IBRANI 12:1 - Rengah Jian

¹ La'ah uban pu'un kelunan pinaa' nah éh tutuh lu' éh omok nelana' bara' tong pengelan réh tong Allah, jian uleu' bet kekat éh nebii' lu' éh bahat ngan bet kekat penyala' éh maneu' lu' tekaleu' ngan saveng, dokoo' lu' omok petakéé' nekedeu' mu'un-mu'un mapun éh saa' tenah lu'.

IBRANI 12:1 Iomraidhean Croise

MATIUS 10:22

La'ah adang ka'ah keleko kekat kelunan pinaa' uban pengelan keh tong Akeu', bang séé' éh ngeretep pah avéé' ga' néh iah omok alaa' urip.

MATIUS 24:13

Bang séé'-séé' éh ngeretep pah avéé' ga' néh iah omok alaa' urip.

MARKUS 10:50

Boh éh bet seput néh éh kebit ke' néh tioo betéé' tavin Yésus.

LUKAS 12:15

Boh Yésus pu'un bara' ngan kekat kelunan béé, ka' ha' Néh, Seruh keh jian-jian, mihau kenin keh jin kekat éh agat keh, uban na' péh kelunan kaya' mu'un ngan pinaa' livah, bé' éh murip neu' kekat livah néh, ha' Néh.

LUKAS 16:28

tavin lemah usah padéé' ké' lakei' sinah, jian iah tai pané mu'un-mu'un ngan réh dai irah tuai siteu' tong jalan éh keta mu'un iteu' kepéh, ha' néh.

LUKAS 21:34

Ka' ha' Yésus kepéh, Seruh keh jian-jian, mai keh telalau kuman nyahan mesep pah avéé' keh mavuk, ngan mai keh taleu neu' penusah éh pu'un tong tana', dai Tuhan beleka' avéé' lem keh bé' nerepan éh.

YOHANES 3:32

ngan pu'un Éh bara' tong kekat Éh ta'an Néh ngan éh nenéng Néh, bang bé' pu'un kelunan alaa' ha' éh benara' Néh nah.

YOHANES 4:39

La'ah pinaa' kelunan Samaria éh tong leboo' inah ngelan tong Yésus naneu' ha' redo inah bara' ka' ngan réh, Iah bara' kekat penganeu' ké' ngan ké'.

YOHANES 4:44

Uban ka' ha' Yésus lepah nah, irah éh nabi Tuhan, bé' éh kenajung réh tong tana' néh tengéé', ha' Néh.

SURAT PAULUS NGAN SIDANG RUM 12:12

La'ah uban pengelan keh tong Tuhan, jian keh ngelayau murung kenin ngan kebit kenin dalem kekat penusah keh, ngan ngelayau sebayang siget koléé'.

SURAT PAULUS NGAN SIDANG RUM 2:7

Irah kelunan éh ngelayau maneu' jian, éh pitah jalan ke' réh omok pemung ngan Allah ngan mejing Éh, ngan ngajung Éh ngan éh pitah urip éh pelinguh, ngan kelunan éh kenat, adang Allah mena' urip pelinguh ngan réh.

2 KORINTUS 7:1

Kekat bakéh ké', kekat ha' jajii' Néh inah, pu'un éh ngan uleu', uban néh pu'un ngan uleu' kenat, jian uleu' peti'ai kenin lu' jin kekat ineu'-ineu' éh omok maneu' usah ngan kenin lu' sa'at, jian uleu' ni'ai mu'un ngan murip ngan medai maneu' ineu'-ineu' éh sa'at éh omok ngesa'at ngaran Allah.

GALATIA 2:2

Pu'un ku' tai tong leboo' Yérusalem uban Allah éh nyohoo' ku' tai. La'ah pu'un ku' pané ngan irah pengeja'au hun réh petipun tengéé', bara' tong kekat ha' tebaraa' éh benara' ké' belah kelunan éh tengéé' pohoo' jin irah Yahudi nah. Uban bé' akeu' keloo' kereja' ké' éh lepah nah ngan éh hun iteu' péh pu'un tuyah-tuyah awah.

GALATIA 5:7

La'ah jian ka'ah hun lepah rai. Séé' éh meta' keh dokoo' keh bé' kivu ha' tebaraa' éh teneng. Séé' ngaboo' ngan ngepaléu kenin keh?

ÉPESUS 4:25

Uban néh kenat mai la'ah keh pané kenyo, jian siget-siget usah pané mu'un ngan padéé' néh, uban uleu' béé pu'un pepadéé' dalem Kristus.

PILIPI 1:30

Hun iteu' ka'ah omok ngelawan pemung ngan ké' tong kekat éh kelawan ké' rai, ngan éh kelawan ké' pah avéé' hun iteu' pekua' éh nenéng keh nah.

PILIPI 2:16

Jian keh bara' ha' tebaraa' ngan réh éh omok purip réh. Hun keh maneu' kenat boh ku' pu'un jalan ké' ngajung tong Dau Kristus tuai kepéh, uban kenat éh pepoléng kekat kereja' ngan kemutau ké' bé' éh tuyah-tuyah awah.

2 TIMOTIUS 2:4

Kelunan seradu adang néh ngepayoo' kenin pengeja'au néh, bé' iah bubuu' seruh maneu' kereja' kelunan éh jah.

2 TIMOTIUS 4:7

Pu'un ku' mekat mu'un lem pekayau tong pengelan, akeu' lepah pesukup kekat kereja' ké', ngan akeu' lepah mihau pengelan tong Kristus avéé' ga' néh.

IBRANI 6:15

Abraham kebit kenin. Uban kenat Iah alaa' ineu' éh lepah pejajii' Allah ngan néh.

YAKUB 1:3

Uban neu' pengelan keh, inah éh maneu' keh omok ngeretep, ngan mihin keh kebit kenin kepéh.

1 PÉTERUS 2:1

Uban kenat, Jian ka'ah bet kekat arong pengesa'at jin usah keh. Mai keh pané' kenyo la'ah, mai keh ngelayoo' maneu' jian, mai keh sakit kenin ngan kelunan ngan mai keh ngesa'at ngaran réh.

1 PÉTERUS 4:2

Kelebéé' keh murip keto tong tana', jian keh murip kivu pengeloo' Allah, mai keh murip kivu pengagat usah keh awah.

1 PÉTERUS 5:1

Akeu' petesen ka'ah pengeja'au lem sidang, uban akeu' péh pengeja'au tong sidang. Pu'un ku' lepah na'at pengeketa Kristus ngan pu'un ku' tosok éh kepéh. Adang akeu' omok pemung ngan Néh tovoo' Iah tuai kepéh lem kekat pengaren Néh.

1 PÉTERUS 5:12

Pu'un Silas nolong akeu' éh seneruh ké' barei' jah padéé' dalem Tuhan éh tigéh. Akeu' nyurat iteu' suti' awah, dokoo' ngegahang ka'ah ngan bara' tong iteu' néh pengasi Allah éh mu'un ngan keh. Jian keh petem dalem pengasi Néh.

2 PÉTERUS 1:6

Kenat kepéh ka'ah tekep mihau usah keh ngeretep kenin tovoo' keh teneng tong ineu'-ineu' péh ngan ka'ah tekep murip ni'ai.

ÉH POLÉNG 1:9

La'ah akeu' éh padéé' keh Yohanes, ngan barei' ka'ah jam keta pemung ngan Yésus, akeu' péh barei' ka'ah lem kekat pengeketa iteu', pu'un lem nihau Tuhan, ngan ngeretep ngan kebit kenin. Pu'un réh marau akeu' tai Pulau Patmos uban ké' bara' ha' tebaraa' Allah ngan bara' tong kekat éh kejam ké' tong Yésus.

ÉH POLÉNG 13:10

Séé'-séé' éh tekep narau réh, adang iah pu'un narau réh kenat. Séé'-séé' éh tekep penatai réh palaa' po'é adang néh penatai réh kenat. Uban néh kenat irah éh anah Allah tekep ngeretep, kebit kenin ngan tigéh tong Kristus.

ÉH POLÉNG 22:16

Ka' ha' Néh kepéh, Akeu' Yésus nyohoo' meliket Ké' tai bara' kekat ha' iteu' ngan kekat sidang. Akeu' pu'un jin puku' Daud, Akeu' éh kenyuhai éh ngada teka rema, ha' Néh.

ÉH POLÉNG 3:10

Uban ko' kivu sohoo' Ké' ngan pu'un ngeretep ngan kebit kenin, Akeu' juk mihau ke' jin kekat penusah éh juk avéé' tong tana' iteu' ke' néh tupat kenin kekat kelunan pah tipo tana'.