2 PÉTERUS 2:3 - Rengah Jian

³ Irah kelunan éh ngelavo' nah, magat juk alaa' mekum, kenat jalan réh alaa' rigit jin kelunan éh kivu réh uban réh nebaraa' réh tong kuraa'-kuraa' ha' tebaraa' éh sala', tebaraa' éh neu' irah ke' tengéé'. Lebéé' tenéh Allah pu'un bara' tong ukum éh juk teneng tong réh, bé' Tuhan telalau kenin adang Tuhan pu'un ngukum réh mu'un.

2 PÉTERUS 2:3 Iomraidhean Croise

MATIUS 23:14

Ha' néh kepéh, Pika ka'ah guru éh nebaraa' tong sohoo' lem Surat Musa, kenat péh ngan ka'ah éh kivu adet Parisi, adang keh pu'un tusah mu'un uban keh ngelayoo' awah sebayang. Inah kepéh, pu'un keh ngebuyuk irah redo baleu' ngan alaa' kekat livah réh awah, boh keh sebayang ngan kebit ha', bang ngelayoo' awah keh sebayang. Uban keh maneu' kenat ukum keh vam pelapah bahat jin ukum irah éh jah, ha' Yésus.

LUKAS 18:8

Akeu' bara' mu'un ngan keh, adang Iah nolong réh ngan rigah mu'un. Kineu' hun Anak Kelunan tuai kepéh, pu'un kelunan éh petem dalem pengelan néh, kineu', bé', ha' Yésus ngan réh.

LUKAS 20:20

Boh irah mena ngan pitah jalan kepéh hun mah lah réh omok maneu' Éh kenat. Pu'un irah mena' rigit ngan kelunan ke' réh nyohoo' réh tai kivu Yésus pekua' kelunan éh ngelan mu'un, bang réh ngelayoo' awah. Boh réh nyohoo' kelunan inah tai tavin Yésus ngan neteng Éh tong kuraa' arong rungen dokoo' réh pitah ha' néh sala'. Irah maneu' Éh kenat hun Néh sala' ha' ke' réh omok pesala' Éh tong peritah.

LUKAS 22:47

Lem Yésus to pané ngan irah éh bakéh Néh, inah savéé' kekat kelunan pinaa' éh juk ngamit Éh. La'ah Yudas, éh jah usah jin belah irah bakéh Néh éh jah poloo' duah usah nah, iah éh mihin kelunan pinaa' nah tavin Yésus. Tuai éh juk marek Yésus.

YOHANES 2:16

Ka' ha' Néh ngan irah éh melih juhit éh barei' juhit punai nah, Keh alaa' kekat juhit keh nah jin siteu' mai keh maneu' lamin Tamen Ké' iteu' lamin jalan kelunan pebelih awah, ha' Néh.

SURAT PAULUS NGAN SIDANG RUM 16:18

Uban bé' réh maneu' kereja' Kristus éh Tuhan uleu', bang irah maneu' kekat éh omok ngejian kenin réh tong kemagat réh éh sa'at. La'ah neu' ha' réh éh méé ngan jian, inah irah ngelavo' kelunan éh bé' malai.

2 KORINTUS 2:17

Bé' mu'un améé' barei' jelua' kelunan éh bara' ha' Tuhan, barei' réh seruh tebaraa' inah bé' pu'un gunah. Irah bara' éh uban réh juk alaa' rigit awah. Bang améé' bara' ha' Tuhan uban Allah éh nyohoo' améé' bara' éh, bé' améé' bara' éh ngelayoo' awah, bang améé' bara' éh ngan kekat kenin mé' mu'un uban mé' kelunan éh sohoo' Kristus.

1 TESALONIKA 2:5

Uban ka'ah jam bé' améé' pané mejing ngan ngajung ka'ah, ngan bé' mé' pané ngelayoo' uban mé' magat tong ineu'-ineu' éh anah keh, Allah jam améé' bé' pu'un maneu' kenat.

1 TESALONIKA 5:3

Hun mah réh seruh, Kekat urip réh pu'un pawah ngan jian, tovoo' jaka' inah néh réh teneng tong penusah éh beleka' avéé', bé' pu'un jah usah péh éh omok pelepu, adang néh beleka' pu'un teneng tong réh barei' kesakit redo tovoo' réh juk nganak.

1 TIMOTIUS 3:3

Mai éh kelunan keloo' mesep baa' éh maneu' réh mavuk éh keloo' pepaneu', iah tekep dawai pengané ngan keloo' pawah. Mai éh mekum tong rigit.

1 TIMOTIUS 3:8

La'ah kenat péh irah pelayan, tekep réh kelunan éh jam seruh, mai éh kelunan paba pané, kenat péh mai éh kelunan keloo' mesep baa' éh maneu' éh mavuk, kenat kepéh mai éh kelih tong rigit ngan alaa' mekum tong rigit.

1 TIMOTIUS 6:5

ngan pepaneu' éh bé' jam posot ngan kekat kelunan éh bé' jam seruh ngan bé' jam ineu' éh teneng. Irah seruh réh omok kaya' neu'.

TITUS 1:11

Mai ke' kejeraa' réh pané, uban pu'un réh petusah kenin kuraa'-kuraa' kelunan neu' réh bara' tong éh bé' tekep. Pu'un réh maneu' kenat uban réh juk alaa' rigit awah.

TITUS 1:7

Uban kelunan éh pelayan, pu'un éh maneu' kereja' Allah ngan bé' tekep éh pu'un sa'at. Mai éh kelunan éh bau kenin ngan éh lumang merek. Mai éh kelunan éh mavuk ngan éh lumang pané sa'at, mai éh kelunan éh kelih, éh mekum tong rigit.

1 PÉTERUS 2:8

La'ah pu'un jah ha' kepéh lem surat Allah La'ah inah éh bateu' éh mihin kelunan tekaleu', Neu' bateu' inah pinaa' réh tekaleu' avéé' réh pegup, kenat ha' Néh. Éh ke' réh tekaleu' kenat, uban réh bé' ngelan tong ha' tebaraa' Allah, uban kenat éh pengeloo' Allah ngan réh.

1 PÉTERUS 5:2

Jian ka'ah mihau irah éh domba Allah, éh nena' Allah ngan keh. Jian keh mihau réh ngan jian kenin, uban kenat éh pengeloo' Allah, mai keh mihau réh ngan sa'at kenin. Jian keh maneu' kereja' keh mu'un, bé' makat uban juk alaa' utung awah, bang neu' kenin keh keloo' mihau ngan petubo réh mu'un.

2 PÉTERUS 1:16

Uban bé' améé' kivu ha' suket kelunan hun mé' nebaraa' ka'ah tong Tuhan Yésus Kristus éh juk tuai kepéh dalem kekat penyukat Néh. Maten améé' tengéé' pu'un na'at kekat kemaren Néh hun Néh pu'un tong tana' iteu' rai.

2 PÉTERUS 2:1

Hun sahau pu'un kuraa'-kuraa' irah nabi, éh ngelavo' musit belah irah éh anah Allah. Kenat péh irah éh ngelavo' juk musit belah ka'ah tovoo' hun iteu'. Irah pu'un perengah ha' tebaraa' éh sala' ngan éh petawang. Avéé' réh bet Yésus Kristus Tuhan éh purip réh uban néh kenat inah maneu' ukum Tuhan laho juk teneng tong réh

2 PÉTERUS 2:9

Kenat péh Tuhan jam purip kekat kelunan éh ni'ai jin kekat arong penupat ngan penusah réh, ngan Iah jam pokoo' kelunan sa'at dokoo' réh kenukum tong dau petuneng.

YUDAS 1:11

Tusah mu'un-mu'un irah éh kenat! Irah pu'un kivu jalan kenivu Kain rai. Pu'un réh keloo' kivu jalan éh sala' ke' réh omok kaya' barei' Bileam rai. Irah kenebéé Tuhan uban réh ngelawan Tuhan barei Korah rai.

YUDAS 1:15

Adang Iah petuneng kekat kelunan. Iah juk ngukum kelunan éh bé' ngelan uban penganeu' réh éh Sa'at ngan uban kekat ha' ané réh ngesa'at Tuhan!

YUDAS 1:16

Kekat irah inah ngelayau selem-selem pané ngan pesala' kelunan éh jah. Irah kivu pengagat usah réh éh Sa'at, irah ngajung usah réh tengéé' ngan ngajung kelunan éh jah ke' réh omok alaa' utung.

YUDAS 1:4

Pu'un kuraa'-kuraa' kelunan éh bé' ngelan tong Tuhan lepah masek belah lu' ngan bé' kenejam lu'. Irah ngepaléu ha' tebaraa' tong penika Allah lu', ke' réh omok maneu' barék réh éh sa'at. Irah bé' ngelan Yésus Kristus, Iah awah éh pu'un penyukat ngan éh Tuhan lu'. Jin sahau tenéh Ha' lem Surat Allah bara' tong ukum éh juk teneng tong kelunan éh maneu' kenat.

YUDAS 1:7

Irah tong leboo' Sodom, Gemora ngan kekat leboo' éh déhéé' duah leboo' inah, maneu' pekua' penganeu' kekat meliket inah. Kelunan Sinah petuyang ngan maneu' barék éh Segit. Kekat leboo' inah ngan kelunan tong néh kenebéé palaa' luten éh pelinguh. Ukum inah omok jah telana' ngan kekat kelunan.