2 PÉTERUS 1:9 - Rengah Jian

⁹ Bang séé'-séé' éh bé' pu'un kekat barék éh jian inah, kelunan inah barei' kelunan éh pu'un siik awah ta'an ngan iah ngelepan iah lepah nohéé' jin penyala' néh éh lepah.

2 PÉTERUS 1:9 Iomraidhean Croise

MARKUS 10:21

Yésus kepuh lakei' inah, Iah pika éh, boh Éh bara' ngan néh kepéh, ka' ha' Néh, Jah awah éh pengekurang ko', inah éh, jian ke' tai melih kekat livah ko', ngan mena' belih néh ngan kelunan kari, boh ke' pu'un pengekaya' tong seruga. La'o inah tuai ke' kivu Akeu', ha' Néh.

LUKAS 18:22

Hun Yésus menéng ha' néh pané kenat, boh éh bara' ngan néh kepéh, Jah awah la'ah éh tekep ke' maneu', jian ke' melih kekat livah éh anah ko' ngan mena' kekat rigit éh nalaa' ko' tong néh ngan kelunan kari, boh ke' pu'un pengekaya' tong seruga, la'o inah jian ke' tuai kivu Akeu', ha' Yésus ngan néh.

SURAT PAULUS NGAN SIDANG RUM 6:11

Kenat péh ka'ah éh lepah matai tong penyala', jian keh nesen usah keh seleket matai tong kekat penyukat penyala', ngan murip kepéh hun iteu' ngan Allah uban keh pu'un pemung dalem Kristus Yésus.

GALATIA 5:13

O kekat padéé' ké', ka'ah pu'un tenebai Tuhan dokoo' keh omok pelepu jin kekat ukum tong adet kelunan. Bang mai keh seruh, pelepu mé' hun iteu' bé' pu'un ukum kepéh, omok mé' kivu kenin mé' tengéé' tong kekat pengagat usah mé'. Bé' éh kenat. Bang neu' penika keh ngan Tuhan jian keh nolong ngan petolong pesiget usah keh béé.

GALATIA 5:6

Uban hun lu' pu'un petem lem Kristus Yésus, pesunat ngan bé' pesunat péh, bé' éh ineu', bang inah awah éh pu'un gunah, pengelan lu' tong Yésus éh pu'un neu' penika Néh.

ÉPESUS 5:26

Iah maneu' kenat ke' Néh mena' sidang Néh ngan Allah, ke' Néh omok ngeni'ai éh neu' ha' tebaraa' Néh ngan neu' baa'

TITUS 2:14

Pu'un éh mena' urip Néh ngeliwah uleu', dokoo' Néh ngelepu lu' jin kekat arong kesa'at, mohéé uleu' ngan maneu' uleu' anah nah awah, kenat péh mihin uleu' mekat maneu' jian.

IBRANI 9:14

Hun néh kenat tong dahaa' ka'an awah, makin péh tong dahaa' Kristus mu'un, uban neu' Sahéé' Néh éh pelinguh, Iah mena' usah Néh ke' Néh matai dokoo' kelunan omok tavin Tuhan, barei' ka'an éh penatai réh tong sebayang Yahudi. Tong pengena' Kristus hun Néh matai tong kayeu' salib, sukup mu'un éh. Dahaa' Néh pu'un penyukat mohéé' kenin lu' jin kekat penganeu' éh bé' omok purip lu', kelu' omok kivu Allah éh murip ngan ngepayoo' kenin Néh.

1 PÉTERUS 3:21

Labuu inah tapan tong baa' éh jalan kelunan ngebatis keh éh purip keh hun iteu'. Pengebatis inah bé' éh mohéé' nong jin usah keh bang neu' kekat éh kenakun keh ngan Allah jin kenin keh mu'un éh jian. Pengebatis iteu' purip keh uban Yésus Kristus lepah betéé' jin pematai ngan lepah moléé' tai seruga. Hun iteu' Iah saa' na'au' Allah ngan pengeja'au kekat meliket, ngan kekat éh pu'un penyukat ngan éh ja'au tong seruga,

1 YOHANES 1:7

Bang hun uleu' murip dalem rema, pekua' Allah pu'un dalem rema, adang uleu' béé pu'un Pekua' kenin, ngan dahaa' Yésus Anak Néh, mohéé' uleu jin kekat penyala'.

ÉH POLÉNG 3:17

Ka'ah bara' améé' kaya' lepah alaa' kekat éh omok mihin mé' omok kaya', améé' bé' pu'un pengekurang ineu'-ineu' péh. Bang bé' ka'ah jam keh matek kari mu'un ngan bé' pu'un séé'-séé' éh jam pika keh! Ka'ah kari ugai ngan peseu'.