IBRANI 12:3 - Rengah Jian

³ Jian keh pepata urip keh ngan urip Néh, pinaa' penusah Néh neu' kelunan éh sa'at éh leko Éh ngan maneu' Éh mu'un-mu'un, bang kebit kenin Néh lem kekat penusah Néh. Jian keh pepata urip keh ngan urip Néh kenat, dai keh béé kenin ngan bé' omok ngeretep lem kekat penusah keh kepéh.

IBRANI 12:3 Iomraidhean Croise

MATIUS 11:19

La'ah Anak Kelunan, pu'un kuman ngan pu'un mesep, boh ka'ah bara', Na'at kelunan inah, iah kuman nyahan ngan mesep baa' agun ngan pebakéh ngan kelunan éh alaa' sukai ngan kelunan penyala', ha' keh. Bang pengejam éh jin Allah adang irah pepoléng pengejam inah pu'un éh teneng, ha' Yésus ngan réh.

MATIUS 12:24

Hun irah éh kivu adet Parisi menéng ha' réh pané kenat, irah tioo bara' ka', Iah mega' balei' neu' kerenget Beelsebul éh pengeja'au balei', ha' réh.

MATIUS 15:2

Kineu' bakéh ko' bé' kivu kekat adet ngan ha' tebaraa' jin tepun mé'. Bé' réh kivu adet mé' tong mé' pohéé' ojoo' mé' teka mé' kuman, ha' réh.

MATIUS 21:23

La'ah moléé' Yésus tai tong Umaa' Allah kepéh tovoo' néh nebaraa' kelunan, tuai irah pengeja'au imam ngan irah pengeja'au kelunan Yahudi ke' réh neteng éh, ka', séé' mena' penyukat ngan ko' ke ko' omok maneu' kekat penganeu' ko' inah? Séé' nyohoo' ke' maneu' éh, ha' réh.

MATIUS 21:46

Inah irah pitah jalan juk ngamit éh, bang medai réh kelunan pinaa' nah, uban irah pinaa' nah seruh Yésus nah nabi Tuhan.

MATIUS 22:15

La'ah irah éh kivu adet Parisi pakat pitah jalan ke' réh juk pesala' Yésus tong kuraa'-kuraa' ha' peneteng réh.

LUKAS 14:1

Tong jah dau Posot Yésus tai kuman tong lamin jah pengeja'au irah éh kivu adet Parisi, pu'un kelunan tong néh sinah kepuh ngan ngedalem Éh.

LUKAS 15:2

Uban kelunan inah pu'un tai tavin Yésus kenat, inah kelunan Parisi ngan irah guru éh nebaraa' tong sohoo' lem Surat Musa selem-selem maneu' Yésus. Ka' ha' réh, Kelunan iteu' alaa' irah kelunan éh sa'at pah avéé' Néh pemung kuman ngan réh, ha' réh.

LUKAS 16:14

Hun irah éh kivu adet Parisi menéng kekat éh benara' Yésus kenat, pu'un réh peja' éh uban réh magat tong rigit pinaa'.

LUKAS 2:34

La'ah Simeon menyat Tuhan nolong réh teleu' panak inah, ngan iah bara' ngan Meriam éh tinen anak si'ik nah, Allah lepah ngevéléé' Anak inah dokoo' Néh ngera' jelua' kelunan Yahudi ngan ngajung jelua' kepéh. Allah nyohoo' Éh tuai dokoo' Néh jah telana' jin Allah, bang nebet réh awah éh,

LUKAS 5:21

Boh irah guru nah ngan kelunan Parisi ngedalem Éh. Kelem réh, séé' péh kelunan iteu' éh pané ka' pesalut Allah? Bé' pu'un kelunan tong tana' éh omok mega' penyala' kelunan, Allah awah éh omok maneu' kenat, kelem réh.

YOHANES 10:20

Ka' ha' jelua' réh, kelunan inah nasek balei' ngan tuleu'. Uban ineu' keh keloo' menéng ha' Néh, ha' réh.

YOHANES 18:22

Pu'un jah usah irah éh kereja' mavaa' umaa' Allah, hun néh menéng ha' Yésus pané kenat, boh éh tioo tepap da'in Yésus. Ka' ha' néh, Mai ke' pané kenat ngan Imam éh pengeja'au kekat imam, ha' néh.

YOHANES 5:16

Naneu' ha' lakei' inah kenat, inah irah merek ngan Yésus, uban Néh pu'un peka'o kelunan tong Dau Posot péh.

YOHANES 7:12

Kelunan pinaa' pané selem-selem tong Yésus, ka' ha' jelua' réh, Kelunan inah jian éh, ha' réh. Ka' ha' jelua' kepéh, Bé', kelunan petawang awah ine', ha' réh.

YOHANES 8:13

Ka' ha' irah Parisi mipa Éh, inah Ke' bara' tong usah Ko' tengéé', bé' améé' ngelan tong ha' Ko' kenat, ha' réh.

YOHANES 8:52

Ka' ha' irah Yahudi kepéh, Nah, hun iteu' kejam mé' mu'un, Ka'au nasek balei'. Abraham ngan irah Nabi Tuhan, pu'un réh lepah matai, bang ha' Ko' nah, séé'-séé' éh mihau ha' tebaraa' Ké' bé' éh omok matai.

YOHANES 8:59

Boh réh alaa' bateu' ke' réh juk memateu Éh bang Yésus kelim ngan musit jin umaa' Allah.

YOHANES 9:40

Jelua' irah Parisi éh pu'un sinah, éh menéng ha' Néh pané kenat, pu'un réh neteng Éh, ka' ha' réh, kineu' ha' Ko' nah, pu'un Ke' bara' améé' peseu' kei, ha' Néh.

1 KORINTUS 15:58

O kekat padéé' éh penika ké', uban néh kenat jian keh petem reken, mai kejeraa' ineu'-ineu' ngelemoo' keh. Jian keh ngelayau mekat maneu' kereja' Tuhan, uban ka'ah jam kekat kereja' keh ngan Tuhan pu'un gunah mu'un.

2 KORINTUS 4:1

La'ah uban Tuhan pu'un masi améé' ngan mena' kereja' iteu' ngan mé', bé' mé' putui kenin maneu' éh.

2 KORINTUS 4:16

Uban néh kenat bé' uleu' putui pengelan. Na' péh usah uleu' juk lemoo', bang dalem kenin lu' inah éh paléu gahang kepéh siget-siget dau.

GALATIA 6:9

Hun néh kenat mai lu' leko maneu' jian, uban hun lu' nengayet maneu' jian, omok lu' majau éh kepéh.

2 TESALONIKA 3:13

O kekat padéé' ké', bang ka'ah iteu', mai keh leko maneu' jian.

IBRANI 12:2

Bang jian lu' petem kepuh tong Yésus, éh majak lu' lem pengelan lu' jin bu'un avéé' ga'. Yésus bé' béé kenin, na' péh Iah pu'un matai tong kayeu' salib. Bang uban kemurung éh juk laa' Néh kepéh, bé' Iah seruh kemenyaa' éh teneng tong kelunan éh matai tong kayeu' salib, hun iteu' Iah menyun saa' na'au' nyun Allah.

IBRANI 12:5

Mai kelepan ha' Allah pané ngan keh éh anak Néh dokoo' Néh ngereken kenin keh. Ka' ha' Néh, O anak ké', mai ke' bet ha' Tuhan hun Néh memerah ke'. Mai ke' juk béé kenin hun Néh ngukum keh.

IBRANI 3:1

O kekat padéé' ké' lem Tuhan éh tenebai Allah, jian keh seruh tong Yésus éh tuai sohoo' Allah ke' Néh omok Imam éh pengeja'au kekat imam tong adet sebayang lu'.

1 PÉTERUS 2:23

Hun réh menoo' Éh bé' Iah nyakat menoo' réh kepéh, hun réh peketa Éh bé' Iah nyulei' kesa'at inah kepéh ngan réh, bang Iah ngelan Allah éh petuneng ngan teneng inah.

ÉH POLÉNG 2:3

Pu'un ke' kebit kenin, ngan pinaa' arong penusah ko' uban ko' ngelan tong Akeu', bang bé' ke' putui pengelan.