IBRANI 1:9 - Rengah Jian

⁹ Ka'au' éh murung tong kekat éh jian ngan teneng, bang leko Ke' tong kekat éh sa'at. Uban néh kenat Allah ngevéléé' Ke' ngan pepenoo' kenin Ko' neu' kekat kemurung Néh éh pelapah ja'au jin kemurung éh nena' Néh ngan irah bakéh Ko',

IBRANI 1:9 Iomraidhean Croise

LUKAS 4:18

Sahéé' Tuhan pu'un tong Akeu'. Iah lepah ngevéléé' Akeu' dokoo' ké' bara' rengah jian ngan kelunan kari. Iah nyohoo' Akeu' bara' jalan ngan kelunan ripen ke' réh omok pelepu. Kelunan éh bé' pu'un ta'an, Akeu' maneu' réh omok na'at kepéh. Kelunan éh besau, Akeu' juk ngelepu réh jin kekat kebesau réh neu' kelunan éh maneu' réh.

YOHANES 1:41

Anderias tioo tai pitah padéé' néh Simon ke' néh bara' ngan néh ka', Améé' lepah temeu' ngan Kristus, ha' néh. Sin tong ngaran Kristus, inah éh, Iah éh pejajii' Tuhan dokoo' Néh Pengeja'au kelunan.

YOHANES 10:17

Ka' ha' Yésus kepéh, Tamen Ké' murung Akeu' uban Ké' keloo' mena' urip Ké' jalan Ké' omok alaa' éh kepéh.

YOHANES 20:17

Ka' ha' Yésus ngan néh kepéh, Mai ke' ngamit Akeu', uban bé' jak Ku' pu'un moléé' tai Tamen Ké', bang jian ke' moléé' tai tavin kekat padéé' Ké' ngan bara' ha' Ké' iteu' ngan réh. Pu'un Akeu' moléé' ngan Tamen Ké', éh Tamen ka'ah péh, ngan Allah Ké', éh Allah ka'ah péh, ha' Néh.

YOHANES 3:34

Kelunan éh tuai sohoo' Allah pu'un éh bara' kekat ha' Allah, uban Allah pepenoo' kenin néh neu' Sahéé' Ni'ai.

PENGANEU' LAWAH 10:38

Pu'un keh jam kepéh Allah mena' Sahéé' Ni'ai ngan penyukat Néh ngan Yésus. Pu'un Yésus lakau semah-semah péh ke' Néh nolong kelunan ngan ngelepu irah éh keripen Sitan, uban Allah pu'un ngan néh.

PENGANEU' LAWAH 4:26

Pu'un kekat raja' tong tana' petenup ngan irah pengeja'au éh jah pu'un petipun, dokoo' réh ngelawan Tuhan ngan ngelawan Iah éh tuai jin Allah ke' Néh pepurip kelunan. Kenat ha' Daud.

PENGANEU' LAWAH 4:27

Hun iteu' pu'un éh kenat mu'un tong leboo' iteu', uban Herodis ngan Pontius Pilatus ngan kelunan Yahudi ngan kelunan éh tengéé' pohoo', petipun ke' réh ngelawan Yésus, Anak Ko' éh ni'ai, éh kevéléé' Ko' ke' Néh pepurip kekat kelunan.

SURAT PAULUS NGAN SIDANG RUM 12:9

Jian keh pika kelunan mu'un, mai keh ngelayoo' awah pika réh. Jian keh leko tong kekat éh sa'at, ngan megem kekat éh jian awah.

SURAT PAULUS NGAN SIDANG RUM 15:13

Jian Allah éh kenelan lu', pepenoo' kenin ka'ah ngan kekat kemurung Néh ngan pengepawah Néh, neu' pengelan keh tong Iah, dokoo' ka'ah omok pepit dalem pengelan keh neu' penyukat Sahéé' Ni'ai.

1 KORINTUS 1:9

La'ah omok uleu' ngelan Allah, Iah éh Allah éh tebai keh dokoo' keh omok pebakéh ngan Anak Néh Yésus Kristus éh Tuhan lu'.

2 KORINTUS 11:31

La'ah Allah, éh Tamen Tuhan Yésus, éh tekep kenajung lu' pelinguh, la'ah kejam nah ke' ku' bé' kenyo.

GALATIA 5:22

Bang Sahéé' Ni'ai mihin kelunan maneu' kekat éh jian, inah éh mihin réh jam pika, murung kenin, pawah kenin, ngan dawai kenin, pu'un éh mihin réh jam nolong kelunan éh jah, ngan barék éh jian, ngan tigéh,

ÉPESUS 1:3

Jian uleu' bara' jian kenin ngan Allah éh Tamen Tuhan lu' Yésus Kristus, uban uleu' murip pemung ngan Kristus, Allah lepah mena' pengejian ngan lu', palaa' kekat pengejian éh jin seruga.

PILIPI 2:9

Uban néh kenat inah Allah ngajung Iah bau mu'un ngan mena' ngaran Néh bau kekat ngaran.

IBRANI 2:11

Uban pu'un Yésus nah peti'ai kelunan jin penyala' réh, ngan Iah éh pu'un ni'ai ngan irah éh peti'ai néh nah, jah awah Tamen réh. Kenat péh Yésus nah bé' éh leko mateng réh padéé' Néh.

IBRANI 2:9

Bang uleu' lepah na'at Yésus pu'un penyukat! Lem jaka' metok awah, Iah pu'un diva' siik jin meliket, dokoo' neu' pengasi Allah, Iah omok matai tulat kekat kelunan. Hun iteu' uleu' na'at Iah nena' pengaren ngan penyeva' uban Iah lepah keta avéé' matai.

IBRANI 7:26

Yésus nah, Iah Imam éh pengeja'au kekat imam lu' éh omok nolong lu' mu'un. Iah pu'un ni'ai, bé' pu'un ineu'-ineu' sala' ngan kesa'at lem Néh, tengéé' éh jin pohoo' kelunan penyala', Iah pu'un bau tong seruga ngan kenajung réh.

1 PÉTERUS 1:3

Jian lu' bara' jian kenin ngan Allah, Tamen Tuhan lu' Yésus Kristus! Uban Iah pika uleu' mu'un, Iah mena' urip maréng ngan lu', neu' Néh pebetéé' Yésus Kristus jin patai Néh. Iteu' omok mena' pengepelum éh reken ngan lu'.

1 YOHANES 1:3

Améé péh bara' ngan Keh tong éh ta'an ngan nenéng mé' dokoo' ka'ah pekua' kenin ngan améé' lem urip mé' éh pu'un pemung ngan Tamen ngan Anak Néh Yésus Kristus.

ÉH POLÉNG 2:15

Kenat péh pu'un jelua' keh kivu ha' tebaraa' Nikolaus.