IBRANI 10:10 - Rengah Jian

¹⁰ Uban Yésus Kristus pu'un kivu pengeloo' Allah ngan mena' usah Néh tengéé' dokoo' Néh penatai. Iteu' naneu' Néh jah koléé' awah pah avéé' pelinguh-linguh, uban kenat penyala' lu' omok pega'.

IBRANI 10:10 Iomraidhean Croise

YOHANES 17:19

Uban Ké' pika réh, inah Akeu' mena' usah Ké' ngan Ko' dokoo' réh omok anah Ko' mu'un.

YOHANES 19:34

Bang jah seradu tioo muja' tong tegahang Yésus palaa' atap néh, tioo musit dahaa' ngan baa' jin suhat Néh.

YOHANES 6:51

Akeu' iteu' ka'an éh purip kelunan, éh tuai jin seruga, séé'-séé' éh kuman ka'an iteu' omok éh murip pelinguh. La'ah ka'an éh juk nena' Ké' ngan néh, inah éh usah Ké', éh juk nena' Ké' dokoo' Ké' purip kekat kelunan pah tipo tana', ha' Yésus ngan réh.

1 KORINTUS 1:30

Bang Allah éh maneu' keh petem dalem Kristus Yésus. La'ah jin Kristus Allah maneu' uleu' pu'un pengejam. Kenat kepéh naneu' Kristus, inah uleu' pu'un teneng kenin tong jumen Allah ngan paléu anak Néh mu'un, ngan pelepu jin kekat penyala'.

1 KORINTUS 6:11

Hun lepah rai pu'un jelua' ka'ah kenat, bang pu'un Tuhan mohéé' keh jin penyala' keh, ngan hun iteu' ka'ah anah Allah, ngan pu'un teneng tong jumen Néh neu' ngaran Tuhan Yésus Kristus ngan neu' Sahéé' Allah.

ÉPESUS 5:2

Dalem kekat urip keh jian keh maneu' éh ngan pepika, pekua' Kristus pika uleu' ngan mena' urip Néh ngeliwah lu'. Iah mena' usah Néh penatai réh, ke' Néh ngeliwah lu', inah jalan éh ngepayoo' kenin Allah, barei' ka'an éh penatai irah sioo' sahau, ke' réh mena' éh ngan Tuhan rai.

ÉPESUS 5:26

Iah maneu' kenat ke' Néh mena' sidang Néh ngan Allah, ke' Néh omok ngeni'ai éh neu' ha' tebaraa' Néh ngan neu' baa'

IBRANI 10:12

Bang jah koléé' awah Kristus matai mena' urip Néh ngan Allah ke' Néh mega' penyala' kelunan, pengena' Néh inah pu'un penyukat mega' penyala' avéé' pelinguh. La'o inah Iah menyun saa' na'au' Allah.

IBRANI 10:14

La'ah neu' Néh mena' urip Néh jah koléé' awah, Iah peteneng kenin irah éh lepah nohéé' Néh penyala' réh avéé' pelinguh.

IBRANI 10:20

Pu'un Yésus maneu' jalan maréng ngan uleu', jalan éh mihin lu' murip, neu' Néh matai pu'un éh mega' livah éh mapat jalan lu' tai tong jumen Allah.

IBRANI 10:29

Hun néh kenat tong irah inah, makin péh tong kelunan éh bet Anak Tuhan, éh seruh dahaa' Yésus barei' dahaa' kelunan awah, ngan bé' makat éh dahaa' éh jalan Allah maneu' jajii' maréng ngan réh, inah éh ngesa'at Sahéé' Ni'ai éh pika iah.

IBRANI 10:5

Inah éh ke' Kristus bara' ngan Allah teka Néh tuai tong tana', ka' ha' Néh O Tuhan, bé' Ka'au' keloo' réh mematai ka'an ke' réh mena' éh ngan Ko'. Bang usah Ké' iteu' éh petenup Ko'.

IBRANI 13:12

Kenat péh Yésus matai saa' usit pagin leboo', dokoo' mohéé' irah éh anah nah jin penyala' réh palaa' dahaa' Néh tengéé'.

IBRANI 2:11

Uban pu'un Yésus nah peti'ai kelunan jin penyala' réh, ngan Iah éh pu'un ni'ai ngan irah éh peti'ai néh nah, jah awah Tamen réh. Kenat péh Yésus nah bé' éh leko mateng réh padéé' Néh.

IBRANI 2:14

Uban irah éh nateng anak Allah kelunan mu'un, inah Yésus tuai paléu kelunan pekua' irah inah ke'. Iah paléu kelunan dokoo' neu' pematai Néh Iah omok ngebéé Sitan éh pu'un penyukat bau patai.

IBRANI 5:7

Hun Yésus pu'un tong tana', Iah sebayang ngan menyat mu'un ngan mangaa' bara' kekat pengenyat Néh ngan Allah éh pu'un penyukat ngelepu Éh jin pematai. Uban Yésus ngerera' ngan tigéh tong Allah, Allah menéng ha' pengenyat Néh.

IBRANI 7:27

Bé' Iah barei' irah Imam éh pengeja'au kekat imam éh jah, éh siget dau mena' pengena' uban penyala usah nah ke' kenat péh uban penyala' irah pinaa' nah. Yésus mena' pengena' jah koléé' awah avéé' pelinguh-linguh, tovoo' Iah mena' usah Néh matai jah koléé' awah uban penyala' kekat kelunan.

IBRANI 9:12

Hun Kristus pu'un tai tong Retek Matek Ni'ai jah koléé' awah Éh tai, bé' Éh tai kepéh, ngan bé' Iah mihin dahaa' mék ngan dahaa' sapé' lakin ke' Néh mena' éh ngan Allah, bang Iah mihin dahaa' Néh tengéé', ngan neu' dahaa' Néh inah Iah ngelepu uleu' avéé' pelinguh.

IBRANI 9:14

Hun néh kenat tong dahaa' ka'an awah, makin péh tong dahaa' Kristus mu'un, uban neu' Sahéé' Néh éh pelinguh, Iah mena' usah Néh ke' Néh matai dokoo' kelunan omok tavin Tuhan, barei' ka'an éh penatai réh tong sebayang Yahudi. Tong pengena' Kristus hun Néh matai tong kayeu' salib, sukup mu'un éh. Dahaa' Néh pu'un penyukat mohéé' kenin lu' jin kekat penganeu' éh bé' omok purip lu', kelu' omok kivu Allah éh murip ngan ngepayoo' kenin Néh.

IBRANI 9:26

Hun Néh pu'un tai pinaa' koléé' adang Néh pinaa' koléé' keta jin bu'un-bu'un Allah suai tana'. Bang hun iteu' tovoo' tai ga' tana' pu'un Éh poléng tong salib jah koléé' awah ke' Néh mega' penyala' kekat kelunan.

IBRANI 9:28

Kenat péh Kristus pu'un éh matai jah koléé' ke' néh mega' penyala' kekat kelunan. Pu'un éh juk poléng jah koléé' kepéh, bé' éh ke' Néh mega' penyala' kelunan bang dokoo' néh ngelepu kekat kelunan éh mena savéé' Néh.

1 PÉTERUS 2:24

Kristus tengéé' tagong penyala' uleu' usah Néh tong kayeu' salib, dokoo' uleu' pelepu jin penyukat penyala', ngan murip kivu pengeloo' Allah. Kekat suhat Kristus nah éh peka'o keh.

1 PÉTERUS 3:18

Éh ke' néh kenat uban Kristus tengéé' matai jah koléé' awah ngan avéé' pelinguh-linguh, dokoo' penyala' lu' omok pega'. Iah bé' pu'un sala' bang matai ngeliwah kelunan éh penyala', dokoo' Iah omok mihin ka'ah tavin Allah. Irah mematai usah Néh bang Iah murip kepéh lem sahéé' Néh.

1 YOHANES 5:6

Yésus Kristus pu'un tuai tong tana' ngan baa' pengebatis Néh ngan dahaa' pengematai Néh. Iah tuai bé' éh ngan baa' awah bang iah tuai ngan baa' ngan dahaa'. Sahéé' Ni'ai bé' éh jam kenyo.