IBRANI 2:10 - Rengah Jian

¹⁰ La'ah Allah éh suai kekat ineu'-ineu' ngan mihau éh, tekep maneu' Yésus, jalan pepurip kelunan éh sukup mu'un neu' kekat pengeketa Néh. Inah jalan Allah omok mihin pinaa' kelunan masek lem kemaren Yésus, uban Yésus nah pengeja'au éh mihin kelunan tavin urip.

IBRANI 2:10 Iomraidhean Croise

LUKAS 13:32

La'ah ka' ha' Yésus ngan réh, Kelunan inah barei' bekuleu' awah, jian keh bara' kekat ha' Ké' iteu' ngan néh, Tong dau iteu' Akeu' mega' balei' ngan peka'o kelunan sakit, kenat péh sagam, ngan tong keteleu' dau ma'o lah Ku', ha' Ké' keh bara' ngan néh, ha' néh.

LUKAS 2:14

Matek maren néh Allah éh tong seruga, petunuk tong tana' ngan kekat kelunan éh payoo' tong ta'an Néh, ha' réh.

LUKAS 24:26

Kineu' éh seneruh ka'ah, bé' éh tekep Kristus jam keta ngan alaa' pengejian Néh kepéh, ha' Yésus.

LUKAS 24:46

ka' ha' Néh ngan réh, Pu'un ha' lem surat Allah éh bara', Adang Kristus sioo' keta ngan matai, ngan tong keteleu' dau adang Néh betéé' murip kepéh.

YOHANES 11:52

Éh mu'un néh, bé' Yésus matai ngeliwah pohoo' Yahudi awah, bang Iah matai dokoo' Néh pepemung kekat irah éh Anak Allah jin siget arong kelunan pah tipo tana'.

YOHANES 19:30

Yésus météé' lamut inah, boh éh bara' Lepah sukup, ha' Néh. Boh éh tukep ngan béé laset Néh.

PENGANEU' LAWAH 3:15

Inah jalan keh mematai Iah éh nebu'un urip. Bang Allah pu'un pebetéé' Éh jin belah kelunan matai, améé' jam éh pu'un kenat mu'un uban maten mé' na'at Éh la'o Néh betéé' jin patai Néh.

PENGANEU' LAWAH 5:31

Allah pu'un metéé' Éh saa' na'au' Néh ngan maneu' Éh Raja' ke' Néh omok purip kelunan dokoo' Néh maneu' jalan ngan pohoo' kelunan Yahudi ke' réh ngepaléu kenin réh ngan penyala' réh omok pega'.

SURAT PAULUS NGAN SIDANG RUM 11:36

Uban kekat-kekat ineu'-ineu' péh senuai Néh béé. La'ah neu' Iah péh kekat néh pu'un petem ngan pu'un éh ngan Néh. Jian Allah kenajung kelunan pelinguh. Amin.

SURAT PAULUS NGAN SIDANG RUM 9:23

Inah kepéh Iah juk pepoléng pengaren Néh ngan uleu' éh penika Néh, inah éh ngan uleu' éh lepah kevéléé' Néh jin sahau.

1 KORINTUS 2:7

Kekat ha' tebaraa' éh benara' ké' pu'un éh bara' tong pengeloo' kenin Allah éh pelim jin kelunan lepah rai. Uban hun tana' iteu' to bé' jak pesuai neu' Néh sahau, pengeloo' kenin Néh tengéé' juk mihin lu' tong pengaren Néh.

1 KORINTUS 8:6

bang ngan uleu' éh ngelan tong Tuhan, Allah jah awah, inah éh Tamen uleu', éh suai kekat-kekat arong ineu'-ineu' péh, ngan uleu' murip neu' Néh, kenat péh jah awah Tuhan lu', inah éh Yésus Kristus, Iah éh suai kekat ineu'-ineu' ke' néh pu'un pesuai, ngan uleu' péh murip neu' Néh.

2 KORINTUS 3:18

La'ah uleu' béé pepoléng pengaren Tuhan palaa' da'in lu' éh bé' pu'un mekep, uban pengaren inah tuai jin Tuhan, neu' Sahéé' Ni'ai éh ngepaléu uleu' omok pekua' Iah dalem pengaren Néh éh pelapah ja'au.

2 KORINTUS 4:17

Uban penusah ngan pengeketa lu' iteu', barei' si'ik awah éh ngan metok awah, pu'un éh mihin uleu' alaa' pengaren éh ja'au ngan éh pelinguh, éh pelapah ja'au kepéh jin kekat penusah lu'.

2 KORINTUS 5:18

Allah éh pu'un ngepaléu lu' kelu' omok kenat, bu'un-bu'un uleu' éh ayau Allah bang Iah ngepaléu lu' dokoo' lu' omok bakéh Néh kepéh. Iah ngepaléu lu' kenat neu' Kristus, la'ah Iah mena' kereja' Néh ngan lu' dokoo' lu' omok mihin irah éh jah bakéh Néh kepéh.

2 KORINTUS 6:18

Akeu' omok Tamen keh, ngan ka'ah omok anak Ké', kenat péh anak Ké' lakei' ngan anak Ké' redo péh. Kenat ha' Allah éh pelapah ja'au penyukat jin ineu'-ineu' péh.

GALATIA 3:26

Uban neu' pengelan keh tong Kristus, ka'ah béé péh anak Allah, uban keh pu'un pemung ngan Kristus Yésus.

ÉPESUS 2:7

Pu'un Iah maneu' kenat dokoo' penika Néh ngan lu' dalem Kristus, éh ja'au mu'un, éh bé' omok benara' lu', pu'un poléng pelinguh.

ÉPESUS 3:10

dokoo' naneu' sidang hun iteu' kekat meliket ngan kekat éh pu'un penyukat tong seruga, omok jam tong pengeloo' kenin Tuhan éh jian mu'un.

KOLOSÉ 3:4

Urip keh mu'un inah éh Kristus, ngan hun Iah pu'un poléng kepéh, ka'ah péh pu'un poléng pemung ngan Néh ngan tai pemung ngan Néh lem kekat pengaren Néh.

2 TIMOTIUS 2:10

Kenat péh akeu' ngeretep dalem kekat pengeketa ké', dokoo' ké' omok nolong kelunan éh kevéléé' Allah, dokoo' irah péh omok alaa' urip dalem Kristus Yésus, pemung ngan pengaren Néh éh pu'un pelinguh.

IBRANI 12:2

Bang jian lu' petem kepuh tong Yésus, éh majak lu' lem pengelan lu' jin bu'un avéé' ga'. Yésus bé' béé kenin, na' péh Iah pu'un matai tong kayeu' salib. Bang uban kemurung éh juk laa' Néh kepéh, bé' Iah seruh kemenyaa' éh teneng tong kelunan éh matai tong kayeu' salib, hun iteu' Iah menyun saa' na'au' nyun Allah.

IBRANI 6:20

Yésus lepah masek sinah saa' tenah jin uleu', ngan Iah éh Imam éh pengeja'au kekat imam éh pelinguh barei' Imam Melkisedek.

IBRANI 7:26

Yésus nah, Iah Imam éh pengeja'au kekat imam lu' éh omok nolong lu' mu'un. Iah pu'un ni'ai, bé' pu'un ineu'-ineu' sala' ngan kesa'at lem Néh, tengéé' éh jin pohoo' kelunan penyala', Iah pu'un bau tong seruga ngan kenajung réh.

IBRANI 7:28

Lepah rai tong adet sebayang Yahudi, pohoo' kelunan éh lemoo' éh Imam éh pengeja'au kekat imam, bang la'o inah kepéh, Allah neu' ha' jajii' Néh éh benara' Néh lebéé' si'ik la'o Néh bara' sohoo' lem Surat Musa, inah Iah ngevéléé' Anak Néh imam, Anak Néh inah pu'un éh teneng mu'un avéé' pelinguh.

1 PÉTERUS 1:12

Allah pu'un bara' ngan irah nabi tong kekat éh naneu' réh nah bé' éh tulat usah réh tengéé', bang pu'un éh tulat ka'ah. Kekat éh benara' irah nabi inah, hun iteu' lepah keh menéng éh jin irah éh bara' tong Rengah jian inah. Irah perengah éh ngan keh palaa' penyukat Sahéé' Ni'ai, éh nena' jin seruga pah avéé' irah meliket péh keloo' jam tong kekat inah.

1 PÉTERUS 5:1

Akeu' petesen ka'ah pengeja'au lem sidang, uban akeu' péh pengeja'au tong sidang. Pu'un ku' lepah na'at pengeketa Kristus ngan pu'un ku' tosok éh kepéh. Adang akeu' omok pemung ngan Néh tovoo' Iah tuai kepéh lem kekat pengaren Néh.

1 PÉTERUS 5:10

Bang La'o keh teneng pengeketa éh metok awah, Allah tengéé' juk maneu' ka'ah sukup mu'un. Iah juk petekedéng keh, ngegahang keh ngan ngereken keh, uban Iah Allah éh matek jian kenin ngan éh lepah tebai ka'ah dokoo' masek lem kemaren Néh éh pelinguh, uban ka'ah murip pemung ngan Kristus.

ÉH POLÉNG 4:11

Oo' Tuhan éh Allah mé'! Bang Ka'au' awah éh tekep alaa' pengaren, penyeva' ngan penyukat, uban Ka'au' éh suai kekat ineu'-ineu' péh ngan kivu pengeloo' Ko' kepéh kekat ineu'-ineu' péh poléng ngan murip.

ÉH POLÉNG 7:9

La'o inah pu'un ku' na'at kepéh ngan ta'an ké' kelunan pinaa' mu'un. Bé' pu'un jah kelunan péh omok purung réh. Irah jin siget pohoo', betah, leboo' ngan siget arong ha'. Irah pakai livah éh mebéng ngan irah ngamit da'an pulah éh barei da'an uvut. Irah piting nekedéng tong jumen nyun inah ngan Anak Domba nah.