2 PÉTERUS 2:4 - Rengah Jian

⁴ Allah péh bé' Iah ngelepu irah meliket éh lepah maneu' penyala', bang Iah bet réh lem meraka. Sinah réh kejeret tong retek éh merem pah avéé' Dau Tuhan petuneng kelunan.

2 PÉTERUS 2:4 Iomraidhean Croise

MATIUS 25:41

Ha' Yésus kepéh, La'o Raja' pané kenat ngan irah éh saa' na'au' néh nah, boh éh juk pané ngan irah éh saa' kabéng néh kepéh. Ka' ha' néh ngan réh da', Kelap keh jin akeu' ka'ah éh kenukum Allah. Tai keh tong luten meraka éh petenup neu' Tuhan ngan Sitan ngan kekat meliket néh.

MATIUS 8:29

Ngeradau roh ja'au ha', ka' ha' roh, O Anak Allah, ineu' éh juk neu' Ko' tong amo? Kineu' Ke' tuai, uban Ko' juk ngukum amo tenah bé' mena avéé' tong jaka' Ko' ngukum kekat kelunan, ha' roh.

MARKUS 5:7

ngan iah ngeradau' ja'au ha', ka' ha' néh, O Yésus Anak Allah éh matek bau, ineu' juk neu' Ko' tong akeu', ke' Ko' tuai siteu' teu'. Ko' pika ku, mai Ke' ngukum akeu', ha' néh.

LUKAS 10:18

Ka' ha' Yésus mipa ha' réh, Mu'un éh pu'un pega' uban Tuhan lepah nyopéé' Sitan. Pu'un Tuhan bet éh jin seruga. Akeu' pu'un na'at éh kenat mu'un, barei' lu' na'at kela'ap rai.

LUKAS 8:31

Boh kekat balei' nah menyat Yésus mai éh bet réh tong sawang awah.

YOHANES 8:44

Ka'ah anak tamen keh Sitan, ngan pu'un keh kivu kekat pengeloo' tamen keh. Jin bu'un-bu'un sahau péh Sitan mematai kelunan, bé' éh keloo' alaa' saa' éh teneng, uban bé' pu'un ineu'-ineu' éh teneng lem néh. Hun néh pané, pu'un éh pané kenyo awah, pohoo' néh kenyo, ngelayau éh kenyo kenat, ngan inah éh tamen kekat kelunan éh kenyo.

SURAT PAULUS NGAN SIDANG RUM 11:21

Hun Allah bé' pika irah Yahudi éh tapan paka' paraa' éh méé, kineu', omok Éh pika ka'ah éh barei' ha' tapan paka' paraa' éh mesem awah?

SURAT PAULUS NGAN SIDANG RUM 8:32

Uban bé' Tuhan sihun tong Anak Néh, bang Iah mena' éh ke' Néh matai uban Néh ngeliwah kekat uleu'. Anak Néh mu'un éh nena' Néh. Hun néh kenat, adang Iah keloo' mena' ineu'-ineu' éh jah ngan uleu' kepéh éh omok mihin uleu' menang.

2 PÉTERUS 2:11

Na' péh kekat meliket pelapah gahang ngan pu'un penyukat jin irah guru éh ngelavo' inah, bé' irah pesala' ngan ngesa'at ngaran réh tong jumen Tuhan.

2 PÉTERUS 2:5

Pekua' irah kelunan sahau éh pinaa' penyala', bé' réh pelepu jin ukum Allah. Iah maneu' labuu ke' Néh ngebéé kelunan éh maneu' penyala' bang Iah purip Noh ngan tujuu' usah éh pemung ngan néh, uban Noh mihin pengurip éh ngepayoo' kenin Allah.

2 PÉTERUS 2:9

Kenat péh Tuhan jam purip kekat kelunan éh ni'ai jin kekat arong penupat ngan penusah réh, ngan Iah jam pokoo' kelunan sa'at dokoo' réh kenukum tong dau petuneng.

1 YOHANES 3:8

Kelunan éh petem maneu' penyala', iah anah Sitan, uban jin bu'un sahau Sitan nah maneu' penyala'. Inah maneu' Anak Allah tuai ke' Néh kebéé kekat penganeu' Sitan.

YUDAS 1:13

Irah barei' luyak ja'au tong baa' banget. Kekat kesa'at réh éh pekenyaa' nah pu'un poléng barei' bura'. Barei' kenyuhai éh lepah piso jin jalan néh bu'un éh retek néh lepah petenup Allah dalem merem éh matek padeng mu'un pah avéé' pelinguh linguh.

YUDAS 1:6

Jian keh nesen tong irah meliket éh juk alaa' penyukat pelapah ja'au jin éh nena' Allah ngan réh, pah avéé réh piso jin retek okoo' réh pohoo'. Allah ngejeret irah meliket inah palaa' latai éh reken mu'un, tong retek éh merem saa' ra' tana'. Allah pokoo' réh Sinah pah avéé' pengega' dau hun Tuhan ngukum réh.

ÉH POLÉNG 20:10

Boh Sitan éh ngelavo' réh nebet Tuhan lem bawang luten ngan éh letéé' éh pana mu'un. Éh jalan ka'an inah ngan nabi éh ngelavo' nah nebet Tuhan sahau. Irah béé teneng keta putung dau ngan putung merem avéé' pelinguh-linguh.