IBRANI 2:9 - Rengah Jian

⁹ Bang uleu' lepah na'at Yésus pu'un penyukat! Lem jaka' metok awah, Iah pu'un diva' siik jin meliket, dokoo' neu' pengasi Allah, Iah omok matai tulat kekat kelunan. Hun iteu' uleu' na'at Iah nena' pengaren ngan penyeva' uban Iah lepah keta avéé' matai.

IBRANI 2:9 Iomraidhean Croise

MATIUS 16:28

Akeu' bara' mu'un ngan keh, pu'un kelunan siteu' éh bé' omok matai avéé' néh na'at Anak Kelunan tuai Raja', ha' néh.

MATIUS 6:28

Uban ineu' keh putui kenin seruh tong pakai keh? Seruh keh tong kekat busak tong tana'. Bé' éh kereja' ngan bé' éh pitah pakai.

MARKUS 9:1

La'ah ka' ha' Yésus kepéh, Seruh keh jian-jian, pu'un jelua' kelunan siteu' éh bé' pu'un matai pah avéé' irah na'at Allah tuai Pengeja'au lem kekat penyukat Néh.

LUKAS 9:27

Jian keh seruh jian-jian, pu'un jelua' kelunan siteu' éh bé' omok matai pah avéé' réh jam Allah tuai Pengeja'au, ha' Néh ngan réh.

YOHANES 1:29

Barei'sagam pu'un Yohanes na'at Yésus tuai tavin éh, boh éh bara' ka' Na'at keh, Anak Domba Allah éh bet penyala' kekat kelunan tong tana'.

YOHANES 10:17

Ka' ha' Yésus kepéh, Tamen Ké' murung Akeu' uban Ké' keloo' mena' urip Ké' jalan Ké' omok alaa' éh kepéh.

YOHANES 12:32

La'ah hun Ké' pu'un netéé' réh jin tana' iteu', boh Ku' menat kenin kekat kelunan tavin Akeu', ha' Néh.

YOHANES 3:16

Uban ja'au penika Allah ngan kekat kelunan tong tana' iteu', inah Iah mena' Anak Néh éh jah de' ke' inah, dokoo' séé'-séé' éh ngelan tong Anak Néh, bé' éh matai bang néh omok alaa' urip pelinguh.

YOHANES 8:51

Akeu' bara' mu'un ngan keh, séé'-séé' éh mihau ha' tebaraa' Ké', bé' éh omok matai, ha' Néh.

YOHANES 8:52

Ka' ha' irah Yahudi kepéh, Nah, hun iteu' kejam mé' mu'un, Ka'au nasek balei'. Abraham ngan irah Nabi Tuhan, pu'un réh lepah matai, bang ha' Ko' nah, séé'-séé' éh mihau ha' tebaraa' Ké' bé' éh omok matai.

PENGANEU' LAWAH 2:33

La'ah Iah pu'un netéé' saa' na'au' Allah, ngan pu'un Éh alaa' Sahéé' Ni'ai éh pejajii' Tamen Néh ngan Néh lepah nah, éh ta'an keh ngan éh nenéng keh hun iteu', inah néh éh Sahéé' Néh éh nena' Néh ngan uleu' kepéh.

PENGANEU' LAWAH 3:13

Allah éh kenelan tepun lu' Abraham, Ishak ngan Yakub, ngan éh kenelan kekat tepun uleu' éh jah kepéh, Allah inah éh ngajung Anak Néh Yésus. Pu'un keh lepah mena' Éh ngan irah éh pengeja'au keh, ngan hun Pilatus juk ngelepu Éh bé' keh buhaa' éh ngelepu Éh, pu'un keh bet Éh awah.

SURAT PAULUS NGAN SIDANG RUM 5:18

Uban néh kenat, neu' penyala' Adam inah mihin kekat kelunan teneng tong ukum Allah, kenat ke' kepéh uleu' pelepu jin sala' ngan alaa' urip uban penganeu' Kristus éh kivu pengeloo' Allah.

SURAT PAULUS NGAN SIDANG RUM 5:8

Bang inah jalan Allah pepoléng penika Néh ngan uleu', uban lem lu' pu'un maneu' penyala' keto, inah Kristus matai ngeliwah uleu'.

SURAT PAULUS NGAN SIDANG RUM 8:3

Kekat ha' lem Surat Musa bé' pu'un penyukat ngelepu kelunan jin penyukat penyala' uban kelunan lemoo' kenin, bang Allah pu'un penyukat omok ngelepu réh. Pu'un éh ngukum penyala' ngan memekat pengereken penyala' jin lem kenin kelunan, neu' Anak Néh mu'un éh senohoo' Néh tuai. Iah tuai paléu' kelunan mu'un, pekua' layan kelunan éh penyala', dokoo' Néh kebéé penyala'.

SURAT PAULUS NGAN SIDANG RUM 8:32

Uban bé' Tuhan sihun tong Anak Néh, bang Iah mena' éh ke' Néh matai uban Néh ngeliwah kekat uleu'. Anak Néh mu'un éh nena' Néh. Hun néh kenat, adang Iah keloo' mena' ineu'-ineu' éh jah ngan uleu' kepéh éh omok mihin uleu' menang.

2 KORINTUS 5:15

Hun Kristus lepah matai ngan kekat kelunan kenat, tekep uleu' éh alaa' urip Néh éh maréng, mai lu' murip kivu pengeloo' lu' tengéé', bang jian lu' murip kivu pengeloo' Iah éh lepah matai ngan éh betéé' kepéh.

2 KORINTUS 5:21

La'ah bé' Kristus pu'un penyala', bang Allah nyohoo' Iah tagong penyala' uleu', dokoo' uleu' omok alaa' jian kepéh ngan Allah hun lu' pu'un pemung ngan Néh kepéh.

GALATIA 4:4

Bang avéé' tong jaka' éh kevéléé' Allah, inah éh nyohoo' Anak Néh mu'un tuai, Iah tuai tong tana' ngan tinen Néh kelunan jin tana'. Anak Néh inah pu'un éh kivu sohoo' lem Surat Musa,

1 TIMOTIUS 2:6

Yésus mena' usah Néh penatai réh dokoo' ngelepu kekat kelunan, inah éh telana' éh benara' Néh sioo' jaka' éh kevéléé' Néh éh jalan lu' omok jam adang Iah keloo' kekat kelunan alaa' urip Néh.

IBRANI 1:9

Ka'au' éh murung tong kekat éh jian ngan teneng, bang leko Ke' tong kekat éh sa'at. Uban néh kenat Allah ngevéléé' Ke' ngan pepenoo' kenin Ko' neu' kekat kemurung Néh éh pelapah ja'au jin kemurung éh nena' Néh ngan irah bakéh Ko',

IBRANI 10:5

Inah éh ke' Kristus bara' ngan Allah teka Néh tuai tong tana', ka' ha' Néh O Tuhan, bé' Ka'au' keloo' réh mematai ka'an ke' réh mena' éh ngan Ko'. Bang usah Ké' iteu' éh petenup Ko'.

IBRANI 11:5

Neu' pengelan, Henokh bé' matai. Bang iah pu'un netéé' ngan nihin tavin Allah. Bé' pu'un séé'-séé' na'at éh kepéh Uban néh lepah netéé' Allah. Lem surat Allah pu'un éh senurat, bé' jak Allah metéé' Henokh, pu'un éh ngepayoo' kenin Allah.

IBRANI 12:2

Bang jian lu' petem kepuh tong Yésus, éh majak lu' lem pengelan lu' jin bu'un avéé' ga'. Yésus bé' béé kenin, na' péh Iah pu'un matai tong kayeu' salib. Bang uban kemurung éh juk laa' Néh kepéh, bé' Iah seruh kemenyaa' éh teneng tong kelunan éh matai tong kayeu' salib, hun iteu' Iah menyun saa' na'au' nyun Allah.

IBRANI 2:7

Lem jaka' metok awah Ka'au' maneu' kelunan diva' siik jin meliket; Ka'au' mena' ngan kelunan pengaren ngan penyeva'.

IBRANI 7:25

Kenat péh kekat kelunan éh tuai tavin Tuhan dalem Iah, Kristus pu'un penyukat purip réh, kenat éh hun iteu', kenat péh avéé' pelinguh, uban Iah murip pelinguh ngelayau Éh menyat Allah pika réh.

IBRANI 8:3

Siget-siget Imam éh pengeja'au kekat imam pu'un kevéléé' dokoo' mena' pengena' ngan mematai ka'an mena' ngan Allah, kenat péh Imam éh pengeja'au kekat imam lu' adang pu'un jah pengena' éh tekep nena' Néh.

1 PÉTERUS 1:21

Jin Iah ka'ah ngelan tong Allah, Éh lepah pebetéé' Éh jin pematai ngan peparen Éh. Uban néh kenat hun iteu' ka'ah ngelan tong Allah ngan ngepelum tong Néh ngan kenin keh mu'un.

1 YOHANES 2:2

Uban Kristus awah éh jalan mega' kekat penyala' lu', bé' éh kekat penyala' uleu' iteu' awah, bang jalan mega' penyala' kekat kelunan pah tipo tana'.

ÉH POLÉNG 19:12

Maten Néh barei' tekok luten ngan pinaa' tapong tong ulun Néh. Pu'un jah ngaran tong néh éh bé' kejam kelunan éh jah, Iah awah éh jam éh.

ÉH POLÉNG 5:9

La'ah irah nyanyi, jah nyanyi éh maréng, ka' ha' réh. Ka'au' éh tekep alaa' len surat inah ngan mega' tada' tong néh. Uban Ka'au' éh penatai réh, ngan neu' dahaa' Ko', pu'un Ke' melih kelunan jin siget pohoo', siget arong ha', siget leboo' ngan siget arong kelunan béé dokoo' réh omok anah Allah.