IBRANI 2:11 - Rengah Jian

¹¹ Uban pu'un Yésus nah peti'ai kelunan jin penyala' réh, ngan Iah éh pu'un ni'ai ngan irah éh peti'ai néh nah, jah awah Tamen réh. Kenat péh Yésus nah bé' éh leko mateng réh padéé' Néh.

IBRANI 2:11 Iomraidhean Croise

MATIUS 25:40

Boh Raja' juk mipa ha' réh kepéh, ka', Akeu' bara' ngan keh, siget-siget koléé' hun keh nolong irah éh padéé' ké' iteu', na' péh réh si'ik mu'un, inah seleket keh nolong usah ké' mu'un. Kenat ha' ké' ngan réh, ha' Yésus nah.

MATIUS 28:10

Ha' Yésus ngan roh, Mai koh medai, jian koh tai nyohoo' kekat padéé' ké' tai tana' Galilia, sinah réh omok temeu' ngan ké' kepéh, ha' néh.

MARKUS 3:34

Iah ngelengit na'at kelunan pinaa' éh menyun tutuh Néh nah, boh Iah bara' ka', Na'at, iteu' néh tinen Ké' ngan padéé' Ké'.

MARKUS 8:38

Uban kelunan éh medai bara' tong pengelan tong Akeu' ngan tong ha' tebaraa' Ké', Anak Kelunan péh menyaa' tong kelunan inah, tovoo' Néh tuai kepéh dalem kekat pengaren Tamen Néh pemung ngan meliket Néh éh ni'ai, ha' Yésus ngan réh.

LUKAS 9:26

Uban kelunan séé'-séé' éh leko tong Akeu' ngan leko tong ha' tebaraa' Ké', Anak Kelunan leko tong iah sioo' savéé' Néh tuai kepéh dalem kekat pengaren Tamen Néh ngan pengaren meliket Néh péh.

YOHANES 17:19

Uban Ké' pika réh, inah Akeu' mena' usah Ké' ngan Ko' dokoo' réh omok anah Ko' mu'un.

YOHANES 17:21

Akeu' sebayang dokoo' irah béé omok pekua' kenin. O Amam, jian irah pu'un petem dalem Tuah, barei' Ka'au pu'un dalem Akeu', ngan Akeu' pu'un dalem Ka'au. Jian irah pu'un pekua' kenin dokoo' kelunan tong tana' iteu' omok ngelan Ka'au nyohoo' Akeu' tuai.

YOHANES 20:17

Ka' ha' Yésus ngan néh kepéh, Mai ke' ngamit Akeu', uban bé' jak Ku' pu'un moléé' tai Tamen Ké', bang jian ke' moléé' tai tavin kekat padéé' Ké' ngan bara' ha' Ké' iteu' ngan réh. Pu'un Akeu' moléé' ngan Tamen Ké', éh Tamen ka'ah péh, ngan Allah Ké', éh Allah ka'ah péh, ha' Néh.

PENGANEU' LAWAH 17:26

Jin jah kelunan Iah suai siget arong kelunan pah tipo tana' kepéh. Iah ngevéléé' kekat sioo' pengurip réh ngan petulat tana' jalan pengokoo' réh.

PENGANEU' LAWAH 17:28

Uban pu'un jah ha' éh bara' ka', Dalem Iah uleu' murip ngan gusii' ngan pu'un tong tana' iteu', ha' nah. Barei' ha' irah jin belah keh éh jam mipet, ka' ha' réh, Uban uleu' péh anak Néh, ha' réh.

SURAT PAULUS NGAN SIDANG RUM 8:29

Tuhan jam kekat irah éh omok anah nah, Iah lepah ngevéléé' réh hun réh to bé' jak pu'un tong tana', ke' Néh ngepaléu réh jian barei' Anak Néh, dokoo' Anak Néh inah omok ja'au belah kekat uleu' éh padéé' Néh.

GALATIA 4:4

Bang avéé' tong jaka' éh kevéléé' Allah, inah éh nyohoo' Anak Néh mu'un tuai, Iah tuai tong tana' ngan tinen Néh kelunan jin tana'. Anak Néh inah pu'un éh kivu sohoo' lem Surat Musa,

IBRANI 10:10

Uban Yésus Kristus pu'un kivu pengeloo' Allah ngan mena' usah Néh tengéé' dokoo' Néh penatai. Iteu' naneu' Néh jah koléé' awah pah avéé' pelinguh-linguh, uban kenat penyala' lu' omok pega'.

IBRANI 10:14

La'ah neu' Néh mena' urip Néh jah koléé' awah, Iah peteneng kenin irah éh lepah nohéé' Néh penyala' réh avéé' pelinguh.

IBRANI 11:16

Bang irah juk tai jah tana' éh pelapah jian jin inah, inah éh seruga. Inah maneu' Allah bé' menyaa' hun réh mateng Iah Allah réh, uban pu'un Éh lepah petenup leboo' tong seruga ngan réh.

IBRANI 13:12

Kenat péh Yésus matai saa' usit pagin leboo', dokoo' mohéé' irah éh anah nah jin penyala' réh palaa' dahaa' Néh tengéé'.

IBRANI 2:14

Uban irah éh nateng anak Allah kelunan mu'un, inah Yésus tuai paléu kelunan pekua' irah inah ke'. Iah paléu kelunan dokoo' neu' pematai Néh Iah omok ngebéé Sitan éh pu'un penyukat bau patai.

IBRANI 3:1

O kekat padéé' ké' lem Tuhan éh tenebai Allah, jian keh seruh tong Yésus éh tuai sohoo' Allah ke' Néh omok Imam éh pengeja'au kekat imam tong adet sebayang lu'.