, Anak Néh inah pu'un éh teneng mu'un avéé' pelinguh.

IBRANI 9:11

Bang Kristus nah pu'un tuai barei' okoo' Imam éh pengeja'au kekat imam tong kekat éh jian éh lepah pu'un tenéh. Lamin éh jalan Néh maneu' kekat kereja' Néh Imam éh pengeja'au kekat imam pu'un éh gunah mu'un ngan sukup mu'un Lamin inah bé' éh senuai kelunan. Sin néh bé' éh jin tana' éh senuai Néh iteu'.

IBRANI 9:15

Uban néh kenat inah Kristus maneu' jalan tong jajii' éh maréng ngan uleu' dokoo' kekat kelunan éh tenebai Allah omok alaa' pengejian pelinguh pekua' éh pejajii' Allah. Éh ke' néh omok kenat uban Kristus lepah matai dokoo' ngelepu kelunan jin penyala' éh naneu' réh hun réh kivu jajii' éh bu'un nah keto.

1 PÉTERUS 2:9

Bang ka'ah jah pohoo' éh kevéléé' Allah, imam-imam éh mena' urip néh maneu' kereja' Allah, pohoo' éh ni'ai, kelunan éh anah Allah mu'un. Allah ngevéléé' keh dokoo' keh omok perengah penganeu' Néh éh ngebéé kenin kelunan Allah lepah tebai ka'ah musit jin merem dokoo' masek lem rema Néh éh jian mu'un.

1 PÉTERUS 3:5

Kenat péh irah redo sahau éh anah Allah ngan ngelan tong Tuhan, inah jalan irah ngejian usah réh, irah petem kivu sohoo' lakei' réh.

1 PÉTERUS 5:1

Akeu' petesen ka'ah pengeja'au lem sidang, uban akeu' péh pengeja'au tong sidang. Pu'un ku' lepah na'at pengeketa Kristus ngan pu'un ku' tosok éh kepéh. Adang akeu' omok pemung ngan Néh tovoo' Iah tuai kepéh lem kekat pengaren Néh.

1 PÉTERUS 5:10

Bang La'o keh teneng pengeketa éh metok awah, Allah tengéé' juk maneu' ka'ah sukup mu'un. Iah juk petekedéng keh, ngegahang keh ngan ngereken keh, uban Iah Allah éh matek jian kenin ngan éh lepah tebai ka'ah dokoo' masek lem kemaren Néh éh pelinguh, uban ka'ah murip pemung ngan Kristus.

1 YOHANES 1:3

Améé péh bara' ngan Keh tong éh ta'an ngan nenéng mé' dokoo' ka'ah pekua' kenin ngan améé' lem urip mé' éh pu'un pemung ngan Tamen ngan Anak Néh Yésus Kristus.

YUDAS 1:1

Akeu' Yudas, kelunan éh sohoo' Yésus Kristus, éh padéé' Yakub rai, akeu' maneu' surat iteu' ngan kekat kelunan éh tenebai Allah éh pu'un petem dalem kemurung Allah éh Tamen lu', inah éh ngan kekat kelunan éh pu'un lem nihau Yésus Kristus.

ÉH POLÉNG 17:14

Pu'un réh ngelawan Anak Domba nah, bang Anak Domba nah pemung ngan irah éh tenebai Néh ngan kevéléé' Néh, irah éh tigéh, pu'un réh nyopéé' réh teleu' raja inah, uban Anak Domba nah éh Pengeja'au bau kekat pengeja'au, ngan Raja bau kekat raja' péh, ha' néh.

ÉH POLÉNG 18:20

O kekat kelunan tong seruga, jian keh murung kenin uban néh lepah béé. O kekat kelunan éh anah Allah, ngan kekat lawah Néh ngan kekat nabi, murung keh, uban pu'un Allah ngukum éh uban kekat penganeu' néh ngan keh lepah rai.