IBRANI 10:1 - Rengah Jian

¹ Sohoo' lem Surat Musa, bé' éh jah layan éh kelo'ong ngan sukup mu'un, tong ineu'-ineu' éh semu'un néh, bang inah barei' kuyuh kekat éh jian éh juk avéé' kepéh, siget-siget taun irah mematai ka'an ke' réh mena' éh ngan Allah bang inah bé' omok mega' penyala'.

IBRANI 10:1 Iomraidhean Croise

SURAT PAULUS NGAN SIDANG RUM 8:3

Kekat ha' lem Surat Musa bé' pu'un penyukat ngelepu kelunan jin penyukat penyala' uban kelunan lemoo' kenin, bang Allah pu'un penyukat omok ngelepu réh. Pu'un éh ngukum penyala' ngan memekat pengereken penyala' jin lem kenin kelunan, neu' Anak Néh mu'un éh senohoo' Néh tuai. Iah tuai paléu' kelunan mu'un, pekua' layan kelunan éh penyala', dokoo' Néh kebéé penyala'.

KOLOSÉ 2:17

Kekat éh penganeu' réh inah nojoo' tong éh juk pu'un kepéh, bé' éh usah Kristus mu'un, Hun iteu' kepéh bé' éh penojoo' kenat awah uban pu'un Kristus tuai tenéh.

IBRANI 10:22

Uban néh kenat jian uleu' tuai tepih tong Allah ngan jah awah kenin ngan pengelan éh reken ngan kenin éh ni'ai éh bé' pu'un ineu' pesala' kenin lu' kepéh, ngan usah éh lepah nohéé' palaa' baa' éh ni'ai.

IBRANI 7:11

Imam-imam pohoo' Lewi éh ngereken ha' lem Surat Musa, éh nena' ngan pohoo' Israel. Hun kekat éh naneu' irah imam betah Lewi sahau nah lepah sukup mu'un, bé' Iah tiken pu'un imam éh jah barei' Imam Melkisedek, éh bé' jin pohoo' Imam Harun.

IBRANI 8:5

Kekat penganeu' réh tong tana' pu'un éh nojoo' éh pu'un kenat mu'un tong seruga. Barei' Musa hun néh juk maneu' umaa' Tuhan rai, ka' ha' Allah ngan néh, Jian ke' maneu' lamin Ké' iteu' pekua' éh benara' Ké' ngan ko' hun ko' pu'un tong tokong rai, ha' Néh.

IBRANI 9:11

Bang Kristus nah pu'un tuai barei' okoo' Imam éh pengeja'au kekat imam tong kekat éh jian éh lepah pu'un tenéh. Lamin éh jalan Néh maneu' kekat kereja' Néh Imam éh pengeja'au kekat imam pu'un éh gunah mu'un ngan sukup mu'un Lamin inah bé' éh senuai kelunan. Sin néh bé' éh jin tana' éh senuai Néh iteu'.

IBRANI 9:23

La'ah lamin Tuhan éh tong tana' ngan kekat éh penakai réh sinah, éh barei' lamin Tuhan éh tong seruga, pu'un réh peti'ai éh neu' dahaa' ka'an. Bang lamin Tuhan tong seruga tekep éh pu'un ni'ai neu' dahaa' éh pelapah jian jin dahaa' ka'an.

IBRANI 9:25

Siget ta'un Imam éh pengeja'au kekat imam Yahudi masek tong Retek Matek Ni'ai mihin dahaa' ka'an. Bang Kristus bé' Iah tai mena' pinaa' koléé'.