IBRANI 13:3 - Rengah Jian

³ Mai keh ngelepan irah éh tong lamin tutup, pika réh, seleket hun néh usah ko' tengéé' éh tenutup réh. Pika irah éh keta, seleket hun néh usah ko' tengéé' éh keta.

IBRANI 13:3 Iomraidhean Croise

MATIUS 25:36

Hun Ké' bé' pu'un pakai sukup, pu'un keh mena' pakai Ké'. Hun Ké' pu'un sakit, pu'un keh mihau ku'. Hun Ké' pu'un tong lamin tutup, pu'un keh tuai nepah Ku'. Kenat ha' ké' ngan réh da'.

MATIUS 25:43

Hun ké' mujah kenin mokoo' tengéé', bé' keh alaa' akeu' tong lamin keh. Hun ké' bé' pu'un pakai, bé' keh mena' pakai ké'. Hun ké' pu'un sakit ngan pu'un tong lamin tutup, bé' keh tuai mihau akeu'. Kenat ha' ké' ngan réh da'.

PENGANEU' LAWAH 24:23

La'ah iah nyohoo' pengeja'au jah ato seradu nah mavaa' Paulus, bang kejeraa' éh lakau tong lamin éh jalan néh nah ngan kejeraa' bakéh néh tuai nolong éh.

PENGANEU' LAWAH 27:3

Dau rema inah avéé' mé' tong leboo' Sidon, la'ah Yulius pika Paulus ngan kejeraa' éh tai tavin bakéh néh ke' néh alaa' éh tekep penakai néh lem pengelakau néh.

SURAT PAULUS NGAN SIDANG RUM 12:15

Murung kenin keh ngan kelunan éh murung kenin, ngan mangaa' keh ngan kelunan éh mangaa'.

1 KORINTUS 12:26

Hun jebila' usah lu' sakit, ketem lo'ong usah lu' sakit béé, ngan hun jebila' usah lu' pu'un kenajung, ketem lo'ong usah lu' murung kenin.

ÉPESUS 4:1

La'ah kenat péh jalan akeu' éh pu'un tong lamin tutup uban kereja' ké' ngan Tuhan, akeu' nyohoo' keh jian keh murip ngan barék keh pu'un jian ngan teneng pekua' ha' Tuhan ngan keh hun Néh tebai keh tavin Iah sahau rai.

KOLOSÉ 4:18

La'ah akeu' tengéé' nyurat ha' ké' iteu', Tabi' jin Paulus. Mai keh ngelepan akeu' pu'un kejeret réh tong lamin tutup iteu'. Jian penika Allah pu'un pemung ngan keh.

IBRANI 10:34

Ka'ah péh jam pengeketa kelunan éh lem lamin tutup. Hun réh nyayoh livah keh ka'ah ngeretep ngan murung kenin, uban keh jam ka'ah jian ngan éh omok pu'un pelinguh-linguh.

IBRANI 11:37

Pu'un jelua' réh kepéh éh benateu' réh avéé' matai, ngan pu'un jelua' réh kerajii' réh usah réh peputui duah, ngan jelua' kepéh penatai réh palaa' po'é. Jelua' réh pu'un pakai kulit domba ngan mék awah. Kari mu'un réh, semah-semah réh tai, sinah ke' kelunan peketa ngan maneu' réh.

1 PÉTERUS 3:8

Inah éh ga' ha' ké', jian kekat ka'ah béé jah awah ha' ngan jah awah penyeruh. Jian keh pekua' pepika barei irah éh pepadéé' mu'un. Ngan jian keh pekua' tolong, petolong belah ka'ah ke' ngan diva kenin.