IBRANI 1:8 - Rengah Jian

⁸ Bang tong Anak Néh nah pu'un Allah bara' ka', Ka'au' éh Allah, Ka'au' omok raja' avéé' pelinguh Pu'un Ke' mihau kekat irah éh lem nihau Ko' dalem kekat éh teneng ngan jian mu'un.

IBRANI 1:8 Iomraidhean Croise

MATIUS 1:23

Ka' ha' néh, la'ah redo lemanai éh bé' jak tavin lakei' pu'un éh nemaléé', ngan iah juk nganak jah anak lakei', ngaran néh éh nateng réh, Imanuel, ha' néh. Sin tong ngaran Imanuel, Allah pu'un ngan lu'.

LUKAS 1:75

dokoo' uleu' pu'un Ni'ai ngan ngepayoo' kenin néh putung-putung urip lu'.

YOHANES 10:30

Tamen Ké' ngan Akeu' péh jah awah kenin, ha' Néh ngan réh.

YOHANES 10:33

Ka' ha' irah Yahudi mipa Éh, Bé' améé' juk memateu' Ke' naneu' kereja' Ko' éh jian, bang uban Ko' kelunan awah, ngan pu'un Ke' juk maneu' usah Ko' pekua' ngan Allah, inah Ke' ngesa'at Allah, uban Ko' kenat nah ke' mé' juk memateu' Ke', ha' réh.

YOHANES 20:28

Ka' ha' Tomas mipa Éh, O Tuhan, pu'un akeu' ngelan, Ka'au éh Allah ké', ha' néh.

SURAT PAULUS NGAN SIDANG RUM 9:5

Kenat péh irah Yahudi jin pohoo' tepun réh, inah éh Abraham, Ishak ngan Yakub. Inah kepéh hun Kristus pu'un tuai tong tana' ke' Néh paléu kelunan, Iah tuai jin pohoo' irah inah ke' éh. Jian Allah éh bau béé-béé nejing kelunan avéé' pelinguh. Amin.

1 KORINTUS 15:25

Uban adang Kristus pu'un Pengeja'au pah avéé' Allah nyopéé' kekat ayau Néh, ngan maneu' réh barei' ra' gem Néh awah. Inah nelana' réh bé' pu'un penyukat ineu'-ineu'.

1 TIMOTIUS 3:16

Adang sebayang lu' pu'un barei' pelim ngan irah éh bé' jam éh, bang jian mu'un éh, ka' éh, Pu'un Tuhan tuai paléu kelunan, Sahéé' Ni'ai pekelenaa' Iah pu'un teneng, pu'un éh ta'an irah meliket. La'ah Iah éh benara' réh tong siget-siget pohoo', Iah éh kepelum kelunan pah tipo tana', Iah éh netéé' Tamen Néh pemung ngan kemaren Néh, moléé' tai seruga.

2 PÉTERUS 1:11

Hun keh maneu' kenat, boh keh pu'un penyukat omok tai lem Pengihau éh pelinguh jin Tuhan éh purip lu' Kristus.

1 YOHANES 5:20

La'ah uleu' jam Anak Allah pu'un tuai, Iah mena' pengejam Néh ngan lu', dokoo' lu' jam Allah éh teneng. Urip lu' pu'un éh dalem Allah éh teneng ngan dalem Anak Néh Yésus Kristus. Inah éh Allah éh teneng ngan urip éh mu'un ngan pelinguh.