IBRANI 1:1 - Rengah Jian

¹ La'ah hun sahau, pinaa' koléé' Allah pu'un pané ngan tepun lu' jin irah nabi palaa' kuraa'-kuraa' jalan.

IBRANI 1:1 Iomraidhean Croise

LUKAS 1:55

Pu'un Éh pepoléng penika Néh ngan Abraham ngan kekat anak-ayam néh avéé' pelinguh, ha' néh.

LUKAS 1:72

Pu'un Éh pika tepun lu' barei' éh pejajii' Néh ngan réh. Bé' Éh ngelepan jajii' Néh.

LUKAS 24:27

Boh Yésus nebaraa' roh tong kekat ha' lem surat Allah éh bara' tong usah Néh, éh bu'un Néh bara' éh jin ha' lem Surat Musa, pah avéé' tong kekat surat irah nabi Tuhan.

LUKAS 24:44

Boh Éh bara' ka' ngan réh, Kekat éh lepah pu'un hun iteu', inah éh lepah benara' Ké' ngan keh hun Ké' to mokoo' ngan keh rai. Kekat éh senurat réh tong Akeu' éh pu'un lem Surat Musa, kenat péh éh pu'un lem surat irah nabi, kenat péh éh lem surat Masmur, adang kekat ha' éh senurat réh inah, pu'un éh kenat mu'un, ha' Néh.

YOHANES 16:13

Hun Sahéé' éh pepoléng kekat éh teneng tong Allah pu'un tuai, Iah omok mihin keh tong kekat éh teneng. Bé' Éh pané kivu kenin Néh tengéé', bang kekat éh nenéng Néh, inah ke' éh benara' Néh kepéh, ngan Iah juk bara' kepéh tong kekat éh juk avéé' vam.

YOHANES 7:22

Uban Musa nyohoo' keh maneu' adet sunat, na' péh éh Dau Posot, pu'un keh pesunat anak keh. Éh mu'un néh bé' éh Musa éh bu'un maneu' adet inah, bang tepun keh Abraham éh bu'un néh.

YOHANES 9:29

Améé' jam Allah pu'un ngan Musa, bang tong kelunan inah, séé' jam jin semah Éh tuai, ha' réh.

PENGANEU' LAWAH 13:32

La'ah kenat éh ke' améé' tuai siteu' ke' mé' juk bara' Rengah Jian ngan ka'ah kepéh. Uban rengah iteu' éh pejajii' Allah ngan tepun lu' rai,

PENGANEU' LAWAH 2:30

La'ah Daud nah jah kelunan nabi iah jam tong jajii' Tuhan ngan néh, uban Allah lepah pejajii' juk maneu' jah usah jin pohoo' Daud nah éh omok raja' réh barei' Daud nah raja' réh.

PENGANEU' LAWAH 28:23

La'ah pu'un réh maneu' jajii' ngan Paulus, avéé' tong sukup jajii' inah pinaa' mu'un kelunan tuai tavin éh tong lamin jalan néh mokoo' nah. La'ah jin dau ngivun avéé' dau merem pu'un éh pekelenaa' kekat ha' tebaraa' néh ngan réh tong Pengihau Allah. Gahang mu'un éh juk mihin réh nesen tong Yésus, kenat péh éh nebaraa' réh jin Surat Musa ngan jin surat irah nabi.

PENGANEU' LAWAH 3:21

Adang Yésus nah juk mokoo' tong seruga pah avéé' jaka' Allah juk maneu' kekat éh maréng kepéh, pekua' éh benara' Néh neu' kekat nabi Néh sahau.

IBRANI 11:18

Allah lepah bara' ngan Abraham, neu' anak néh Ishak, inah Abraham omok pu'un anak-ayam pinaa' mu'un.

IBRANI 11:2

Uban pengelan tepun lu' sahau Allah payoo' kenin tong réh.

IBRANI 12:25

Uban néh kenat mai keh bé' menéng ha' Néh Pané inah. Irah éh bé' keloo' menéng ha' Iah éh tuai tong tana' éh pesavéé' Rengah éh jin Allah, bé' omok ngelepu usah néh tengéé'. Hun lu' bet Iah éh pané jin seruga, adang lu' bé' omok ngelepu usah lu'.

IBRANI 2:2

Uban hun ha' tebaraa' éh benara' irah meliket nah pu'un teneng, ngan hun séé'-séé' bé' kivu éh adang réh teneng ukum, makin péh tong uleu' hun iteu' hun lu' bé' mihau ha' Anak Néh.

IBRANI 2:3

Bé' pu'un jalan lu' omok kelap hun lu' ngelapah awah tong penika Tuhan éh juk purip lu', adang lu' teneng ukum Néh. Uban Tuhan tengéé' éh bu'un-bu'un bara' tong jalan Néh juk purip lu', ngan irah éh pu'un menéng éh pu'un bara' éh ngan uleu' kepéh ngan pekelenaa' éh ngan lu' adang Tuhan juk purip kelunan.

IBRANI 3:5

Musa tigéh barei' kelunan sohoo' dalem Umaa' Allah. Iah bara' tong kekat éh juk benara' Allah jaka' temurei' kepéh.

IBRANI 4:8

Né' Yosua lepah mihin réh omok posot kivu éh pejajii' Allah adang Allah bé' pané kepéh tong jah dau éh jah.

IBRANI 5:5

Kristus bé' keloo' Imam éh pengeja'au kekat imam uban néh juk ngajung usah néh tengéé'. Bang ka' ha' Allah ngan néh Ka'au' éh Anak Ké' dau iteu' Akeu' éh Tamen Ko'.

IBRANI 9:19

Bu'un-bu'un Musa bara' kekat sohoo' Tuhan ngan irah Israel. La'o inah alaa' dahaa' sapé' lakin ngan dahaa' mék, ngan pekulup éh ngan baa', boh éh memirih éh tong kekat sohoo' Tuhan nah, ngan memirih éh kepéh tong kelunan pinaa' nah palaa' da'an ureu' hisop ngan bulun domba éh kebala réh.