IBRANI 2:8 - Rengah Jian

⁸ Ngan maneu' kelunan pu'un penyukat mihau kekat ineu'-ineu' péh. Lem ayat inah bara' tong Allah maneu' kelunan pu'un penyukat bau kekat ineu'-ineu' péh; hun néh kenat bé' pu'un jah ineu' péh kenat bé' pu'un lem nihau kelunan. Bang hun iteu' bé' jak lu' na'at kelunan pu'un penyukat mihau kekat ineu'-ineu' péh.

IBRANI 2:8 Iomraidhean Croise

MATIUS 28:18

Tuai Yésus déhéé' réh ke' néh bara' ka', Tamen Ké' pu'un mena' penyukat ngan Ké', kenat péh tong seruga, kenat péh tong tana' iteu'.

YOHANES 13:3

La'ah kejam Yésus Tamen Néh pu'un mena' kekat penyukat Néh ngan Néh. Kejam Néh kepéh Iah pu'un tuai jin Allah ngan juk moléé' ngan Allah kepéh.

YOHANES 3:35

La'ah Tamen Néh murung Anak Néh ngan pu'un Éh mena' kekat ineu'-ineu' lem nihau Anak Néh.

1 KORINTUS 15:27

Uban pu'un jah ha' lem surat Allah éh bara', Allah maneu' kekat néh béé ra' gem Néh, ha' Néh. Bang tong ha' néh ka', Kekat néh béé ra' gem Néh, bé' éh bara' Allah pu'un ra' gem Kristus.

IBRANI 1:13

La'ah bé' Allah pu'un bara' ka' ngan jah-jah meliket péh, Menyun ke' siteu' saa' na'au' Ké', avéé' Ké' maneu' kekat ayau Ko', barei' lun gem Ko' awah,

IBRANI 1:2

Bang hun iteu' tovoo' tai ga' tana', inah Iah pané ngan uleu' kepéh Jin Anak Néh. La'ah Jin Anak Néh, pu'un Allah suai kekat tana' ngan langit. Allah lepah ngevéléé' Anak Néh iteu' ke' Néh pu'un penyukat bau kekat ineu'-ineu' péh tong ga' néh.

IBRANI 2:5

Bé' Allah ngevéléé' meliket ke' néh omok pengeja'au tana' maréng éh juk pu'un kepéh. Inah éh tana' éh nané lu' hun iteu' nah.

1 PÉTERUS 3:22

éh lepah moléé' tai seruga ngan kenajung saa' na'au' Allah, ngan pengeja'au kekat meliket ngan kekat éh pu'un penyukat ngan éh ja'au tong seruga.

ÉH POLÉNG 1:18

Akeu' éh murip. Pu'un Ku' lepah matai rai, bang na'at ke', pu'un Ku' murip kepéh avéé' pelinguh. Akeu' pu'un penyukat bau kekat éh maneu' réh matai ngan jalan patai.

ÉH POLÉNG 1:5

Kenat péh jin Yésus Kristus éh tigéh lem kekat éh benara' Néh, Iah éh bu'un bu'un pebetéé' Allah jin patai Néh ngan Iah éh raja bau kekat raja tong tana'. Yésus pika uleu' ngan neu' dahaa' Néh, inah Iah ngelepu uleu' jin kekat penyala' lu'.