IBRANI 1:6 - Rengah Jian

⁶ La'ah hun Allah pu'un nyohoo' Anak tuken Néh tuai tong tana', pu'un éh bara' ka', Jian kekat meliket Allah seva' Éh.

IBRANI 1:6 Iomraidhean Croise

MATIUS 24:14

La'ah Rengah Jian iteu' éh bara' tong jalan Allah juk tuai Pengeja'au ngan mihau kekat kelunan, pu'un éh benara' réh pah tipo tana' dokoo' kekat kelunan omok jam éh, boh éh pengega' tana', ha' néh.

YOHANES 1:14

La'ah Ateng ha' inah paléu kelunan, tuai éh mokoo' belah lu' iteu', ngan améé' pu'un na'at pengaren Néh, pengaren Néh inah pu'un éh kenat uban Néh Anak éh jah awah jin Tamen Néh, ngan ja'au mu'un penika Allah, kenat péh kekat ha' Néh pu'un éh teneng mu'un.

YOHANES 1:18

Bé' pu'un séé'-séé' éh na'at Allah, bang Anak Néh éh jah de' ke' awah Iah Éh pu'un na'at Allah, ngan Iah pu'un pekua' ngan Allah, mokoo' Éh pemung ngan Tamen Néh, naneu' Néh uleu' jam Allah.

YOHANES 3:16

Uban ja'au penika Allah ngan kekat kelunan tong tana' iteu', inah Iah mena' Anak Néh éh jah de' ke' inah, dokoo' séé'-séé' éh ngelan tong Anak Néh, bé' éh matai bang néh omok alaa' urip pelinguh.

SURAT PAULUS NGAN SIDANG RUM 8:29

Tuhan jam kekat irah éh omok anah nah, Iah lepah ngevéléé' réh hun réh to bé' jak pu'un tong tana', ke' Néh ngepaléu réh jian barei' Anak Néh, dokoo' Anak Néh inah omok ja'au belah kekat uleu' éh padéé' Néh.

KOLOSÉ 1:15

Kristus Iah pekua' ngan Allah éh bé' omok ta'an kelunan palaa' maten usah néh. Kristus nah Anak Allah éh jah awah éh kemurung Néh, kepéh Iah pelapah jian jin kekat éh pu'un senuai Néh.

KOLOSÉ 1:18

La'ah Kristus éh Anak Néh pengeja'au usah, inah éh sidang, Iah éh pungun urip sidang Néh. Kenat kepéh Iah éh tenah netéé' Allah jin patai Néh dokoo' Iah omok pu'un penyukat bau ineu'-ineu' péh.

IBRANI 1:5

Uban bé' Allah pu'un bara' ka' ngan jah-jah meliket péh, Ka'au' éh Anak Ké', dau iteu' Akeu' éh Tamen Ko', Kenat péh bé' Allah pu'un bara' ka' ngan jah-jah meliket péh, Akeu' éh Tamen Néh, ngan Iah éh Anak Ké',

IBRANI 10:5

Inah éh ke' Kristus bara' ngan Allah teka Néh tuai tong tana', ka' ha' Néh O Tuhan, bé' Ka'au' keloo' réh mematai ka'an ke' réh mena' éh ngan Ko'. Bang usah Ké' iteu' éh petenup Ko'.

1 PÉTERUS 3:22

éh lepah moléé' tai seruga ngan kenajung saa' na'au' Allah, ngan pengeja'au kekat meliket ngan kekat éh pu'un penyukat ngan éh ja'au tong seruga.

1 YOHANES 4:9

La'ah inah jalan Allah pepoléng penika Néh ngan lu', pu'un éh nyohoo' Anak Néh tuai tong tana' iteu' dokoo' neu' Anak Néh inah uleu' alaa' urip mu'un ngan pelinguh.

ÉH POLÉNG 1:5

Kenat péh jin Yésus Kristus éh tigéh lem kekat éh benara' Néh, Iah éh bu'un bu'un pebetéé' Allah jin patai Néh ngan Iah éh raja bau kekat raja tong tana'. Yésus pika uleu' ngan neu' dahaa' Néh, inah Iah ngelepu uleu' jin kekat penyala' lu'.