2 PÉTERUS 3:2 - Rengah Jian

² Akeu' keloo' ka'ah nesen ha' éh benara' irah nabi Allah sahau, kenat péh kekat tebaraa' ngan kekat sohoo' éh jin Tuhan éh ngelepu lu', éh benara' irah lawah ngan keh kepéh.

2 PÉTERUS 3:2 Iomraidhean Croise

LUKAS 1:70

La'ah hun sahau jin irah nabi éh kevéléé' Néh,

LUKAS 24:27

Boh Yésus nebaraa' roh tong kekat ha' lem surat Allah éh bara' tong usah Néh, éh bu'un Néh bara' éh jin ha' lem Surat Musa, pah avéé' tong kekat surat irah nabi Tuhan.

LUKAS 24:44

Boh Éh bara' ka' ngan réh, Kekat éh lepah pu'un hun iteu', inah éh lepah benara' Ké' ngan keh hun Ké' to mokoo' ngan keh rai. Kekat éh senurat réh tong Akeu' éh pu'un lem Surat Musa, kenat péh éh pu'un lem surat irah nabi, kenat péh éh lem surat Masmur, adang kekat ha' éh senurat réh inah, pu'un éh kenat mu'un, ha' Néh.

PENGANEU' LAWAH 10:43

Kekat nabi Tuhan sahau, pu'un réh bara' tong Néh hun réh bara', séé'-séé' éh ngelan tong Yésus, omok Tuhan mega' penyala' réh neu' penyukat ngaran Néh, ha' Péterus ngan réh.

PENGANEU' LAWAH 28:23

La'ah pu'un réh maneu' jajii' ngan Paulus, avéé' tong sukup jajii' inah pinaa' mu'un kelunan tuai tavin éh tong lamin jalan néh mokoo' nah. La'ah jin dau ngivun avéé' dau merem pu'un éh pekelenaa' kekat ha' tebaraa' néh ngan réh tong Pengihau Allah. Gahang mu'un éh juk mihin réh nesen tong Yésus, kenat péh éh nebaraa' réh jin Surat Musa ngan jin surat irah nabi.

PENGANEU' LAWAH 3:18

Bang lebéé' tenéh pu'un Allah bara' neu' kekat nabi Néh, Kristus éh tuai ke' Néh purip kelunan adang Néh juk jam keta. La'ah kekat éh neu' keh nah, inah éh pesukup ha' éh benara' Tuhan kenat nah.

PENGANEU' LAWAH 3:21

Adang Yésus nah juk mokoo' tong seruga pah avéé' jaka' Allah juk maneu' kekat éh maréng kepéh, pekua' éh benara' Néh neu' kekat nabi Néh sahau.

GALATIA 6:2

Tekep keh nolong kelunan éh jah lem penusah néh, kenat jalan keh kivu sohoo' Kristus.

ÉPESUS 2:20

Ka'ah péh petok réh bau balun éh neu' irah lawah ngan neu' irah nabi, la'ah bateu' éh lihei' néh, inah éh Kristus Yésus mu'un.

ÉPESUS 3:5

Bé' kelunan sahau jam tong kenin Néh inah, bang hun iteu' neu' Sahéé' Néh pu'un Tuhan pekelenaa' éh ngan kekat lawah Néh ngan irah nabi Tuhan.

1 TIMOTIUS 6:14

Jian ke' kivu kekat sohoo' Tuhan, mihau éh mu'un, mai kejeraa' ineu'-ineu' ngepaléu kenin ko' pah avéé' Dau savéé' Tuhan lu' Yésus Kristus.

2 PÉTERUS 2:21

Pelapah jian kelunan éh kenat bé' pu'un jam gaya urip éh keneloo' Allah, jin hun réh jam éh ngan bé' keloo' kivu sohoo' éh nena' Allah.

2 PÉTERUS 3:15

Jian ka'ah seruh tong pengekebit kenin Tuhan lu', inah jah bi'en éh nena' Tuhan ngan keh dokoo' keh omok alaa' urip Néh. Padéé' lu' Paulus éh kemurung lu', neu' pengejam éh nena' Allah ngan néh.

2 PÉTERUS 3:16

Dalem kekat surat néh, Paulus, ngelayau nyurat tong kekat inah. Adang pu'un kuraa'-kuraa' ha' lem surat néh éh bé' lumang kenejam. Kelunan éh bé' jam ineu'-ineu' ngan éh lemoo' pengelan, lepah sala' bara' sin ha' inah. Irah péh lepah sala' bara' sin ha' jin kuraa'-kuraa' tulat surat Tuhan éh jah penganeu' inah mihin penasa' tong usah réh tengéé'.

1 YOHANES 4:6

Bang uleu' iteu' éh anah Allah, ngan séé'-séé' éh jam Allah pu'un iah mihau ha' lu', la'ah séé'-séé' éh bé' pu'un jin Allah, bé' iah mihau ha' lu'. Kenat péh jalan uleu' omok jam tong Sahéé' éh teneng ngan tong sahéé' éh petawang awah.

YUDAS 1:17

O kekat padéé' ke' jian keh nesen tong kekat ha' benara' irah Lawah Tuhan lu' Yésus Kristus sahau rai.

ÉH POLÉNG 19:10

Akeu' ngejekuu' lep ké' déhéé' gem néh juk seva' éh, bang ha' néh ngan ké', Mai ke' seva' akeu', akeu' péh kelunan sohoo' barei' ka'au' ngan kekat irah padéé' ko', inah éh irah éh bé' putui pengelan bang éh ngelan tong Yésus ngan mihau ha' tebaraa' éh teneng éh benara' Yésus. Jian ke' seva' Allah, ha' néh. Uban pengeteneng éh benara' Yésus pu'un éh ngusii' kenin kelunan éh bara' ha' Tuhan ngan kelunan.