IBRANI 12:2 - Rengah Jian

² Bang jian lu' petem kepuh tong Yésus, éh majak lu' lem pengelan lu' jin bu'un avéé' ga'. Yésus bé' béé kenin, na' péh Iah pu'un matai tong kayeu' salib. Bang uban kemurung éh juk laa' Néh kepéh, bé' Iah seruh kemenyaa' éh teneng tong kelunan éh matai tong kayeu' salib, hun iteu' Iah menyun saa' na'au' nyun Allah.

IBRANI 12:2 Iomraidhean Croise

MATIUS 16:21

Jin la'o inah, inah éh bu'un Yésus pané petek ngan irah bakéh néh bara' tong pematai néh, ka' ha' néh, Adang tekep Ku' tai leboo' Yérusalem ngan jam keta mu'un neu' irah pengeja'au Kemiti Yahudi ngan neu' irah pengeja'au imam ngan neu' irah guru éh nebaraa' tong sohoo' lem Surat Musa. Adang réh pu'un mematai Akeu' ngan tong keteleu' dau, Tuhan juk pebetéé' Akeu' kepéh, ha' néh.

MATIUS 20:28

Tekep keh maneu' kenat uban Anak Kelunan, bé' tuai dokoo' irah ngajung ngan ngeja'au éh, bang Iah tuai dokoo' Néh omok nolong kelunan ngan dokoo' Néh mena' urip Néh purip kelunan pinaa', ha' néh.

MARKUS 14:36

Ka' ha' Néh sebayang, O Amam, O Amam, Kekat ineu'-ineu' péh omok éh neu' Ko'. Mai ke' buhaa' pengeketa iteu' teneng tong Akeu', bang jian Ke' kivu pengeloo' Ko', mai Ke' kivu kenin Ké' awah, ha' Néh.

MARKUS 15:28

Pu'un éh kenat dokoo' pesukup ha' éh senurat lem Surat Tuhan, Iah pu'un pemung ngan kelunan éh penyala', ha' néh.

MARKUS 16:19

Jin La'o Yésus pané ngan réh, iah netéé' tai seruga Iah menyun saa' na'au' Tuhan Allah.

MARKUS 9:12

Ka' ha' Yésus mipa réh, Adang Elia nah tenah tuai dat ke' néh petenup jalan Tuhan. Né' kenat péh éh uban ineu' ha' lem surat Allah pu'un bara' Anak Kelunan pu'un pinaa' arong pengeketa ngan nebet kelunan.

MARKUS 9:24

Pelapah tamen anak inah pané ngan ja'au ha', ka' ha' néh, O Tuhan, adang akeu' ngelan, bang kurang pengelan ké', ko' masi ku', ha' néh.

LUKAS 17:5

Ka' ha' irah lawah Yésus ngan Néh, Ko' pepit pengelan améé', ha' réh.

LUKAS 23:11

La'ah Herodis pemung ngan irah seradu peja' Yésus ngan pekenyaa' Éh. Pu'un réh pekerayung Éh palaa' jah kerayung éh jian mu'un, ke' réh mala' Éh ngan nyohoo' Éh moléé' kepéh tai Pilatus.

LUKAS 24:26

Kineu' éh seneruh ka'ah, bé' éh tekep Kristus jam keta ngan alaa' pengejian Néh kepéh, ha' Yésus.

YOHANES 1:29

Barei'sagam pu'un Yohanes na'at Yésus tuai tavin éh, boh éh bara' ka' Na'at keh, Anak Domba Allah éh bet penyala' kekat kelunan tong tana'.

YOHANES 12:24

Akeu' bara' mu'un ngan keh, hun lu' modoo' jah lo'ong parai, jah lo'ong awah ke' éh. Bang hun lu' mulah éh tong tana' ke' néh nyekaa', boh éh pu'un buaa' éh pinaa'.

YOHANES 12:32

La'ah hun Ké' pu'un netéé' réh jin tana' iteu', boh Ku' menat kenin kekat kelunan tavin Akeu', ha' Néh.

YOHANES 13:3

La'ah kejam Yésus Tamen Néh pu'un mena' kekat penyukat Néh ngan Néh. Kejam Néh kepéh Iah pu'un tuai jin Allah ngan juk moléé' ngan Allah kepéh.

YOHANES 6:40

Uban iteu' éh pengeloo' Tamen Ké', kekat kelunan éh seruh mu'un tong Akeu' éh Anak Néh ngan éh ngelan tong Akeu', tekep éh alaa' urip pelinguh, ngan avéé' tong ga' dau vam, inah Akeu' pebetéé' réh ngan purip réh kepéh, ha' Yésus ngan réh.

YOHANES 8:56

Tepun keh Abraham murung kenin néh na'at savéé' Ké', pu'un éh na'at éh ngan jian kenin, ha' Néh.

PENGANEU' LAWAH 2:36

Ka' ha' Péterus kepéh, uban néh kenat jian kekat pohoo' Yahudi jam mu'un, Yésus nah Éh penatai keh tong salib rai, Allah metéé' Éh maneu' éh Tuhan ngan Kristus, ha' néh.

PENGANEU' LAWAH 3:15

Inah jalan keh mematai Iah éh nebu'un urip. Bang Allah pu'un pebetéé' Éh jin belah kelunan matai, améé' jam éh pu'un kenat mu'un uban maten mé' na'at Éh la'o Néh betéé' jin patai Néh.

PENGANEU' LAWAH 5:31

Allah pu'un metéé' Éh saa' na'au' Néh ngan maneu' Éh Raja' ke' Néh omok purip kelunan dokoo' Néh maneu' jalan ngan pohoo' kelunan Yahudi ke' réh ngepaléu kenin réh ngan penyala' réh omok pega'.

PENGANEU' LAWAH 5:41

Musit irah lawah nah jin lamin Komiti sebayang Yahudi nah, murung mu'un-mu'un kenin réh uban kejam réh Tuhan ngevéléé' réh lem néh kejeraa' kelunan pekenyaa' réh kenat uban ngaran Yésus.

1 KORINTUS 1:18

La'ah tebaraa' tong pematai Kristus tong salib, bé' pu'un gunah néh ngan kekat kelunan éh tawang, bang ngan uleu' éh pu'un alaa' urip, inah éh penyukat Allah.

1 KORINTUS 1:23

Bang pu'un mé' bara' ngan kekat kelunan, Kristus matai tong kayeu' salib. Ha' tebaraa' inah keleko irah Yahudi, ngan irah éh tengéé' pohoo' bara' éh ha' éh palui awah.

ÉPESUS 2:16

Neu' pengematai Néh tong salib, Kristus pu'un kebéé kekat kenin kelunan éh pekeleko, éh maneu' réh bé' omok pepadéé', naneu' salib Néh, Iah mihin duah arong inah jah kenin awah ngan mihin éh moléé' tavin Allah kepéh.

ÉPESUS 5:2

Dalem kekat urip keh jian keh maneu' éh ngan pepika, pekua' Kristus pika uleu' ngan mena' urip Néh ngeliwah lu'. Iah mena' usah Néh penatai réh, ke' Néh ngeliwah lu', inah jalan éh ngepayoo' kenin Allah, barei' ka'an éh penatai irah sioo' sahau, ke' réh mena' éh ngan Tuhan rai.

PILIPI 1:6

La'ah akeu' jam Allah éh ngusii' kenin keh bu'un, adang Néh juk ngusii' kenin keh kepéh pah avéé' keh pu'un sukup ngan jian mu'un tong Dau Yésus Kristus pu'un tuai kepéh.

PILIPI 3:20

Bang tana' ngan baa' uleu' pu'un éh tong seruga, jin sinah uleu' mena Tuhan Yésus Kristus tuai kepéh, éh juk purip lu'.

2 TIMOTIUS 4:8

Hun iteu', tapong pengeteneng nodoo' Tuhan ngan ké', Tong pengega' dau, Tuhan éh teneng mu'un petuneng juk mena' éh ngan ké', uban akeu' lepah murip kivu pengeloo' Néh. Bé' éh nena' Néh ngan ké' awah, bang Iah mena' éh ngan kekat kelunan éh mena savéé' Néh ngan murung kenin.

IBRANI 1:13

La'ah bé' Allah pu'un bara' ka' ngan jah-jah meliket péh, Menyun ke' siteu' saa' na'au' Ké', avéé' Ké' maneu' kekat ayau Ko', barei' lun gem Ko' awah,

IBRANI 1:3

Pu'un éh pepoléng kekat pengaren ngan pengejian Allah uban Iah péh pekua' ngan Allah. Iah pu'un mihau kekat penyuai Néh tong tana' ngan tong langit palaa' ha' Néh éh pu'un penyukat. La'o Néh maneu' kelunan pelepu jin penyala', Iah menyun tong seruga saa' na'au' Allah Pengeja'au éh matek bau.

IBRANI 10:14

La'ah neu' Néh mena' urip Néh jah koléé' awah, Iah peteneng kenin irah éh lepah nohéé' Néh penyala' réh avéé' pelinguh.

IBRANI 10:33

Jelua' koléé' irah pekenyaa' ngan peketa keh tong jumen kelunan pinaa'. Jelua' koléé' kepéh ka'ah keloo' keta pemung ngan irah éh peketa réh.

IBRANI 11:36

Jelua' réh pu'un kelunan peja' réh ngan memerah réh. Jelua' réh kepéh kejeret réh ngan nebet réh lem lamin tutup.

IBRANI 12:3

Jian keh pepata urip keh ngan urip Néh, pinaa' penusah Néh neu' kelunan éh sa'at éh leko Éh ngan maneu' Éh mu'un-mu'un, bang kebit kenin Néh lem kekat penusah Néh. Jian keh pepata urip keh ngan urip Néh kenat, dai keh béé kenin ngan bé' omok ngeretep lem kekat penusah keh kepéh.

IBRANI 13:13

Uban néh kenat jian uleu' tai tavin Éh saa' usit lamin inah dokoo' lu' masek lem pengemenyaa' pemung ngan Néh.

IBRANI 5:9

Uban néh kenat jin la'o Iah lepah sukup mu'un, Iah ke' éh jalan alaa' urip éh pelinguh tulat kekat kelunan éh tigéh tong Néh.

IBRANI 7:19

Uban kekat sohoo' lem Surat Musa bé' éh pu'un penyukat pesukup ineu'-ineu' ke' néh teneng. Bang hun iteu' uleu' pu'un pengelan éh pelapah jian jin pengelan irah Israel rai, uban Kristus pu'un penyukat mihin lu' tepih mu'un tavin Allah.

IBRANI 8:1

Iteu' néh éh gunah jin iteu' éh benara' mé'. Uleu' pu'un Imam éh pengeja'au kekat imam lu'; Iah menyun saa' na'au' nyun Allah éh matek Ja'au tong seruga.

IBRANI 9:28

Kenat péh Kristus pu'un éh matai jah koléé' ke' néh mega' penyala' kekat kelunan. Pu'un éh juk poléng jah koléé' kepéh, bé' éh ke' Néh mega' penyala' kelunan bang dokoo' néh ngelepu kekat kelunan éh mena savéé' Néh.

YAKUB 2:1

O kekat padéé' ké', uban keh ngelan tong Tuhan Yésus Kristus, Tuhan lu' éh Maren, mai keh tengéé' kenin ngan netah kenin tong kelunan uban pu'un jelua' kaya' ngan pu'un jelua' kari.

1 PÉTERUS 1:11

Sahéé' Kristus pu'un dalem irah nabi ngan sahéé' inah pu'un bara' tong pengeketa éh tekep teneng tong Kristus ngan tong Allah pu'un ngajung Iah kepéh. Irah nabi gahang kenin tatek hun néh pu'un kenat da'.

1 PÉTERUS 3:18

Éh ke' néh kenat uban Kristus tengéé' matai jah koléé' awah ngan avéé' pelinguh-linguh, dokoo' penyala' lu' omok pega'. Iah bé' pu'un sala' bang matai ngeliwah kelunan éh penyala', dokoo' Iah omok mihin ka'ah tavin Allah. Irah mematai usah Néh bang Iah murip kepéh lem sahéé' Néh.

1 PÉTERUS 3:22

éh lepah moléé' tai seruga ngan kenajung saa' na'au' Allah, ngan pengeja'au kekat meliket ngan kekat éh pu'un penyukat ngan éh ja'au tong seruga.

YUDAS 1:21

Jian keh murip ra' nihau penika Allah kelebéé' keh mena pengasi Tuhan lu' Yésus Kristus, éh juk mena' ngan keh urip mu'un ngan pelinguh.

ÉH POLÉNG 1:11

Ka' ha' Néh ngan ké' jian ke' nyurat kekat éh ta'an ko' da' ngan pekateu' surat iteu' ngan sidang tong tujuu' leboo' ja'au iteu: Épesus, Smirna, Pergamus, Tiatira, Sardis, Piladelpia, ngan Laodikia. Ha' Néh.

ÉH POLÉNG 1:17

Hun ké' na'at Éh, akeu' mohong déhéé' gem Néh, barei' kelunan éh lepah matai. Bang ojoo' Néh saa' na'au' napai Néh tong akeu' ka' ha' Néh ngan ké' Mai ke' medai Akeu' éh bu'un ngan Akeu' éh ga' péh.

ÉH POLÉNG 1:8

Akeu' éh bu'un ngan ga' péh, kenat ha' Allah éh pelapah ja'au penyukat, éh pu'un hun iteu', ngan éh lepah pu'un tenéh, ngan éh juk tuai kepéh.

ÉH POLÉNG 2:8

Jian ke' nyurat ha' ké' iteu' ngan meliket sidang tong Smirna. Iteu' ha' éh benara' jin Iah éh bu'un ngan éh ga' péh, éh lepah matai ngan éh murip kepéh.