IBRANI 13:5 - Rengah Jian

⁵ Adang Tuhan ngukum irah éh sa'at barék ngan petuyang. Dalem kekat urip keh, mai keh kelih juk kaya', bang jian keh sukup kenin tong éh pu'un ngan keh. Uban ka' ha' Tuhan, Bé' Akeu' kejeraa' ka'au' tengéé', bé' Akeu' bet ke', ha' Néh.

IBRANI 13:5 Iomraidhean Croise

MATIUS 6:19

Ha' Yésus kepéh, Mai keh pitah pengekaya' tong tana' éh omok kinan lipah ngan éh omok tedéng, kelunan péh omok ngerekah lamin inah ke' néh nekau éh.

MATIUS 6:25

Uban keh bé' omok kenat inah Akeu' bara' ngan keh kepéh, Mai keh béé kenin seruh tong penguman ngan baa' éh nesep keh éh mihin keh murip, kenat péh tong pakai keh. Kineu' urip keh, bé' éh pelapah jian jin penguman keh kei? Kineu' usah keh, bé' éh pelapah jian jin pakai keh kei?

MATIUS 6:34

Uban néh kenat mai keh béé kenin seruh kineu' sagam da', uban sagam pu'un sukup penusah néh tengéé'. Mai keh pepit penusah tong kekat éh pu'un siget dau, ha' néh.

MARKUS 7:22

Ngan petuyang, ngan magat livah kelunan éh jah péh, kenyo, pekajung, ngela'o, nebok, nyelepéé', netah, balang, su'ok,

LUKAS 3:14

Pu'un irah seradu kepéh neteng Yohanes, ka' ha' réh ngan néh, Kineu' lah améé'? Ineu' éh tekep ke' mé' maneu'? Ha' réh. Ha' néh mipa réh, Mai keh ngedai kelunan dokoo' keh omok alaa' livah réh pinaa', bang jian keh alaa' éh sukup tong gaji keh nah, ngan jian kenin. Mai keh magat juk alaa' éh pelapah pinaa' jin inah, ha' néh.

LUKAS 8:14

Tulin éh pelohoo' tong suha' nah, inah kepéh kelunan éh lepah menéng ha' tebaraa' Tuhan, neu' kekat penusah réh, neu' réh pitah pengekaya' ngan urip éh jian tong tana' awah, inah éh maneu' ha' tebaraa' inah ngerising lem kenin réh, bé' buaa' réh omok pinaa'.

SURAT PAULUS NGAN SIDANG RUM 1:29

Kenin réh penoo' neu' kuraa' arong kesa'at ngan penyala', inah éh sihun ngan juk alaa' mekum, sakit kenin merek, sa'at mu'un-mu'un kenin réh, pu'un réh mematai kelunan ngan paneu' péh, ngan ngelavo' irah éh jah, irah bara' tong penganeu' kelunan tengéé' jin éh pu'un dokoo' ngesa'at kelunan inah ngan irah éh jah. Pu'un réh nekau ha' ngan perengah éh ngan irah éh jah kepéh,

1 KORINTUS 5:11

Bang tong ha' ké' rai, akeu' nyurat meta' keh pebakéh ngan kelunan éh bara' iah jah padéé' dalem Tuhan, bang barék néh sa'at ngan petuyang, ngan magat juk alaa' mekum, ngan pakai butun, ngan ngesa'at ngaran irah éh jah, ngan mavuk ngan nekau péh. Éh mu'un néh bé' tekep keh kuman ngan kelunan éh kenat.

1 KORINTUS 6:10

ngan kelunan nekau, ngan kelunan éh magat juk alaa' mekum, ngan kelunan mavuk, ngan kelunan éh pesala' kelunan éh jah, ngan kelunan éh ngelapah sohoo', kekat irah éh maneu' kenat bé' omok alaa' Allah pengeja'au réh ngan tai lem nihau Néh.

2 KORINTUS 4:9

Pinaa' kelunan maneu' améé' avéé' réh peketa usah mé', bang bé' Tuhan bet améé'. Jelua' koléé' pu'un mé' kuba', bang tioo betéé' mé' maneu' kepéh.

ÉPESUS 5:3

Bang uban ka'ah kelunan éh anah Allah, bé' tekep keh tosok tong nuyang ngan barék éh segit, ngan kelih tong livah, magat juk alaa' mekum, mateng ngaran néh péh bé' tekep, makin péh tai maneu' éh, adang néh bé' omok.

ÉPESUS 5:5

Jian keh jam, bé' pu'un kelunan séé'-séé' péh éh petuyang, ngan éh maneu' barék éh bé' tekep, ngan kelunan éh magat juk alaa' mekum, éh omok tai lem nihau Kristus ngan Allah, uban kelunan éh kelih tong livah juk alaa' mekum, irah inah pekua' barei' kelunan éh pakai butun uban réh ngajung éh kemagat réh inah.

KOLOSÉ 3:5

Uban néh kenat jian keh mematai kekat pengagat éh sa'at éh jin tana' iteu' éh pu'un lem kenin keh, barei' petuyang, kekat barék éh bé' tekep keh maneu', magat tong kelunan éh jah, merek, ngan magat juk alaa' mekum. Kelunan éh magat kenat inah éh pekua' kelunan éh pakai butun, uban kemagat néh, inah éh pengeja'au kenin néh.

1 TIMOTIUS 3:3

Mai éh kelunan keloo' mesep baa' éh maneu' réh mavuk éh keloo' pepaneu', iah tekep dawai pengané ngan keloo' pawah. Mai éh mekum tong rigit.

2 PÉTERUS 2:14

Hun réh na'at irah redo, kelih réh maneu' barék sa'at ngan petuyang péh, bé' réh sara maneu' barék éh sa'at, ngelayau réh maneu' barék sa'at kenat. Kenat kepéh irah keloo' tupat kelunan éh bé' petem lem Tuhan, ke' réh mihin réh maneu' penyala'. Kenin réh malai tong kesa'at awah, barei' kelunan ngelayau kuman nyahan bé' réh omok beso, adang ukum Tuhan omok teneng tong réh.

2 PÉTERUS 2:3

Irah kelunan éh ngelavo' nah, magat juk alaa' mekum, kenat jalan réh alaa' rigit jin kelunan éh kivu réh uban réh nebaraa' réh tong kuraa'-kuraa' ha' tebaraa' éh sala', tebaraa' éh neu' irah ke' tengéé'. Lebéé' tenéh Allah pu'un bara' tong ukum éh juk teneng tong réh, bé' Tuhan telalau kenin adang Tuhan pu'un ngukum réh mu'un.

YUDAS 1:11

Tusah mu'un-mu'un irah éh kenat! Irah pu'un kivu jalan kenivu Kain rai. Pu'un réh keloo' kivu jalan éh sala' ke' réh omok kaya' barei' Bileam rai. Irah kenebéé Tuhan uban réh ngelawan Tuhan barei Korah rai.