IBRANI 13:9 - Rengah Jian

⁹ Mai keh kejeraa' ha' tebaraa' éh tengéé' pepetat keh jin jalan éh teneng. Kenin lu' tekep gahang neu' penika Allah, bé' éh neu' lu' kivu kuraa' kuraa' sohoo' tong éh omok kinan lu'. Kelunan éh kivu sohoo' inah bé' inah omok ngegahang pengelan réh tong Tuhan.

IBRANI 13:9 Iomraidhean Croise

MATIUS 24:24

Uban pu'un kuraa'-kuraa' kelunan juk tuai éh bara' éh Kristus, bang bé' éh kenat. Kenat péh tong kelunan éh nabi, adang pu'un kuraa'-kuraa' usah réh éh bara' réh nabi Tuhan, bang bé' éh kenat. Kenat péh omok réh maneu' kuraa' telana' éh tejeu' éh ngebéé kenin kelunan ke' réh ngelavo' kelunan éh kevéléé' Allah.

MATIUS 24:4

Ha' Yésus mipa réh, Mavaa' keh jian-jian dai kelunan petawang keh.

LUKAS 5:38

Baa' agun éh maréng adang tekep modoo' éh lem telokoo' kulit ka'an éh maréng.

PENGANEU' LAWAH 20:30

La'ah jin belah ka'ah ke' pu'un kuraa' kelunan juk betéé' nalau keh jin ha' tebaraa' éh teneng, ke' réh pepetat kelunan éh ngelan tong Tuhan jin pengelan réh ke' réh kivu irah kepéh.

PENGANEU' LAWAH 20:32

Hun iteu' akeu' mejai keh ngan Allah, ngan ha' tebaraa' Néh éh bara' tong penika Néh. Iah pu'un penyukat ngereken keh ngan mena' kekat pengejian Néh ngan keh éh pu'un nena' Néh ngan kekat kelunan éh anah nah.

SURAT PAULUS NGAN SIDANG RUM 14:17

uban bé' lu' kivu Tuhan neu' ka'an kinan lu' ngan baa' nesep lu' bang neu' lu' maneu' kekat éh teneng ngan urip éh pawah ngan kemurung éh jin Sahéé' Ni'ai.

SURAT PAULUS NGAN SIDANG RUM 14:2

Jah kelunan omok kuman kekat arong ka'an, bang kelunan éh kurang dalem pengelan néh, iah seruh tekep iah kuman ujung ba'an awah.

SURAT PAULUS NGAN SIDANG RUM 14:6

Kelunan éh mihau dau ja'au iah maneu' éh kenat ke' néh seva' Tuhan, kenat péh kelunan éh kuman kekat arong ka'an iah kuman éh ke' néh seva' Tuhan, uban iah bara' jian kenin ngan Allah uban Tuhan éh mena' ka'an inah. Kelunan éh bé' keloo' kuman sin ka'an, iah bé' kuman éh kenat uban iah juk seva' Tuhan, ngan iah péh bara' jian kenin ngan Allah kepéh.

1 KORINTUS 6:13

Barang pu'un jah usah kepéh éh bara', Ka'an pu'un dokoo' lu' omok beso betuken, ngan betuken lu' pu'un dokoo' lu' omok kuman ka'an. Oo' mu'un, bang ka'an ngan betuken lu' péh juk kenebéé Allah. Usah kelunan bé' éh pu'un ke' néh maneu' barék sa'at ngan petuyang, bang pu'un éh ke' néh anah Tuhan, ngan Tuhan pu'un ke' Néh purip usah uleu'.

1 KORINTUS 8:8

La'ah éh mu'un néh bé' lu' omok pelapah danii' tong Allah neu' lu' kuman ka'an. Kenat péh hun lu' bé' kuman éh bé' lu' sala', ngan hun lu' kuman éh, bé' lu' alaa' jian neu' inah.

2 KORINTUS 1:21

La'ah neu' Allah inah, iah éh maneu' améé' pemung ngan ka'ah péh, jam uleu' pu'un urip dalem Kristus. Allah Iah éh pepemung uleu' ke' Néh maneu' uleu' anah Nah mu'un,

GALATIA 6:1

O kekat padéé' ké', hun keh jam séé'-séé' péh maneu' penyala', tekep ka'ah éh penoo' neu' Sahéé' Tuhan, dawai kenin peteneng jalan néh, ngan mihau usah keh kepéh dai keh sioo' tenupat kepéh.

ÉPESUS 4:14

Hun lu' pu'un kenat bé' lu' barei' anak éh bé' jam seruh, bé' lu' duah kenin keteu'-ketai barei' lipak, ngan bé' lu' palit neu' kekat kepu, inah éh ha' tebaraa' éh benara' kelunan éh ngelavo' irah éh jah ke' néh petawang réh neu' aken kenin néh éh kenyo.

ÉPESUS 5:6

Mai keh kejeraa' séé'-séé' péh pané ngelavo' keh, uban inah omok pesavéé' kemerek Allah neu' réh bé' tigéh kivu sohoo' Néh.

KOLOSÉ 2:4

Akeu' bara' kenat dai séé'-séé' péh petawang keh neu' néh pané menat-menat kenin keh.

2 TESALONIKA 2:17

Jian Iah ngegahang kenin keh ngan ngereken keh ke' ka'ah omok maneu' ngan bara' kekat éh jian.

2 TESALONIKA 2:2

mai keh tawang kenin ngan besau menéng ha' kelunan bara' Dau savéé' Tuhan nah lepah avéé' tenéh. Barang pu'un péh kelunan bara' kenat hun néh bara' tong kekat éh juk avéé' vam, barang pu'un péh kelunan bara' kenat hun néh nebaraa' keh. Barang pu'un réh bara' améé' nyurat éh kenat dalem surat mé'.

1 TIMOTIUS 6:20

Timotius, jian ke' mihau kekat ha' tebaraa' éh lepah benara' réh ngan ko' rai. Jian ke' petedau kekat ha' ané kelunan éh pané awah, ngan ha' kelunan éh pepané uban irah seruh réh pu'un pengejam, bang éh mu'un bé' réh pu'un pengejam.

1 YOHANES 4:1

O kekat padéé' ké' éh kemurung ké', mai keh ulak ngelan ha' kelunan éh bara' iah pu'un Sahéé' Ni'ai, jian keh ngelenaa' réh dokoo' keh omok jam éh hun sahéé' inah pu'un jin Allah ngan hun néh bé' péh. Uban pinaa' kelunan éh ngelavo' lepah tai semah-semah péh.

YUDAS 1:12

Irah pu'un barei' éh segit awah tong ta'an keh tovoo' keh kuman pemung ngan kekat padéé' éh kua' pengelan ngan irah kuman nyahan ngan seruh tong usah réh tengéé' irah barei' baleng éh palit neu' kepu bang bé' pu'un taa'. Irah péh barei' kayeu' buaa' éh bé' ngebuaa' na' péh éh sioo' taun buaa'. Irah barei' kayeu' éh lepah navut avéé' lakat néh éh matai mu'un.

YUDAS 1:3

O kekat padéé' éh kemurung ké'! Akeu' lepah maneu' surat ngan keh tong jalan urip lu' dalem Tuhan. Bang akeu' juk ngegahang kenin keh jin surat iteu' ngan nyohoo' keh ngelawan ineu'-ineu' éh juk ngebéé pengelan éh lepah nena' Allah jah koléé' awah ngan irah éh anah Nah avéé' pelinguh-linguh.