IBRANI 13:7 - Rengah Jian

⁷ Jian keh seruh tong irah éh pengeja'au keh lepah, éh bara' ha' Tuhan ngan keh. Seruh keh tong urip réh ngan tong pematai réh, jian keh nyavuu' pengelan réh.

IBRANI 13:7 Iomraidhean Croise

MATIUS 24:45

Ha' Yésus kepéh, Belah kekat kelunan sohoo', séé' éh tigéh ngan jam seruh maneu' kekat kereja' néh. Inah éh kelunan sohoo' éh kevéléé' pengeja'au néh ke' néh omok mihau kelunan sohoo' éh jah, ngan mena' penguman ngan réh tong jaka' réh kuman.

LUKAS 12:42

Ha' Tuhan mipa éh, Jian keh seruh, jin belah kekat kelunan sohoo' séé' éh tigéh ngan jam seruh maneu' kekat kereja' néh. Kelunan inah éh kevéléé' pengeja'au néh ke' néh petubo lamin néh ngan ke' néh mena' penguman ngan irah éh pata kelunan sohoo' tong jaka' réh kuman.

LUKAS 5:1

La'ah jah koléé' Yésus nekedéng tong dirin baa' Banget Genesaret, tuai kelunan pinaa' nyikeu' Éh ke' réh juk menéng ha' tebaraa' Allah éh benara' Néh.

LUKAS 8:11

Ha' Yésus kepéh, Inah éh sin lem ha' tapan iteu'. Sin tong tulin éh nurat inah, inah éh ha' tebaraa' Tuhan.

PENGANEU' LAWAH 13:46

Bang Paulus ngan Barnabas makang kenin nebaraa' réh, ka' ha' roh, Tekep ha' tebaraa' Tuhan pu'un benara' mé' ngan keh tenah. Bang uban keh pu'un bet éh awah, seleket keh bara' bé' keh keloo' alaa' urip éh pelinguh, inah améé' juk piso jin keh tai nebaraa' kelunan éh tengéé' pohoo' kepéh.

PENGANEU' LAWAH 14:23

La'ah pu'un roh ngevéléé' kelunan éh omok maneu' kereja' pelayan tong siget sidang. La'ah kelaset roh sebayang, mejai kekat réh béé ngan Tuhan éh kenelan réh.

PENGANEU' LAWAH 4:31

La'o réh Sebayang Kenat, jalan réh petipun nah pu'un tegen, irah béé penoo' neu' Sahéé' Ni'ai, ngan pu'un réh bara' ha' Tuhan Allah ngan makang kenin.

SURAT PAULUS NGAN SIDANG RUM 10:17

Hun kelunan menéng ha' tebaraa' Tuhan, boh réh omok ngelan, inah éh hun lu' bara' Rengah Jian tong Kristus ngan réh.

1 KORINTUS 10:13

Kekat penupat éh teneng tong keh, bé' éh tengéé' jin éh teneng tong kelunan éh jah. Bé' Tuhan piso kenin jin kekat jajii' Néh, ngan bé' Iah kejeraa' keh teneng tong tenupat éh maneu' keh bé' omok ngeretep. Bang tovoo' keh teneng tenupat kenat, Iah pu'un ngegahang kenin keh dokoo' keh omok ngeretep, ngan Iah maneu' jalan ngan keh dokoo' keh omok kelap.

1 KORINTUS 11:1

Jian keh kivu uban ké' pekua' akeu' kivu uban Kristus.

1 KORINTUS 4:16

Uban néh kenat akeu' nyohoo' ka'ah kivu uban ké' kepéh.

PILIPI 3:17

O kekat padéé' ké', jian ka'ah kivu uban ké'. Pu'un mé' lepah bara' jalan ngan ka'ah, jian keh kivu kelunan éh kivu barék éh teneng inah.

1 TESALONIKA 1:6

Pu'un keh kivu pengurip améé' dalem Tuhan ngan kivu pengurip Tuhan Yésus péh. Na' péh ka'ah pinaa' arong penusah, pu'un keh alaa' ha' tebaraa' mé' ngan murung kenin, kemurung éh jin Sahéé' Ni'ai.

1 TESALONIKA 2:13

La'ah jah jalan kepéh améé' ngelayau bara' jian kenin ngan Allah. Uban hun mé' tuai bara' ha' tebaraa' Allah ngan keh rai, pelapah ka'ah alaa' ha' tebaraa' mé', bé' ka'ah seruh éh barei' ha' éh jin kelunan awah, ka'ah jam éh matek ha' Allah mu'un. Teneng kenin keh seruh éh kenat. Uban Allah ngelayau kereja' lem kenin ka'ah éh ngelan.

2 TESALONIKA 3:7

Uban ka'ah tengéé' péh jam tekep keh maneu' pekua' éh naneu' mé' rai, uban bé' mé' leko kereja' hun mé' pu'un ngan keh rai ne'.

2 TESALONIKA 3:9

Améé' maneu' kenat bé' makat uban mé' bé' omok nyohoo' keh tagong améé', bang dokoo' mé' maneu' jah telana' éh tekep keh kivu.

1 TIMOTIUS 3:5

Uban hun kelunan bé' jam nebaraa' ngan petena' irah tong lamin néh, kineu' jalan néh omok mihau sidang Allah kepéh?

IBRANI 13:17

Jian keh ngerera' tong irah éh majak keh ngan kivu sohoo' réh. Uban irah éh mihau kekat urip keh, uban irah juk bara' kekat kereja' réh ngan Allah, hun keh kivu sohoo' réh, irah omok kereja ngan jian kenin, Bang hun keh bé' kivu sohoo' réh irah péh kereja ngan bahat kenin ngan bé' omok mihau keh mu'un.

IBRANI 13:24

Akeu' bara' tabi' ngan kekat pengeja'au keh, kenat péh ngan kekat kelunan éh anah Tuhan. Kelunan Kristén éh jin tana' Italia, irah péh bara' tabi' ngan keh.

IBRANI 6:12

Bé' mé' keloo' keh barei' kelunan éh leko. Jian keh murip barei' kelunan éh lepah alaa' ineu' éh pejajii' Allah uban réh ngelan tong Néh ngan kebit kenin.

1 PÉTERUS 4:11

Séé'-séé' éh juk nebaraa' kelunan, jian iah bara' ha' éh jin Allah. Hun keh pu'un pengena' dokoo' nolong kelunan éh jah, jian keh nolong réh neu' pengegahang éh nena' Allah ngan keh. Dokoo' dalem kekat-kekat néh béé, Allah pu'un kenajung lem Yésus Kristus. Kristus éh pu'un pengaren ngan penyukat pah avéé' pelinguh. Amin.

ÉH POLÉNG 1:9

La'ah akeu' éh padéé' keh Yohanes, ngan barei' ka'ah jam keta pemung ngan Yésus, akeu' péh barei' ka'ah lem kekat pengeketa iteu', pu'un lem nihau Tuhan, ngan ngeretep ngan kebit kenin. Pu'un réh marau akeu' tai Pulau Patmos uban ké' bara' ha' tebaraa' Allah ngan bara' tong kekat éh kejam ké' tong Yésus.

ÉH POLÉNG 20:4

La'ah ta'an ké' kepéh kuraa'-kuraa' nyun raja ngan irah éh menyun tong néh. Irah inah pu'un penyukat omok petuneng kelunan. La'ah ta'an ké' kepéh sahéé' irah éh penatai réh uban réh bara' tong pengelan réh tong Yésus ngan nebaraa' tong ha' tebaraa' Allah. Bé' irah inah seva' ka'an ngan butun éh pekua' layan ka'an inah, ngan bé' réh pakai tada' ka'an inah tong sela' ngan tong ojoo' réh. Pu'un réh murip kepéh ngan pu'un réh pengeja'au pemung ngan Kristus avéé' jah ibu ta'un kelebéé'.

ÉH POLÉNG 6:9

La'o inah Anak Domba nah mega' kelemah tada' nah kepéh, ra' jalan réh motong kemenyan ngan Tuhan akeu' na'at kekat sahéé' irah éh penatai réh. Irah penatai uban réh perengah ha' tebaraa' Tuhan ngan tigéh kivu ha' éh benara' réh nah.