IBRANI 13:8 - Rengah Jian

⁸ Yésus Kristus pu'un pekua' hun sahau, hun iteu' ngan avéé' kelebéé'-lebéé' néh.

IBRANI 13:8 Iomraidhean Croise

2 KORINTUS 1:19

Uban Yésus Kristus, Anak Allah éh benara' mé' teleu' Silas ngan Timotius rai, bé' Éh barei' kelunan éh bara' Oo' bang éh lem kenin réh seruh bé'. Kristus bé' éh pu'un kenat. Kekat ha' Néh ngelayau éh Oo' uban Iah ngelayau maneu' pekua' éh benara' Néh.

2 KORINTUS 1:20

Uban kekat ha' éh pejajii' Allah pu'un éh kivu éh dalem Yésus Kristus. Kenat péh uleu' omok bara' Amin dalem Yésus Kristus ngan peparen Allah.

IBRANI 1:12

Barei' kelunan ngejekuu' kerayung néh. Barei' kelunan ngeliwah pakai néh, kenat péh Ka'au' juk ngeliwah tana' ngan ngeliwah langit. Bang Ka'au' Tuhan ngelayau Ke' pu'un pekua', bé' Ka'au' omok mukun, ha' néh.

YAKUB 1:17

Kekat ineu'-ineu' éh jian ngan éh sukup mu'un inah éh tuai jin seruga jin Allah éh suai kekat éh rema tong Langit. Iah Allah éh bé' pu'un paléu, ngan bé' pu'un ngelihep ineu'-ineu' péh.

YUDAS 1:25

Iah awah éh Allah, éh pepurip lu' jin Yésus Kristus Tuhan lu'. Iah néh Allah éh Maren, pengeja'au kekat Allah, pu'un penyukat ngan éh bau kekat néh béé jin sahau avéé' hun iteu' ngan kelebéé'-lebéé' néh. Amin.

ÉH POLÉNG 1:11

Ka' ha' Néh ngan ké' jian ke' nyurat kekat éh ta'an ko' da' ngan pekateu' surat iteu' ngan sidang tong tujuu' leboo' ja'au iteu: Épesus, Smirna, Pergamus, Tiatira, Sardis, Piladelpia, ngan Laodikia. Ha' Néh.

ÉH POLÉNG 1:4

Akeu' Yohanes maneu' surat iteu' ngan tujuu' sidang éh pu'un tong tana' Asia. Jian penika ngan pengepawah éh jin Allah pu'un ngan keh, inah éh Allah éh pu'un hun iteu' ngan éh lepah pu'un tenéh ngan éh juk tuai kepéh, kenat péh jin tujuu' sahéé' éh pu'un saa' jumen nyun Allah.

ÉH POLÉNG 1:8

Akeu' éh bu'un ngan ga' péh, kenat ha' Allah éh pelapah ja'au penyukat, éh pu'un hun iteu', ngan éh lepah pu'un tenéh, ngan éh juk tuai kepéh.