IBRANI 13:4 - Rengah Jian

⁴ Kelunan éh kawin jian éh mokoo' petem ngan redo néh kenat péh lakei' néh, jian éh mihau éh mu'un pekua' lu' mihau livah éh ma'an belih, jian lakei' inah ngan redo inah pu'un barék éh teneng belah rawah ke', mai roh magat irah éh jah ngan petuyang. Adang Tuhan, petuneng irah éh sa'at barék ngan petuyang.

IBRANI 13:4 Iomraidhean Croise

1 KORINTUS 6:18

Kelap keh jin petuyang. La'ah kekat arong penyala' éh jah éh naneu' kelunan, bé' éh ngesa'at usah néh mu'un, bang kelunan éh petuyang, pu'un éh maneu' penyala' ngan ngesa'at avéé' usah néh mu'un.

1 KORINTUS 6:9

Adang keh jam kelunan éh sa'at barék bé' omok tai tong nihau Allah. Mai keh tawang, kelunan éh sa'at barék ngan petuyang, ngan kelunan éh pakai butun, ngan lakei' éh petuyang ngan lakei',

1 KORINTUS 7:38

Kenat péh kelunan éh kawin, jian éh, ngan kelunan éh bé' kawin, iah pelapah jian kepéh.

1 KORINTUS 9:5

Kineu', pu'un keh seruh irah lawah éh jah awah éh tekep kawin ngan mihin redo néh lakau, hun réh tai lakau perengah Tuhan barei' éh neu' Yakub, éh padéé' usah Tuhan Yésus, rawah Péterus nah.

2 KORINTUS 5:10

Uban adang kekat uleu' béé pu'un tai tong jumen Kristus ke' Néh petuneng lu', dokoo' siget-siget kelunan alaa' oléé' néh pekua' barei' kekat penganeu' néh kelebéé' néh murip tong tana', kenat péh hun néh jian ngan hun néh sa'at péh.

GALATIA 5:19

La'ah poléng mu'un kelunan éh kivu pengagat lem kenin néh, uban barék néh, inah éh, petuyang ngan kekat barék éh segit mu'un éh bé' tekep néh maneu' éh.

GALATIA 5:21

pu'un réh magat livah irah éh jah, mavuk, kuman nyahan, ngan pinaa' arong éh barei' inah kepéh. La'ah akeu' bara' ngan keh, pekua' éh benara' ké' ngan keh lepah rai, kelunan éh maneu' kenat bé' réh omok tai lem nihau Allah.

ÉPESUS 5:5

Jian keh jam, bé' pu'un kelunan séé'-séé' péh éh petuyang, ngan éh maneu' barék éh bé' tekep, ngan kelunan éh magat juk alaa' mekum, éh omok tai lem nihau Kristus ngan Allah, uban kelunan éh kelih tong livah juk alaa' mekum, irah inah pekua' barei' kelunan éh pakai butun uban réh ngajung éh kemagat réh inah.

1 TESALONIKA 4:6

Mai jah usah péh ngelapah awah ngan maneu' penyala' tong padéé' néh dalem Tuhan tong jalan iteu'. Uban pu'un mé' lepah bara' ngan keh ngan nyohoo' keh mavaa' mu'un, adang Tuhan pu'un ngukum kelunan éh sa'at barék kenat.

1 TIMOTIUS 3:12

La'ah irah éh pelayan, tekep éh kelunan éh pu'un jah awah redo, éh jam nebaraa' ngan petena' anak néh ngan irah tong lamin néh.

1 TIMOTIUS 3:2

La'ah kelunan éh mihau sidang nah, tekep éh bé' pu'un ineu'-ineu' kesa'at naneu' néh éh ke' réh omok pesala' éh tong néh. Iah tekep jah awah redo. Jian éh kelunan éh jam mihau kenin néh, jam seruh ngan bé' paba pané. Jian éh kelunan éh keloo' alaa' irah éh jah tong lamin néh ngan mihau réh ngan jian kenin, tekep éh kelunan éh jam nebaraa' irah éh jah.

1 TIMOTIUS 3:4

Jian éh kelunan éh jam nebaraa' ngan petena' irah tong lamin néh ngan anak néh péh keloo' kivu sohoo' néh ngan jian kenin.

1 TIMOTIUS 4:3

Pu'un réh nebaraa' kelunan ngan meta' réh kawin. Irah meta' kelunan kuman jelua' arong ka'an. La'ah uleu' éh kelunan Kristén éh jam tong tebaraa' Tuhan éh teneng, omok lu' kuman éh ngan bara' jian kenin ngan Tuhan. Hun réh sebayang bara' jian kenin ngan Néh omok réh kuman éh béé.

1 TIMOTIUS 5:14

Uban néh kenat inah éh pengeloo' ké', jian irah redo baleu' éh danak keto, kawin kepéh ngan pu'un anak kepéh ngan mihau lamin néh dokoo' irah éh bé' ngelan Tuhan péh bé' omok pesala' sidang.

TITUS 1:6

La'ah irah éh pelayan jian éh kelunan éh teneng lem kekat barék néh, ngan éh pu'un jah awah redo, ngan anak néh péh ngelan tong Kristus, ngan éh bé' pu'un barék éh sa'at, ngan éh jam kivu sohoo'.

IBRANI 12:16

Mavaa' keh dai pu'un séé'-séé' petuyang ngan bet Tuhan barei' Esau bet Tuhan sahau uban néh magat juk kuman ka'an awah. Iah éh anak tuken bang bé' éh pegunah kekat penyukat ngan pengejian éh tekep ngan irah éh anak tuken, bang nelih néh awah éh uban néh kuman ka'an éh kemagat néh.

ÉH POLÉNG 22:15

Bang kelunan éh maneu' barék éh segit, irah éh pakai limu', irah éh petuyang, éh mematai kelunan, irah éh seva' butun ngan irah éh kenyo jian péh palaa' ha' kenat péh palaa' penganeu' néh, bé' réh omok masek lem leboo' inah.