IBRANI 13:1 - Rengah Jian

¹ Barei' keh pu'un pika pepika, jian keh petem maneu' kenat barei' éh tekep ngan kelunan éh pepadéé' dalem Tuhan.

IBRANI 13:1 Iomraidhean Croise

YOHANES 15:17

La'ah iteu' éh sohoo' Ké' ngan keh, jian keh murung jah usah ngan jah usah, ha' Néh.

PENGANEU' LAWAH 2:1

Avéé' tong dau kelunan Yahudi maneu' Dau Ja'au Pentakosta, kekat kelunan éh ngelan tong Yésus pu'un réh petipun béé tong jah jalan.

PENGANEU' LAWAH 4:32

La'ah kekat kelunan éh ngelan pu'un réh pata pekua' kenin béé. Bé' pu'un jah usah éh bara' livah néh éh anah nah ke' tengéé', bang pu'un réh petulat ineu'-ineu' éh pu'un tong réh belah irah ke'.

GALATIA 5:13

O kekat padéé' ké', ka'ah pu'un tenebai Tuhan dokoo' keh omok pelepu jin kekat ukum tong adet kelunan. Bang mai keh seruh, pelepu mé' hun iteu' bé' pu'un ukum kepéh, omok mé' kivu kenin mé' tengéé' tong kekat pengagat usah mé'. Bé' éh kenat. Bang neu' penika keh ngan Tuhan jian keh nolong ngan petolong pesiget usah keh béé.

GALATIA 5:22

Bang Sahéé' Ni'ai mihin kelunan maneu' kekat éh jian, inah éh mihin réh jam pika, murung kenin, pawah kenin, ngan dawai kenin, pu'un éh mihin réh jam nolong kelunan éh jah, ngan barék éh jian, ngan tigéh,

GALATIA 5:6

Uban hun lu' pu'un petem lem Kristus Yésus, pesunat ngan bé' pesunat péh, bé' éh ineu', bang inah awah éh pu'un gunah, pengelan lu' tong Yésus éh pu'un neu' penika Néh.

ÉPESUS 4:3

Ngan mihau mu'un-mu'un dokoo' keh ngelayau pekua' kenin dalem Sahéé' neu' keh murip lem pengepawah Néh.

ÉPESUS 5:2

Dalem kekat urip keh jian keh maneu' éh ngan pepika, pekua' Kristus pika uleu' ngan mena' urip Néh ngeliwah lu'. Iah mena' usah Néh penatai réh, ke' Néh ngeliwah lu', inah jalan éh ngepayoo' kenin Allah, barei' ka'an éh penatai irah sioo' sahau, ke' réh mena' éh ngan Tuhan rai.

2 TESALONIKA 1:3

O kekat padéé' ké', tekep améé' ngelayau bara' jian kenin ngan Allah uban pengelan keh tong Kristus pu'un éh pepit-pepit, ngan penika keh ngan pesiget-siget ka'ah ke' pu'un éh pepit mu'un.

IBRANI 10:24

Jian uleu' nolong petolong siget usah, dokoo' lu' kua' ngegahang kenin lu' pika jah usah ngan jah usah ngan maneu' kekat éh jian.

1 PÉTERUS 1:22

Uban ka'ah kivu ha' tebaraa' éh teneng jin Allah, ka'ah pu'un ni'ai ngan ka'ah murung padéé' keh dalem Tuhan ngan semu'un kenin. Uban kenat jian keh kua' pepika ngan kekat kenin keh.

1 PÉTERUS 2:17

Jian keh ngerera' tong kekat kelunan béé murung tong kekat padéé' keh dalem Tuhan, Jian keh medai tong Allah ngan ngerera' tong raja'.

1 PÉTERUS 3:8

Inah éh ga' ha' ké', jian kekat ka'ah béé jah awah ha' ngan jah awah penyeruh. Jian keh pekua' pepika barei irah éh pepadéé' mu'un. Ngan jian keh pekua' tolong, petolong belah ka'ah ke' ngan diva kenin.

1 PÉTERUS 4:8

Éh pelapah gunah éh tekep ka'ah maneu', inah éh pika ngan pepika ngan kekat kenin keh uban neu' keh jam pepika kenat pinaa' penyala' omok pega'.

2 PÉTERUS 1:7

Ka'ah tekep murung tong padéé' keh dalem Tuhan ngan pika tong kekat kelunan béé.

1 YOHANES 3:23

La'ah iteu' éh sohoo' Néh, jian uleu' ngelan tong Anak Néh Yésus Kristus ngan kua' pepika, pekua' sohoo' Kristus ngan lu'.

1 YOHANES 4:20

Hun kelunan bara' iah pika Allah, bang iah leko padéé' néh, kelunan éh kenat kenyo awah, uban bé' iah omok pika Allah éh bé' omok ta'an néh, hun néh bé' pika padéé' néh éh poléng ta'an néh.

ÉH POLÉNG 2:4

Bang inah éh pengekurang ko', uban bé' ke' murung Akeu' barei' hun bu'un bu'un ko' ngelan tong Akeu' rai.