2 PÉTERUS 2:1 - Rengah Jian

¹ Hun sahau pu'un kuraa'-kuraa' irah nabi, éh ngelavo' musit belah irah éh anah Allah. Kenat péh irah éh ngelavo' juk musit belah ka'ah tovoo' hun iteu'. Irah pu'un perengah ha' tebaraa' éh sala' ngan éh petawang. Avéé' réh bet Yésus Kristus Tuhan éh purip réh uban néh kenat inah maneu' ukum Tuhan laho juk teneng tong réh

2 PÉTERUS 2:1 Iomraidhean Croise

MATIUS 10:33

Bang séé-séé éh ngaken bara' iah' bé' jam Akeu' tong Jumen kelunan, Akeu' péh ngaken bara' Akeu' bé' jam iah tong jumen Tamen ké' tong seruga.

MATIUS 24:11

Tovoo' inah pinaa' nabi éh kenyo juk tuai éh ngelavo' kelunan, éh bara' iah sohoo' Tuhan, bang bé' réh sohoo' Tuhan. Inah irah petawang kelunan pinaa'.

MATIUS 24:24

Uban pu'un kuraa'-kuraa' kelunan juk tuai éh bara' éh Kristus, bang bé' éh kenat. Kenat péh tong kelunan éh nabi, adang pu'un kuraa'-kuraa' usah réh éh bara' réh nabi Tuhan, bang bé' éh kenat. Kenat péh omok réh maneu' kuraa' telana' éh tejeu' éh ngebéé kenin kelunan ke' réh ngelavo' kelunan éh kevéléé' Allah.

MATIUS 24:5

Pinaa' kelunan éh juk tuai lem ngaran Ké' éh bara' ka', Akeu' néh éh Kristus, ha' réh. Neu' ha' réh pané kenat inah réh ngelavo' kuraa'-kuraa' kelunan.

MATIUS 7:15

Ha' Yésus kepéh, Jian keh mavaa' jian-jian tong kelunan éh bara' irah ke' nabi Tuhan bang ha' réh kenyo. Pu'un réh tuai barei'-okoo' domba, bang kenin réh mu'un barei' tepun éh luvaa'.

MARKUS 13:22

Adang pu'un kuraa'-kuraa' kelunan tuai éh bara' réh Kristus, bang bé' éh Kristus. Kenat péh tong kelunan éh bara' ha' Tuhan, adang pu'un kuraa'-kuraa' usah réh éh bara' réh tuai sohoo' Tuhan ke' réh nebaraa' kelunan, bang bé' éh sohoo' Tuhan kenat. Kenat péh omok réh maneu' kuraa' telana' éh ja'au éh ngebéé kenin kelunan ke' sadat lavo' awah, hun néh omok pah avéé' kelunan éh kevéléé' Tuhan péh juk kelavo' réh.

LUKAS 12:9

Kenat péh kelunan séé'-séé' éh ngaken bara' tong kekat kelunan, bé' iah ngelan tong Akeu', boh Akeu' ngaken iah tong jumen meliket Allah kepéh.

LUKAS 21:8

Ka' ha' Yésus kepéh, Jian keh seruh jian-jian dai kelunan petawang keh, uban pinaa' kelunan éh pu'un tuai dalem ngaran Ké' éh bara' ka', Akeu' néh Tuhan, ngan ka' ha' réh kepéh, Jaka' néh lepah avéé', ha' réh. Bang hun réh pu'un pané kenat, mai keh kivu réh.

LUKAS 6:26

Tusah mu'un ngan ka'ah hun kelunan ngajung keh, uban kenat péh tepun réh sahau ngajung irah nabi éh kenyo ha' Yésus.

SURAT PAULUS NGAN SIDANG RUM 16:18

Uban bé' réh maneu' kereja' Kristus éh Tuhan uleu', bang irah maneu' kekat éh omok ngejian kenin réh tong kemagat réh éh sa'at. La'ah neu' ha' réh éh méé ngan jian, inah irah ngelavo' kelunan éh bé' malai.

1 KORINTUS 11:19

Adang néh tekep jelua' jin belah ka'ah pu'un tengéé' kenin dokoo' pepoléng séé' kelunan éh tigéh.

1 KORINTUS 6:20

Pu'un Iah melih ka'ah palaa' éh ma'an. Uban néh kenat tekep ka'ah peparen Allah dalem usah keh.

1 KORINTUS 7:23

Pu'un Allah melih keh palaa' éh ma'an, hun néh kenat mai keh keripen kelunan.

GALATIA 2:4

Na' péh pu'un jelua' keloo' éh kenat, irah inah kelunan éh selim masek ngan améé' ngan ngelayoo' awah pepadéé' dalem Tuhan, irah pu'un tuai dokoo' réh omok ngedalem uban ineu' améé' bé' pu'un kivu kekat-kekat adet réh, ngan naneu' ineu' améé' pu'un pemung ngan Kristus. Irah maneu' kenat ke' réh juk ngeripen mé' tong adet réh kepéh.

GALATIA 3:13

La'ah Kristus lepah ngelepu uleu' jin ukum inah, uban kelunan bé' omok kivu kekat ha' ngan sohoo' lem Surat Musa. Jalan Kristus ngelepu uleu', Iah tagong ukum uleu', usah Néh tengéé' kenukum Tuhan ngeliwah uleu'. Uban pu'un jah ha' lem Surat Allah bara' ka', siget-siget kelunan éh matai tong kayeu' salib pu'un éh kenukum Tuhan, ha' Néh.

GALATIA 4:17

Gahang mu'un irah éh jah ngajung ka'ah, bé' éh uban réh keloo' maneu' jian, bang uban irah keloo' petengéé' keh jin akeu' dokoo' ka'ah omok ngajung irah kepéh.

GALATIA 5:20

Pu'un réh maneu' butun ngan ngelimu', pepaneu' péh, tengéé' kenin ngan sa'at kenin ngan kelunan éh jah, pepihet, merek ngan bau-bau kenin. Pu'un réh petengéé' usah réh jin kelunan éh jah,

ÉPESUS 1:7

Uban neu' dahaa' Kristus, uleu' pu'un pelepu, inah éh, penyala' lu' pu'un pega'. Iah maneu' kenat uban ja'au mu'un penika Allah ngan lu', pelapah ja'au jin éh omok benara' lu'.

ÉPESUS 4:14

Hun lu' pu'un kenat bé' lu' barei' anak éh bé' jam seruh, bé' lu' duah kenin keteu'-ketai barei' lipak, ngan bé' lu' palit neu' kekat kepu, inah éh ha' tebaraa' éh benara' kelunan éh ngelavo' irah éh jah ke' néh petawang réh neu' aken kenin néh éh kenyo.

PILIPI 3:19

Kelunan éh kenat adang réh pu'un tai tong luten meraka, uban pengeja'au réh inah éh kekat pengagat éh sa'at lem usah réh. Bau kenin réh tong kekat éh tekep réh menyaa', ngan irah seruh tong kekat éh pu'un jin tana' iteu' awah.

KOLOSÉ 2:18

Mai keh kejeraa' usah keh kelavo' kelunan éh ngelayoo' diva' kenin ngan éh seva' meliket. Uban kelunan éh kenat bau kenin réh uban penyeruh réh jin tana' iteu' awah, Kenat péh irah ngajung usah réh uban réh na'at Kuraa'-kuraa' éh ta'an réh.

KOLOSÉ 2:8

Mavaa' keh jian-jian dai kelunan mejeu keh neu' kuraa'-kuraa' arong ha' tebaraa' éh sala', éh kenyo ngan ngelavo' keh awah. Tebaraa' inah bé' éh jin Kristus bang jin kenin kelunan awah kenat péh tebaraa' inah jin pengejam utek néh awah, bé' éh jin penyukat Tuhan.

1 TIMOTIUS 5:8

Hun séé'-séé' éh bé' jam petubo lua' néh, makin péh irah éh panak néh mu'un, kelunan inah seleket kelunan éh bé' ngelan tong Tuhan, iah pelapah sa'at jin kelunan éh pohoo' bé' ngelan.

2 TIMOTIUS 4:3

Uban pu'un sioo' kepéh temurei' hun kelunan bé' keloo' menéng ha' tebaraa' éh teneng, adang irah keloo' kivu kenin réh tengéé' ngan pepit pinaa' guru kepéh éh pu'un bara' tong kekat éh keneloo' réh menéng awah.

TITUS 1:11

Mai ke' kejeraa' réh pané, uban pu'un réh petusah kenin kuraa'-kuraa' kelunan neu' réh bara' tong éh bé' tekep. Pu'un réh maneu' kenat uban réh juk alaa' rigit awah.

TITUS 3:10

Tong kelunan éh mihin irah éh jah tengéé' kenin, jian ke' pané ngan néh duah koléé' meta' éh maneu' kenat, la'o inah mai ngebakéh éh.

IBRANI 10:29

Hun néh kenat tong irah inah, makin péh tong kelunan éh bet Anak Tuhan, éh seruh dahaa' Yésus barei' dahaa' kelunan awah, ngan bé' makat éh dahaa' éh jalan Allah maneu' jajii' maréng ngan réh, inah éh ngesa'at Sahéé' Ni'ai éh pika iah.

1 PÉTERUS 1:8

Ka'ah pika Iah na' péh ka'ah bé' jak na'at Iah. Pu'un keh ngelan tong Néh na' péh hun iteu' ka'ah bé' na'at Iah. Uban kenat kemurung keh inah matek Ja'au, maren ngan bé' omok benara'.

2 PÉTERUS 2:3

Irah kelunan éh ngelavo' nah, magat juk alaa' mekum, kenat jalan réh alaa' rigit jin kelunan éh kivu réh uban réh nebaraa' réh tong kuraa'-kuraa' ha' tebaraa' éh sala', tebaraa' éh neu' irah ke' tengéé'. Lebéé' tenéh Allah pu'un bara' tong ukum éh juk teneng tong réh, bé' Tuhan telalau kenin adang Tuhan pu'un ngukum réh mu'un.

1 YOHANES 2:26

Pu'un ku' nyurat kenat ngan keh bara' tong irah éh juk ngelavo' keh.

1 YOHANES 4:1

O kekat padéé' ké' éh kemurung ké', mai keh ulak ngelan ha' kelunan éh bara' iah pu'un Sahéé' Ni'ai, jian keh ngelenaa' réh dokoo' keh omok jam éh hun sahéé' inah pu'un jin Allah ngan hun néh bé' péh. Uban pinaa' kelunan éh ngelavo' lepah tai semah-semah péh.

YUDAS 1:18

Ka' ha' réh rai de', Sioo' tai ga' dau pu'un kuraa'-kuraa' kelunan tuai ngan mala' peja' keh. Irah inah kelunan éh kivu kekat pengagat penyala'.

YUDAS 1:4

Pu'un kuraa'-kuraa' kelunan éh bé' ngelan tong Tuhan lepah masek belah lu' ngan bé' kenejam lu'. Irah ngepaléu ha' tebaraa' tong penika Allah lu', ke' réh omok maneu' barék réh éh sa'at. Irah bé' ngelan Yésus Kristus, Iah awah éh pu'un penyukat ngan éh Tuhan lu'. Jin sahau tenéh Ha' lem Surat Allah bara' tong ukum éh juk teneng tong kelunan éh maneu' kenat.

ÉH POLÉNG 13:14

Allah kejeraa', ka'an éh keruwah iteu' dokoo' maneu' kuraa'-kuraa' telana' tong jumen ka'an éh bu'un. Palaa' kekat telana' inah, ka'an éh keruwah iteu' ngelavo' kekat kelunan éh murip tong tana' ngan nyohoo' réh maneu' butun dokoo' seva' ka'an éh bu'un éh lepah suhat neu' po'é, bang to ke' murip.

ÉH POLÉNG 2:13

Kejam Ké' retek ko' mokoo', inah éh retek Sitan pengeja'au. Pu'un ke' tigéh tong Akeu'. Ka'ah bé' bet pengelan keh tong Akeu'. Sioo' Antipas kelunan éh tigéh perengah tong Akeu' pu'un penatai réh tong retek Sitan mokoo' nah.

ÉH POLÉNG 2:9

Akeu' jam kekat penusah ko', Akeu' jam ke' pu'un kari, bang éh mu'un néh ka'au' kaya'. Akeu' jam kekat ha' sa'at éh jalan irah Yahudi pesala' ke'. Irah bara' réh pohoo' Yahudi, bang bé' réh pohoo' Yahudi mu'un, pu'un réh lem kamit Sitan.

ÉH POLÉNG 3:8

Akeu' jam kekat penganeu' ko', Akeu' jam ka'au' pu'un penyukat éh si'ik awah, ngan Akeu' jam ka'au' pu'un kivu ha' tebaraa' Ké' ngan tigéh kivu Akeu'. Pu'un Ku' mukap jah tapé ngan ko' éh bé' omok tenutup séé'-séé' péh.

ÉH POLÉNG 5:9

La'ah irah nyanyi, jah nyanyi éh maréng, ka' ha' réh. Ka'au' éh tekep alaa' len surat inah ngan mega' tada' tong néh. Uban Ka'au' éh penatai réh, ngan neu' dahaa' Ko', pu'un Ke' melih kelunan jin siget pohoo', siget arong ha', siget leboo' ngan siget arong kelunan béé dokoo' réh omok anah Allah.

ÉH POLÉNG 6:10

Pu'un réh pané ngan ja'au ha', ka' ha' réh, O Tuhan éh pelapah ja'au penyukat jin ineu'-ineu' péh, éh ni'ai ngan éh teneng, kineu' kelebéé' la'ah da' boh Ke' petuneng kelunan tong tana' ngan ngukum réh uban réh pu'un mematai améé', ha' réh.