IBRANI 10:5 - Rengah Jian

⁵ Inah éh ke' Kristus bara' ngan Allah teka Néh tuai tong tana', ka' ha' Néh O Tuhan, bé' Ka'au' keloo' réh mematai ka'an ke' réh mena' éh ngan Ko'. Bang usah Ké' iteu' éh petenup Ko'.

IBRANI 10:5 Iomraidhean Croise

MATIUS 11:3

Ka' ha' réh ngan Yésus, Jian ke' bara' ke' ngan améé', séé' ke', ka'au' éh Kristus éh pejajii' Allah juk tuai rai? Kineu', tekep mé' mena kelunan éh jah kepéh, ha' réh.

LUKAS 1:35

Ha' meliket mipa éh, Sahéé' Ni'ai juk tuhun tong ke' ngan penyukat Tuhan Allah pu'un tong ke', kenat péh Anak ko' iteu' nateng réh Anak éh ni'ai, ngan éh nateng réh Anak Allah.

LUKAS 7:19

Inah Yohanes tebai duah usah jin belah irah éh kivu éh ke' néh nyohoo' réh tai neteng Tuhan hun néh mu'un Iah éh pejajii' Allah juk tuai rai, ngan hun néh tekep réh mena kelunan éh jah kepéh.

YOHANES 1:14

La'ah Ateng ha' inah paléu kelunan, tuai éh mokoo' belah lu' iteu', ngan améé' pu'un na'at pengaren Néh, pengaren Néh inah pu'un éh kenat uban Néh Anak éh jah awah jin Tamen Néh, ngan ja'au mu'un penika Allah, kenat péh kekat ha' Néh pu'un éh teneng mu'un.

GALATIA 4:4

Bang avéé' tong jaka' éh kevéléé' Allah, inah éh nyohoo' Anak Néh mu'un tuai, Iah tuai tong tana' ngan tinen Néh kelunan jin tana'. Anak Néh inah pu'un éh kivu sohoo' lem Surat Musa,

1 TIMOTIUS 3:16

Adang sebayang lu' pu'un barei' pelim ngan irah éh bé' jam éh, bang jian mu'un éh, ka' éh, Pu'un Tuhan tuai paléu kelunan, Sahéé' Ni'ai pekelenaa' Iah pu'un teneng, pu'un éh ta'an irah meliket. La'ah Iah éh benara' réh tong siget-siget pohoo', Iah éh kepelum kelunan pah tipo tana', Iah éh netéé' Tamen Néh pemung ngan kemaren Néh, moléé' tai seruga.

IBRANI 1:6

La'ah hun Allah pu'un nyohoo' Anak tuken Néh tuai tong tana', pu'un éh bara' ka', Jian kekat meliket Allah seva' Éh.

IBRANI 10:10

Uban Yésus Kristus pu'un kivu pengeloo' Allah ngan mena' usah Néh tengéé' dokoo' Néh penatai. Iteu' naneu' Néh jah koléé' awah pah avéé' pelinguh-linguh, uban kenat penyala' lu' omok pega'.

IBRANI 10:7

Boh Akeu' bara' kepéh ka', O Allah, Akeu' tuai dokoo' Ké' kivu pengeloo' Ko', barei' éh benara' tong Akeu' lem Surat Musa, ha' Néh.

IBRANI 10:8

Bu'un-bu'un Kristus bara', bé' Ka'au' keloo' réh mematai ka'an ngan na' pengena', bé' Ka'au' menyat réh mematai ka'an dokoo' ngejian kenin Ko' ngan mematai ka'an dokoo' mega' penyala'. Iah bara' kenat na' péh kekat ka'an éh penatai inah kivu ha' Surat Musa.

IBRANI 2:14

Uban irah éh nateng anak Allah kelunan mu'un, inah Yésus tuai paléu kelunan pekua' irah inah ke'. Iah paléu kelunan dokoo' neu' pematai Néh Iah omok ngebéé Sitan éh pu'un penyukat bau patai.

IBRANI 5:7

Hun Yésus pu'un tong tana', Iah sebayang ngan menyat mu'un ngan mangaa' bara' kekat pengenyat Néh ngan Allah éh pu'un penyukat ngelepu Éh jin pematai. Uban Yésus ngerera' ngan tigéh tong Allah, Allah menéng ha' pengenyat Néh.

IBRANI 8:3

Siget-siget Imam éh pengeja'au kekat imam pu'un kevéléé' dokoo' mena' pengena' ngan mematai ka'an mena' ngan Allah, kenat péh Imam éh pengeja'au kekat imam lu' adang pu'un jah pengena' éh tekep nena' Néh.

1 PÉTERUS 2:24

Kristus tengéé' tagong penyala' uleu' usah Néh tong kayeu' salib, dokoo' uleu' pelepu jin penyukat penyala', ngan murip kivu pengeloo' Allah. Kekat suhat Kristus nah éh peka'o keh.

2 YOHANES 1:7

Uban pinaa' kelunan éh ngelavo' lepah tai pah tipo tana'. Bé' irah keloo' bara' Yésus Kristus pu'un tuai tong tana' ngan paléu kelunan. Kelunan éh kenat ngelavo' awah ngan ayau Kristus.