2 PÉTERUS 2:2 - Rengah Jian

² Na' péh kenat, pinaa' kelunan juk kivu gaya' urip irah guru éh ngelavo' éh maneu' penganeu' éh segit penganeu' réh inah mihin kelunan ngesa'at jalan éh teneng jin Allah.

2 PÉTERUS 2:2 Iomraidhean Croise

MATIUS 22:16

Pu'un réh nyohoo' jelua' irah Parisi nah ngan pu'un kuraa' usah irah éh kivu Herodis, tavin Yésus ngan nyohoo' réh pané ka', O Guru, kejam mé' ka'au' kelunan éh ngelayau maneu' kekat éh jian ngan teneng, ka'au' nebaraa' kelunan tong kekat pengeloo' Allah ngan kelunan. Bé' ke' medai bara' éh, kelunan éh ja'au péh, irah éh si'ik péh, bé' ke' medai réh.

MATIUS 24:24

Uban pu'un kuraa'-kuraa' kelunan juk tuai éh bara' éh Kristus, bang bé' éh kenat. Kenat péh tong kelunan éh nabi, adang pu'un kuraa'-kuraa' usah réh éh bara' réh nabi Tuhan, bang bé' éh kenat. Kenat péh omok réh maneu' kuraa' telana' éh tejeu' éh ngebéé kenin kelunan ke' réh ngelavo' kelunan éh kevéléé' Allah.

MATIUS 7:14

Bang usit tapé éh mihin keh alaa' urip, si'ik awah éh ngan tatip jalan inah, ngan kerat awah kelunan éh jam jalan inah, ha' néh.

MARKUS 12:14

Ka' ha' réh ngan Yésus, O Guru, améé' jam adang ka'au' jah kelunan éh teneng, bé' ka'au' netah kenin ngan kelunan séé'-séé' péh, kenat péh bé' ke' seruh tong layan kelunan awah, ka'au' bara' tong kekat ha' Allah mu'un ngan kekat pengeloo' Allah ngan kelunan. Jian ke' bara' ngan améé', kineu' améé', tekep mé' mena' sukai mé' ngan Raja' Rum. Kineu', bé' mé' tekep. Kineu' ha' ko' da', ha' réh pané ngan Yésus.

MARKUS 13:22

Adang pu'un kuraa'-kuraa' kelunan tuai éh bara' réh Kristus, bang bé' éh Kristus. Kenat péh tong kelunan éh bara' ha' Tuhan, adang pu'un kuraa'-kuraa' usah réh éh bara' réh tuai sohoo' Tuhan ke' réh nebaraa' kelunan, bang bé' éh sohoo' Tuhan kenat. Kenat péh omok réh maneu' kuraa' telana' éh ja'au éh ngebéé kenin kelunan ke' sadat lavo' awah, hun néh omok pah avéé' kelunan éh kevéléé' Tuhan péh juk kelavo' réh.

YOHANES 14:6

Yésus mipa éh, Akeu' iteu' éh jalan, ngan Akeu' iteu' éh teneng, ngan Akeu' iteu' éh urip, bé' pu'un séé'-séé' éh omok tavin Tamen Ké' hun néh bé' pu'un jalan Akeu'.

PENGANEU' LAWAH 13:10

ke' néh bara' ngan néh, ka' ha' néh, Anak Sitan ka'au', ka'au' penoo' neu' kekat arong kesa'at awah, ka'au' ngelawan tong kekat éh jian, ka'au' juk maneu' kekat ha' Tuhan éh teneng malui ha' kenyo awah.

PENGANEU' LAWAH 14:2

Bang kelunan Yahudi éh bé' keloo' ngelan tong Yésus, pu'un réh punyat kenin kelunan éh tengéé' pohoo' ke' réh maneu' kelunan éh ngelan nah.

PENGANEU' LAWAH 16:17

Pu'un éh kivu Paulus seliko ngan améé', mejui éh, ka' ha' néh, Kelunan inah maneu' kereja' Allah éh Matek Bau, pu'un réh bara' jalan uleu' kelunan omok alaa' urip éh maréng, ha' néh.

PENGANEU' LAWAH 18:26

La'ah makang kenin néh nebaraa' réh tong lamin sebayang Yahudi. Bang hun Priskila ngan Akwila menéng ha' tebaraa' néh, boh roh alaa' éh ke' roh pesukup ha' tebaraa' éh mepai bé' kejam néh tong jalan kelunan omok alaa' urip jin Allah.

PENGANEU' LAWAH 19:9

Bang jelua' réh mahéng kenin, ngan bé' keloo' ngelan. Pu'un réh bara' jalan Tuhan omok mena' urip nah, sa'at mu'un éh, ha' réh ngan kelunan pinaa' nah. Boh Paulus piso jin réh ke' néh mihin kekat kelunan éh ngelan tong Tuhan pemung ngan néh. La'ah siget dau tai éh tong sekulah Tiranus, ke' néh mihin réh peteteng tong ha' tebaraa' Tuhan sinah.

PENGANEU' LAWAH 22:4

Pu'un ku' lepah peketa kelunan éh kivu ha' tebaraa' éh Maréng, pah avéé' réh matai, ngan ngejeret réh ngan maneu' réh lem lamin tutup, kenat péh irah lakei' ngan irah redo péh.

PENGANEU' LAWAH 24:14

Bang akeu' bara' mu'un ngan ko', mu'un akeu' seva' Allah éh kenelan tepun mé', ngan mu'un akeu' pu'un kivu ha' tebaraa' Yésus, éh benara' réh sala', bang inah kepéh pu'un akeu' ngelan tong kekat ha' éh lepah senurat dalem Surat Musa ngan éh lem surat irah nabi Tuhan.

SURAT PAULUS NGAN SIDANG RUM 2:24

Uban pu'un jah ha' lem Surat Allah éh bara' ka', Naneu' penganeu' irah Yahudi, irah éh tengéé' pohoo' ngesa'at ngaran Allah, ha' Surat Allah.

1 TIMOTIUS 5:14

Uban néh kenat inah éh pengeloo' ké', jian irah redo baleu' éh danak keto, kawin kepéh ngan pu'un anak kepéh ngan mihau lamin néh dokoo' irah éh bé' ngelan Tuhan péh bé' omok pesala' sidang.

TITUS 2:5

ngan jam mavaa' kenin réh ngan ni'ai, ngan jam petubo lamin réh, ngan ngerera' tong lakei' réh, dokoo' mai séé'-séé' péh ngesa'at ha' tebaraa' éh jin Allah.

TITUS 2:8

Jian ke pakai ha' tebaraa' éh teneng mu'un éh bé' omok kesa'at réh, dokoo' kelunan éh ngelawan lu', omok menyaa' uban réh bé' omok pesala' lu'.

1 PÉTERUS 2:12

Jian keh jian barék lem pengurip keh belah kekat kelunan éh bé' jak sakui ngelan Tuhan, kenat péh hun réh pesala' keh tong ineu'-ineu' péh, naneu' réh na'at barék keh éh jian inah, irah éh bé' ngelan Tuhan péh, omok réh seva' Allah tovoo' Dau Néh tuai kepéh petuneng kelunan.

2 PÉTERUS 2:12

Bang irah guru éh ngelavo' nah bara' ka'an éh luvaa' éh pu'un tong tana' dokoo' kelunan alaa' ngan mematai éh awah. Irah kivu kenin réh awah. Palaa' kekat ha' éh sa'at irah ngesa'at ngan muau ineu'-ineu' éh bé' kejam réh. Irah péh juk kenebéé barei' ka'an éh luvaa' inah.

2 PÉTERUS 2:15

Irah pu'un petat jin jalan éh teneng, tawang awah réh. Pu'un réh kivu jalan éh kenivu Bileam anak Beor sahau. Bileam nah magat alaa' rigit éh juk nena' réh ngan néh ke' néh maneu' sa'at.

2 PÉTERUS 2:18

Irah pepoléng réh bau kenin ngan palui, kenat péh irah pakai pengagat éh segit dokoo' ngelohoo' kelunan éh maréng pelepu jin belah kelunan éh murip tawang.

2 PÉTERUS 2:21

Pelapah jian kelunan éh kenat bé' pu'un jam gaya urip éh keneloo' Allah, jin hun réh jam éh ngan bé' keloo' kivu sohoo' éh nena' Allah.

2 PÉTERUS 2:7

La'ah Allah purip Lot, uban iah jah kelunan éh teneng, avéé' néh pua kenin na'at kekat barék éh sa'at éh neu' kelunan bé' ngelan Tuhan.

YUDAS 1:10

Bang kekat kelunan éh bé' ngelan inah, ngesa'at kekat éh bé' kenejam réh, pu'un réh jam tong Kuraa'-Kuraa' rungen, bang barei' ka'an éh bé' pu'un penyeruh irah jam éh kivu akam éh lem kenin réh ngan kekat inah juk kebéé réh.

YUDAS 1:15

Adang Iah petuneng kekat kelunan. Iah juk ngukum kelunan éh bé' ngelan uban penganeu' réh éh Sa'at ngan uban kekat ha' ané réh ngesa'at Tuhan!

YUDAS 1:4

Pu'un kuraa'-kuraa' kelunan éh bé' ngelan tong Tuhan lepah masek belah lu' ngan bé' kenejam lu'. Irah ngepaléu ha' tebaraa' tong penika Allah lu', ke' réh omok maneu' barék réh éh sa'at. Irah bé' ngelan Yésus Kristus, Iah awah éh pu'un penyukat ngan éh Tuhan lu'. Jin sahau tenéh Ha' lem Surat Allah bara' tong ukum éh juk teneng tong kelunan éh maneu' kenat.

YUDAS 1:7

Irah tong leboo' Sodom, Gemora ngan kekat leboo' éh déhéé' duah leboo' inah, maneu' pekua' penganeu' kekat meliket inah. Kelunan Sinah petuyang ngan maneu' barék éh Segit. Kekat leboo' inah ngan kelunan tong néh kenebéé palaa' luten éh pelinguh. Ukum inah omok jah telana' ngan kekat kelunan.

ÉH POLÉNG 12:9

Berungan ja'au nah nebet jin seruga. Inah éh torok éh sahau éh ngaran néh Iblis ngan Sitan, éh ngelavo' kekat kelunan pah tipo tana'. Iah pu'un nebet tai tana' pemung ngan kekat meliket néh.

ÉH POLÉNG 13:14

Allah kejeraa', ka'an éh keruwah iteu' dokoo' maneu' kuraa'-kuraa' telana' tong jumen ka'an éh bu'un. Palaa' kekat telana' inah, ka'an éh keruwah iteu' ngelavo' kekat kelunan éh murip tong tana' ngan nyohoo' réh maneu' butun dokoo' seva' ka'an éh bu'un éh lepah suhat neu' po'é, bang to ke' murip.

ÉH POLÉNG 13:8

Kekat kelunan éh murip tong tana' seva' ka'an inah, bang irah éh ngaran réh senurat lem surat irah éh alaa' urip bé' seva' éh. Kekat ngaran inah pu'un senurat tenéh bé' jak tana' iteu' senuai, ngan surat inah pu'un ngan Anak Domba éh lepah penatai.