IBRANI 1:3 - Rengah Jian

³ Pu'un éh pepoléng kekat pengaren ngan pengejian Allah uban Iah péh pekua' ngan Allah. Iah pu'un mihau kekat penyuai Néh tong tana' ngan tong langit palaa' ha' Néh éh pu'un penyukat. La'o Néh maneu' kelunan pelepu jin penyala', Iah menyun tong seruga saa' na'au' Allah Pengeja'au éh matek bau.

IBRANI 1:3 Iomraidhean Croise

MATIUS 22:24

Ka' ha' réh ngan Yésus, O Guru, pu'un ha' lem Surat Musa bara' ka', Hun néh pu'un kelunan matai ngan do néh murip keto bang rawah bé' pu'un anak, jian padéé' lakei' éh matai nah alaa' redo baleu' inah dokoo' rawah inah omok pu'un anak da', dokoo' anak inah seleket anak lakei' éh matai nah, kenat ha' lem Surat Musa, ha' réh.

MARKUS 16:19

Jin La'o Yésus pané ngan réh, iah netéé' tai seruga Iah menyun saa' na'au' Tuhan Allah.

YOHANES 1:14

La'ah Ateng ha' inah paléu kelunan, tuai éh mokoo' belah lu' iteu', ngan améé' pu'un na'at pengaren Néh, pengaren Néh inah pu'un éh kenat uban Néh Anak éh jah awah jin Tamen Néh, ngan ja'au mu'un penika Allah, kenat péh kekat ha' Néh pu'un éh teneng mu'un.

YOHANES 1:29

Barei'sagam pu'un Yohanes na'at Yésus tuai tavin éh, boh éh bara' ka' Na'at keh, Anak Domba Allah éh bet penyala' kekat kelunan tong tana'.

YOHANES 1:4

Ateng ha' inah Iah éh nebu'un urip, ngan neu' urip Néh, inah jalan kelunan pu'un rema.

PENGANEU' LAWAH 2:33

La'ah Iah pu'un netéé' saa' na'au' Allah, ngan pu'un Éh alaa' Sahéé' Ni'ai éh pejajii' Tamen Néh ngan Néh lepah nah, éh ta'an keh ngan éh nenéng keh hun iteu', inah néh éh Sahéé' Néh éh nena' Néh ngan uleu' kepéh.

PENGANEU' LAWAH 7:56

Ka' ha' Stepanus, Jian keh na'at, pu'un ku' na'at seruga pukap, ngan ta'an ké' Yésus nekedéng saa' na'au' Allah, ha' néh.

SURAT PAULUS NGAN SIDANG RUM 1:16

La'ah bé' akeu' menyaa' bara' Rengah Jian iteu', uban Rengah Jian iteu' inah éh penyukat Allah ke' Néh purip kekat kelunan éh ngelan tong Yésus, kenat péh irah Yahudi, kenat péh irah éh tengéé' pohoo'.

SURAT PAULUS NGAN SIDANG RUM 8:34

Hun néh kenat, bé' pu'un kelunan éh omok pesala' réh. Uban Kristus Yésus éh matai, éh mu'un néh Allah éh pebetéé' Éh jin patai Néh ngan pu'un Éh saa' na'au' Allah. Iah péh muruh sebayang uleu' ngan Allah.

2 KORINTUS 4:4

Bé' irah ngelan uban Sitan éh pengeja'au tana' iteu' memeseu' maten kenin réh, inah maneu' réh bé' omok na'at nawa éh perema tong irah, nawa éh jin Rengah Jian éh bara' tong pengaren Kristus éh pekua' mu'un ngan Allah lem ineu'-ineu' péh.

KOLOSÉ 3:1

Ka'ah pu'un betéé' murip pemung ngan Kristus, jian keh pitah kekat éh pu'un tong seruga éh jalan Kristus menyun saa' na'au' Allah.

TITUS 2:14

Pu'un éh mena' urip Néh ngeliwah uleu', dokoo' Néh ngelepu lu' jin kekat arong kesa'at, mohéé uleu' ngan maneu' uleu' anah nah awah, kenat péh mihin uleu' mekat maneu' jian.

IBRANI 1:13

La'ah bé' Allah pu'un bara' ka' ngan jah-jah meliket péh, Menyun ke' siteu' saa' na'au' Ké', avéé' Ké' maneu' kekat ayau Ko', barei' lun gem Ko' awah,

IBRANI 10:12

Bang jah koléé' awah Kristus matai mena' urip Néh ngan Allah ke' Néh mega' penyala' kelunan, pengena' Néh inah pu'un penyukat mega' penyala' avéé' pelinguh. La'o inah Iah menyun saa' na'au' Allah.

IBRANI 12:2

Bang jian lu' petem kepuh tong Yésus, éh majak lu' lem pengelan lu' jin bu'un avéé' ga'. Yésus bé' béé kenin, na' péh Iah pu'un matai tong kayeu' salib. Bang uban kemurung éh juk laa' Néh kepéh, bé' Iah seruh kemenyaa' éh teneng tong kelunan éh matai tong kayeu' salib, hun iteu' Iah menyun saa' na'au' nyun Allah.

IBRANI 4:14

Uban kenat jian uleu' mihau pengelan lu' mu'un tong Tuhan uban uleu' pu'un Imam éh pengeja'au kekat imam éh ja'au, inah éh Yésus éh Anak Allah pu'un éh lepah tai tong jumen Allah mu'un.

IBRANI 7:27

Bé' Iah barei' irah Imam éh pengeja'au kekat imam éh jah, éh siget dau mena' pengena' uban penyala usah nah ke' kenat péh uban penyala' irah pinaa' nah. Yésus mena' pengena' jah koléé' awah avéé' pelinguh-linguh, tovoo' Iah mena' usah Néh matai jah koléé' awah uban penyala' kekat kelunan.

IBRANI 8:1

Iteu' néh éh gunah jin iteu' éh benara' mé'. Uleu' pu'un Imam éh pengeja'au kekat imam lu'; Iah menyun saa' na'au' nyun Allah éh matek Ja'au tong seruga.

IBRANI 9:16

Hun kelunan maneu' surat bara' tong jalan petulat livah néh hun néh matai, bé' kelunan éh jah omok alaa' livah néh inah avéé' réh jam kelunan inah lepah matai.

IBRANI 9:26

Hun Néh pu'un tai pinaa' koléé' adang Néh pinaa' koléé' keta jin bu'un-bu'un Allah suai tana'. Bang hun iteu' tovoo' tai ga' tana' pu'un Éh poléng tong salib jah koléé' awah ke' Néh mega' penyala' kekat kelunan.

1 PÉTERUS 1:21

Jin Iah ka'ah ngelan tong Allah, Éh lepah pebetéé' Éh jin pematai ngan peparen Éh. Uban néh kenat hun iteu' ka'ah ngelan tong Allah ngan ngepelum tong Néh ngan kenin keh mu'un.

1 PÉTERUS 3:22

éh lepah moléé' tai seruga ngan kenajung saa' na'au' Allah, ngan pengeja'au kekat meliket ngan kekat éh pu'un penyukat ngan éh ja'au tong seruga.

2 PÉTERUS 1:16

Uban bé' améé' kivu ha' suket kelunan hun mé' nebaraa' ka'ah tong Tuhan Yésus Kristus éh juk tuai kepéh dalem kekat penyukat Néh. Maten améé' tengéé' pu'un na'at kekat kemaren Néh hun Néh pu'un tong tana' iteu' rai.

2 PÉTERUS 1:17

Pu'un améé' pemung ngan Néh tovoo' Néh kenajung ngan peparen Allah éh tamen. Tovoo' inah pu'un ha' jin Iah éh matek maren pané ngan Néh. Iteu' néh Anak Ké' éh kemurung Ké'. Iah ngepayoo' kenin Ké' ha' Néh.

1 YOHANES 1:7

Bang hun uleu' murip dalem rema, pekua' Allah pu'un dalem rema, adang uleu' béé pu'un Pekua' kenin, ngan dahaa' Yésus Anak Néh, mohéé' uleu jin kekat penyala'.

1 YOHANES 3:5

La'ah ka'ah jam Kristus lepah tuai dokoo' Néh mega' penyala' kelunan, ngan usah Néh tengéé' bé' pu'un penyala' lem Iah.

YUDAS 1:25

Iah awah éh Allah, éh pepurip lu' jin Yésus Kristus Tuhan lu'. Iah néh Allah éh Maren, pengeja'au kekat Allah, pu'un penyukat ngan éh bau kekat néh béé jin sahau avéé' hun iteu' ngan kelebéé'-lebéé' néh. Amin.

ÉH POLÉNG 3:21

Ngan irah éh nyopéé' kekat arong kesa'at, Akeu' kejeraa' réh menyun déhéé' Ké' tong nyun jalan Ké' Raja', barei' Akeu' lepah menang ngan menyun déhéé' Tamen Ké' tong jalan Néh Raja', ha' Néh.

ÉH POLÉNG 4:11

Oo' Tuhan éh Allah mé'! Bang Ka'au' awah éh tekep alaa' pengaren, penyeva' ngan penyukat, uban Ka'au' éh suai kekat ineu'-ineu' péh ngan kivu pengeloo' Ko' kepéh kekat ineu'-ineu' péh poléng ngan murip.