IBRANI 12:4 - Rengah Jian

⁴ Uban tong jalan keh ngelawan penyala' dokoo' keh omok nyopéé' éh, bé' jak keh pu'un ngelawan éh pah avéé' keh penatai réh.

IBRANI 12:4 Iomraidhean Croise

MATIUS 24:9

Ha' Yésus kepéh, La'ah tovoo' inah péh pu'un kelunan ngamit keh ngan mena' keh ngan irah éh jah ke' réh ngukum keh, jelua' keh penatai réh. Kekat kelunan leko keh uban keh ngelan tong Akeu'.

1 KORINTUS 10:13

Kekat penupat éh teneng tong keh, bé' éh tengéé' jin éh teneng tong kelunan éh jah. Bé' Tuhan piso kenin jin kekat jajii' Néh, ngan bé' Iah kejeraa' keh teneng tong tenupat éh maneu' keh bé' omok ngeretep. Bang tovoo' keh teneng tenupat kenat, Iah pu'un ngegahang kenin keh dokoo' keh omok ngeretep, ngan Iah maneu' jalan ngan keh dokoo' keh omok kelap.

PILIPI 2:8

Diva' kenin Néh, ngelayau Iah kivu sohoo' Tamen Néh, pah avéé' néh matai tong kayeu' salib.

IBRANI 12:2

Bang jian lu' petem kepuh tong Yésus, éh majak lu' lem pengelan lu' jin bu'un avéé' ga'. Yésus bé' béé kenin, na' péh Iah pu'un matai tong kayeu' salib. Bang uban kemurung éh juk laa' Néh kepéh, bé' Iah seruh kemenyaa' éh teneng tong kelunan éh matai tong kayeu' salib, hun iteu' Iah menyun saa' na'au' nyun Allah.

IBRANI 13:13

Uban néh kenat jian uleu' tai tavin Éh saa' usit lamin inah dokoo' lu' masek lem pengemenyaa' pemung ngan Néh.

ÉH POLÉNG 12:11

Kekat padéé' lu' lepah nyopéé' éh neu' dahaa' Anak Domba ngan neu' ha' tebaraa' Tuhan éh benara' réh avéé' réh mena' urip réh matai ngan jian kenin.

ÉH POLÉNG 17:6

La'ah ta'an ké' redo inah mavuk neu' dahaa' kelunan éh anah Allah, ngan dahaa' irah éh penatai réh uban réh tigéh kivu Yésus. Hun ké' na'at éh, béé kenin ké'.

ÉH POLÉNG 18:24

Pu'un Allah ngukum leboo' Babel uban dahaa' irah éh nabi Tuhan, ngan dahaa' kelunan éh jah éh anah Allah, pu'un éh pega' tong leboo' inah, inah éh dahaa' kekat kelunan éh penatai réh tong tana'.

ÉH POLÉNG 2:13

Kejam Ké' retek ko' mokoo', inah éh retek Sitan pengeja'au. Pu'un ke' tigéh tong Akeu'. Ka'ah bé' bet pengelan keh tong Akeu'. Sioo' Antipas kelunan éh tigéh perengah tong Akeu' pu'un penatai réh tong retek Sitan mokoo' nah.