2 PÉTERUS 3:7 - Rengah Jian

⁷ Bang langit ngan tana' éh pu'un hun iteu', neu' ha' Néh awah Tuhan mihau éh pah avéé' jaka' Néh ngebéé éh palaa' luten. Langit ngan tana' péh pu'un nihau Néh pah avéé' dau Tuhan pu'un ngukum ngan kebéé kekat kelunan éh bé' ngelan Tuhan.

2 PÉTERUS 3:7 Iomraidhean Croise

MATIUS 10:15

Akeu' bara' mu'un ngan keh, tovoo' dau Tuhan ngukum kelunan, pelapah ja'au penika Tuhan ngan irah tong tana' Sodom ngan Gomora jin kelunan éh tong leboo' inah éh bé' keloo' alaa' keh, ha' néh.

MATIUS 11:22

Akeu' bara' mu'un ngan keh, Tong dau Tuhan ngukum kelunan, pelapah ja'au penika Néh ngan irah tong leboo' Tirus ngan Sidon, jin penika Néh ngan ka'ah.

MATIUS 11:24

Akeu' bara' mu'un ngan keh, Tong dau Tuhan ngukum kelunan, pelapah ja'au penika Néh ngan irah tong leboo' Sodom, jin penika Néh ngan ka'ah iteu', ha' Yésus ngan réh.

MATIUS 12:36

Ha' Yésus kepéh, Akeu' bara' ngan keh, tong Dau Tuhan ngukum kelunan, siget-siget usah péh kenukum néh tong siget-siget ha' ané réh éh ulak pané awah-awah.

MATIUS 24:35

Langit ngan tana' juk salai béé, bang kekat ha' tebaraa' ké' pu'un éh pelinguh, ha' néh.

MATIUS 25:41

Ha' Yésus kepéh, La'o Raja' pané kenat ngan irah éh saa' na'au' néh nah, boh éh juk pané ngan irah éh saa' kabéng néh kepéh. Ka' ha' néh ngan réh da', Kelap keh jin akeu' ka'ah éh kenukum Allah. Tai keh tong luten meraka éh petenup neu' Tuhan ngan Sitan ngan kekat meliket néh.

MARKUS 6:11

Semah leboo' éh bé' keloo' alaa' ka'ah, ngan bé' keloo' menéng ha' keh, hun keh lakau' jin sinah, nepaga' agaa' tana' éh nyalit tong gem keh, seleket ha' keh bara' ngan réh, ka'ah ke' tagong ukum ka'ah da'.

YOHANES 12:48

Séé'-séé' éh bet Akeu', ngan éh bé' alaa' ha' Ké', pu'un éh ngukum éh, inah éh kekat ha' éh benara' Ké' ngan néh, ha' Ké' inah éh petuneng éh tong ga' dau vam.

SURAT PAULUS NGAN SIDANG RUM 2:5

Adang ko' jam éh bang ka'au' mahéng kenin. Neu' kenin ko' mahéng kenat ngan bé' keloo' moléé' tavin Iah, adang ukum ko' pelapah bahat kepéh tong dau Allah pepoléng kemerek Néh tong kelunan éh maneu' penyala' ngan ngukum réh. Teneng mu'un Iah tong jalan Néh ngukum réh.

1 KORINTUS 3:13

Tong dau Kristus pu'un tuai kepéh, boh éh poléng mu'un kineu' kekat éh penganeu' réh inah. Uban luten éh pu'un tovoo' dau inah, inah éh juk pepoléng éh. Luten inah éh memarem hun kereja' siget-siget usah pu'un jian ngan bé' péh.

PILIPI 1:28

Mai keh medai ayau keh, jian keh ngelayau makang kenin, hun néh kenat inah éh pepoléng éh ngan réh irah juk sopéé' awah ngan ka'ah omok menang uban Allah éh mihin lu' menang.

2 TESALONIKA 2:3

Bang mai keh lavo' neu' ha' réh pané kenat ngan keh. Uban dau inah bé' omok avéé' jak pah avéé' hun kelunan pinaa' éh ngelayoo' bara' réh ngelan tong Tuhan pu'un petat ngan ngelawan Tuhan mu'un, ngan pu'un jah kelunan éh sa'at pu'un poléng éh juk kenukum Allah tai tong luten meraka.

1 TIMOTIUS 6:9

Bang kelunan éh kelih juk kaya' pu'un éh teneng tong tenupat, pu'un éh barei' ka'an éh pejeu tong siang, uban pinaa' arong pengekelih néh éh suwok ngan petusah éh awah, éh pepetat éh ngan petawang éh mu'un.

IBRANI 12:29

Uban Allah Iah pu'un barei' luten éh omok kebéé ineu'-ineu' péh.

2 PÉTERUS 2:9

Kenat péh Tuhan jam purip kekat kelunan éh ni'ai jin kekat arong penupat ngan penusah réh, ngan Iah jam pokoo' kelunan sa'at dokoo' réh kenukum tong dau petuneng.

2 PÉTERUS 3:10

Bang Dau savéé' Tuhan inah, iah tioo pu'un avéé' barei' kelunan éh nekau. Tovoo' Dau inah langit pu'un béé pemung ngan ha' éh ja'au mu'un, ngan kekat éh tong langit péh pu'un potong béé. La'ah tana' iteu' ngan kekat éh pu'un tong néh juk salai béé.

2 PÉTERUS 3:12

Ngan neu' kekat penganeu' keh kenat, inah jalan pesavéé' Dau inah rigah avéé'. Tovoo' Dau inah langit potong béé ngan kekat éh tong langit péh munyai neu' éh pana mu'un.

1 YOHANES 4:17

Penika Néh pu'un sukup dalem lu', dokoo' lu' omok makang kenin tovoo' ga' dau' vam. Adang uleu' pu'un makang kenin uban urip lu' kelebéé' lu' murip tong tana' iteu', pu'un éh pekua' ngan urip Kristus.

YUDAS 1:7

Irah tong leboo' Sodom, Gemora ngan kekat leboo' éh déhéé' duah leboo' inah, maneu' pekua' penganeu' kekat meliket inah. Kelunan Sinah petuyang ngan maneu' barék éh Segit. Kekat leboo' inah ngan kelunan tong néh kenebéé palaa' luten éh pelinguh. Ukum inah omok jah telana' ngan kekat kelunan.

ÉH POLÉNG 17:11

La'ah ka'an éh murip sahau nah, bang éh bé' murip hun iteu', inah éh kayah raja nah éh pu'un ngan irah tujuu' nah, ngan iah danii juk kenebéé' Tuhan. Ha néh.

ÉH POLÉNG 17:8

Ka'an éh ta'an ko' nah, inah pu'un éh murip sahau bang hun iteu' bé' éh murip la'ah, bang danii' jaka' néh juk musit jin luvang éh dilem, ke' Tuhan kebéé éh pelinguh. La'ah kekat kelunan tong tana' éh bé' pu'un ngaran senurat lem surat urip bé' jak tana' iteu' senuai, adang irah inah béé kenin na'at ka'an inah. Ka'an inah sahau pu'un éh murip, hun iteu' bé' éh murip la'ah, bang pu'un éh juk poléng kepéh.

ÉH POLÉNG 20:11

La'ah akeu' na'at jah nyun ja'au éh mebéng ngan Iah éh menyun tong néh. Langit ngan tana' piso jin jumen Néh, avéé' néh bé' poléng la'ah.

ÉH POLÉNG 21:1

La'ah ta'an ké' langit éh maréng ngan tana' éh maréng. Langit éh bu'un ngan tana' éh bu'un bé' pu'un La'ah, ngan baa' banget péh salai.