IBRANI 1:2 - Rengah Jian

² Bang hun iteu' tovoo' tai ga' tana', inah Iah pané ngan uleu' kepéh Jin Anak Néh. La'ah Jin Anak Néh, pu'un Allah suai kekat tana' ngan langit. Allah lepah ngevéléé' Anak Néh iteu' ke' Néh pu'un penyukat bau kekat ineu'-ineu' péh tong ga' néh.

IBRANI 1:2 Iomraidhean Croise

MATIUS 13:39

La'ah ayau nah éh mulah ureu' nah, inah éh Sitan. Sioo' ajau nah, inah éh tovoo' ga' tana' vam, irah éh majau nah, inah éh meliket Tuhan.

MATIUS 17:5

Tovoo' néh pané kenat pu'un jah avun éh mening lihep tong réh, ngan pu'un jah ha' éh nenéng réh jin avun inah, ka' ha' néh, Iteu' éh Anak Ké' éh kemurung Ké', payoo' mu'un kenin Ké' tong Néh, jian keh menéng ha' Néh. Kenat ha' jin lem avun inah.

MATIUS 21:38

Bang bé' irah alaa' éh. Hun irah éh mihau pulah nah na'at éh tuai, irah tioo bara', Inah savéé' anak lakei' ja'au, tai tam mematai éh, boh pulah iteu' omok anah uleu' mu'un, ha' réh.

MATIUS 26:63

Bang Yésus mokoo' kelem awah, bé' Iah pané ineu'-ineu' péh. Jah koléé' kepéh Imam éh pengeja'au kekat imam nah neteng éh, ha' néh, Dalem ngaran Allah éh murip, akeu' nyohoo' ke' bara' mu'un hun ko' Kristus, Anak Allah, ha' néh.

MATIUS 28:18

Tuai Yésus déhéé' réh ke' néh bara' ka', Tamen Ké' pu'un mena' penyukat ngan Ké', kenat péh tong seruga, kenat péh tong tana' iteu'.

MATIUS 3:17

La'ah pu'un jah ha' jin seruga, éh bara' ka', Iteu' néh Anak Ké' éh kemurung Ké', payoo' mu'un kenin Ké' tong Néh, ha' néh.

MARKUS 1:1

Kekat ha' lem surat iteu' inah éh bara' Rengah Jian tong Yésus Kristus éh Anak Allah.

MARKUS 12:6

Bé' pu'un séé' la'ah éh omok sohoo' néh tai kepéh, bang anak usah néh éh kemurung néh, iah awah éh omok tai kepéh. Inah éh nyohoo' anak néh tavin réh, ka' ha' néh, Adang réh pu'un ngerera' tong anak ké' iteu' dat, ha' néh.

MARKUS 12:7

Bang irah kelunan éh kereja' pegaji' pané belah irah ke', ka' ha' réh, Inah savéé' anak lakei' ja'au rit, tuai tam mematai éh boh tam omok alaa' pulah iteu' anah itam mu'un da', ha' réh.

YOHANES 1:10

La'ah Ateng ha' inah pu'un éh tong tana' iteu' rai, Allah suai kekat tana' iteu' neu' Néh, bang kelunan tong tana' iteu' bé' réh ngelan tong Néh.

YOHANES 1:14

La'ah Ateng ha' inah paléu kelunan, tuai éh mokoo' belah lu' iteu', ngan améé' pu'un na'at pengaren Néh, pengaren Néh inah pu'un éh kenat uban Néh Anak éh jah awah jin Tamen Néh, ngan ja'au mu'un penika Allah, kenat péh kekat ha' Néh pu'un éh teneng mu'un.

YOHANES 1:3

Allah suai kekat arong ineu'-ineu' neu' Ateng ha' inah. Bé' pu'un ineu'-ineu' éh pesuai tengéé' éh bé'senuai Néh.

YOHANES 13:3

La'ah kejam Yésus Tamen Néh pu'un mena' kekat penyukat Néh ngan Néh. Kejam Néh kepéh Iah pu'un tuai jin Allah ngan juk moléé' ngan Allah kepéh.

YOHANES 13:32

Hun pengaren Allah pu'un poléng dalem Anak Kelunan, boh Allah omok pepoléng pengaren Anak Néh kepéh, ngan rigah.

YOHANES 15:15

Bé' Akeu' bara' ka'ah kelunan sohoo', uban kelunan sohoo' bé' éh jam ineu' éh juk neu' pengeja'au néh. Bang Akeu' bara' ka'ah bakéh Ké', uban pu'un Ku' bara' ngan keh kekat éh nenéng Ké' jin Tamen Ké'.

YOHANES 16:15

Kekat éh anah Tamen Ké', anah Ké' ke' éh, kenat péh ha' Ké' bara' Sahéé' pu'un alaa' éh jin Akeu' ke' Néh bara' éh ngan keh kepéh, ha' Néh.

YOHANES 17:2

Uban Ka'au maneu' Akeu' pengeja'au kekat kelunan dokoo' Ké' omok mena' urip pelinguh ngan kekat irah éh nena' Ko' ngan Ké'.

YOHANES 3:16

Uban ja'au penika Allah ngan kekat kelunan tong tana' iteu', inah Iah mena' Anak Néh éh jah de' ke' inah, dokoo' séé'-séé' éh ngelan tong Anak Néh, bé' éh matai bang néh omok alaa' urip pelinguh.

YOHANES 3:25

La'ah jelua irah bakéh Yésus paneu' ngan jah kelunan Yahudi tong adet réh peti'ai.

YOHANES 5:26

Barei' Tamen Ké' pu'un purip kekat ineu'-ineu' péh, kenat péh Iah mena' penyukat Néh ngan Anak Néh, dokoo' Néh omok purip ineu'-ineu' kepéh.

YOHANES 5:27

Pu'un Éh mena' penyukat Néh ngan Anak Néh dokoo' Néh omok ngukum réh, uban Anak Néh inah, Iah péh Anak Kelunan.

YOHANES 9:29

Améé' jam Allah pu'un ngan Musa, bang tong kelunan inah, séé' jam jin semah Éh tuai, ha' réh.

PENGANEU' LAWAH 10:36

Pu'un éh pané ngan pohoo' Yahudi bara' Rengah Jian ngan réh, rengah inah bara' tunuk neu' Yésus Kristus éh Tuhan kekat kelunan.

PENGANEU' LAWAH 2:17

La'ah ha' Allah, Sioo' tai pengega' dau vam, inah éh juk neu' Ké', Akeu' juk mena' Sahéé' Ké' tong kekat kelunan. La'ah anak keh éh lakei' ngan anak keh éh redo péh omok bara' kenin Tuhan Allah ngan kelunan. La'ah irah lakei' lemanai omok na'at kekat éh pepoléng Tuhan tong ta'an réh. Irah lakei' éh mukun omok nyupin ngan kuraa'-kuraa' arong nyupin.

SURAT PAULUS NGAN SIDANG RUM 1:4

bang poléng mu'un Iah Anak Allah, uban neu' penyukat éh ja'au, éh penyukat Sahéé' Ni'ai, Allah pebetéé' Éh jin patai Néh.

SURAT PAULUS NGAN SIDANG RUM 8:17

Uban uleu' éh anak Néh, uleu' omok alaa' kekat pengejian éh juk nena' Allah ngan kelunan éh anah nah. Kenat péh kepéh uleu' omok alaa' éh pemung ngan Kristus, kekat éh lepah pejajii', nah Allah ngan Anak Néh. Uban hun lu' keta pemung ngan Kristus, uleu' péh omok pemung ngan Néh lem pengaren Néh.

1 KORINTUS 2:7

Kekat ha' tebaraa' éh benara' ké' pu'un éh bara' tong pengeloo' kenin Allah éh pelim jin kelunan lepah rai. Uban hun tana' iteu' to bé' jak pesuai neu' Néh sahau, pengeloo' kenin Néh tengéé' juk mihin lu' tong pengaren Néh.

1 KORINTUS 8:6

bang ngan uleu' éh ngelan tong Tuhan, Allah jah awah, inah éh Tamen uleu', éh suai kekat-kekat arong ineu'-ineu' péh, ngan uleu' murip neu' Néh, kenat péh jah awah Tuhan lu', inah éh Yésus Kristus, Iah éh suai kekat ineu'-ineu' ke' néh pu'un pesuai, ngan uleu' péh murip neu' Néh.

GALATIA 4:4

Bang avéé' tong jaka' éh kevéléé' Allah, inah éh nyohoo' Anak Néh mu'un tuai, Iah tuai tong tana' ngan tinen Néh kelunan jin tana'. Anak Néh inah pu'un éh kivu sohoo' lem Surat Musa,

ÉPESUS 1:10

Pengeloo' kenin Néh éh juk neu' Néh, tovoo' avéé' jaka' néh, Iah juk pepemung kekat penyuai Néh dalem Kristus ngan Kristus éh omok pengeja'au néh béé. Kenat péh tong seruga, kenat péh tong kekat éh tong tana' péh.

ÉPESUS 3:9

La'ah Iah kejeraa' akeu' mihin kekat kelunan jam tong jalan éh petenup Néh tenéh ke' Néh omok kivu pengeloo' kenin Néh. La'ah Allah éh lepah suai kekat ineu'-ineu', nelim Néh pengeloo' kenin Néh jin kelunan sahau,

IBRANI 1:5

Uban bé' Allah pu'un bara' ka' ngan jah-jah meliket péh, Ka'au' éh Anak Ké', dau iteu' Akeu' éh Tamen Ko', Kenat péh bé' Allah pu'un bara' ka' ngan jah-jah meliket péh, Akeu' éh Tamen Néh, ngan Iah éh Anak Ké',

IBRANI 1:8

Bang tong Anak Néh nah pu'un Allah bara' ka', Ka'au' éh Allah, Ka'au' omok raja' avéé' pelinguh Pu'un Ke' mihau kekat irah éh lem nihau Ko' dalem kekat éh teneng ngan jian mu'un.

IBRANI 11:3

Uban neu' pengelan uleu' jam tana' ngan langit iteu' pu'un senuai Allah Neu' ha' Néh awah. Kekat-kekat éh ta'an lu' hun iteu' péh senuai Néh palaa' ha' Néh awah.

IBRANI 2:3

Bé' pu'un jalan lu' omok kelap hun lu' ngelapah awah tong penika Tuhan éh juk purip lu', adang lu' teneng ukum Néh. Uban Tuhan tengéé' éh bu'un-bu'un bara' tong jalan Néh juk purip lu', ngan irah éh pu'un menéng éh pu'un bara' éh ngan uleu' kepéh ngan pekelenaa' éh ngan lu' adang Tuhan juk purip kelunan.

IBRANI 3:6

Bang Kristus nah Anak Tuhan mu'un, tigéh mu'un éh mihau umaa' Allah. La'ah uleu' néh umaa' Allah, inah éh hun lu' ngereken kenin lu' ngan petem pengelan lu' omok alaa' ineu' éh kepelum lu'.

IBRANI 4:14

Uban kenat jian uleu' mihau pengelan lu' mu'un tong Tuhan uban uleu' pu'un Imam éh pengeja'au kekat imam éh ja'au, inah éh Yésus éh Anak Allah pu'un éh lepah tai tong jumen Allah mu'un.

IBRANI 5:8

La'ah na' péh Yésus nah Anak Allah mu'un, Iah pekalai tigéh neu' kekat pengeketa éh teneng tong Néh.

IBRANI 7:28

Lepah rai tong adet sebayang Yahudi, pohoo' kelunan éh lemoo' éh Imam éh pengeja'au kekat imam, bang la'o inah kepéh, Allah neu' ha' jajii' Néh éh benara' Néh lebéé' si'ik la'o Néh bara' sohoo' lem Surat Musa, inah Iah ngevéléé' Anak Néh imam, Anak Néh inah pu'un éh teneng mu'un avéé' pelinguh.

IBRANI 7:3

La'ah bé' pu'un kelunan jam séé' éh tamen tinen Melkisedek, kenat péh tepun néh, bé' pu'un séé' péh éh nyurat tong lohoo' Melkisedek ngan tong pematai néh. Melkisedek nah barei' Anak Allah, inah éh imam avéé' pelinguh.

IBRANI 9:26

Hun Néh pu'un tai pinaa' koléé' adang Néh pinaa' koléé' keta jin bu'un-bu'un Allah suai tana'. Bang hun iteu' tovoo' tai ga' tana' pu'un Éh poléng tong salib jah koléé' awah ke' Néh mega' penyala' kekat kelunan.

1 PÉTERUS 1:20

Iah pu'un kevéléé' Allah hun tana' iteu' bé' jak pu'un, ngan pu'un Iah poléng kepéh sioo' tai ga' tana' dokoo' ka'ah omok alaa' urip.

2 PÉTERUS 3:3

Éh bu'un néh jian keh nesen, tai sioo' pengega' urip pu'un kuraa'-kuraa' kelunan juk betéé' ngan maneu' barék sa'at kivu kenin réh tengéé'. Irah pu'un peja' keh,

YUDAS 1:18

Ka' ha' réh rai de', Sioo' tai ga' dau pu'un kuraa'-kuraa' kelunan tuai ngan mala' peja' keh. Irah inah kelunan éh kivu kekat pengagat penyala'.