2 PÉTERUS 1:8 - Rengah Jian

⁸ Kekat barék inah éh tekep pu'un ngan keh hun keh alaa' éh ngan kivu éh mu'un, adang urip keh pu'un gunah ngan ka'ah pepit kepéh jam tong Yésus Kristus Tuhan lu' ngan jian.

2 PÉTERUS 1:8 Iomraidhean Croise

MATIUS 13:22

Sin tong lo'ong éh pelohoo' lem suha', inah éh barei' kelunan éh menéng rengah nah, bang neu' réh kawa' neu' urip réh tong tana', ngan neu' réh pitah pengekaya', inah éh maneu' rengah inah ngerising lem kenin réh, bé' réh omok ngebuaa'.

MATIUS 20:3

Avéé' musit pétéé' tai éh kepéh lakau tong jalan pebelih, sinah éh na'at kuraa' kelunan nekedéng awah bé' pu'un maneu' ineu'-ineu'.

MATIUS 20:6

Dau tahup tai éh kepéh tong jalan pebelih, iah na'at kuraa' kelunan to nekedéng sinah. Ka' ha' néh ngan réh, Ineu' neu' keh, ha' néh,

MATIUS 25:26

Ka' ha' pengeja'au néh mipa éh, Sa'at ka'au', leko ke' kereja'. Pu'un ke' seruh akeu' alaa' buaa' jin térék éh bé' tenérék ké' ngan éh bé' nulah ké',

YOHANES 15:2

Kekat paka' néh éh bé' ngebuaa', nebet Néh awah éh, ngan kekat paka' éh ngebuaa', netoo' néh éh ke' néh omok jian urip ngan ngebuaa' kepéh.

YOHANES 17:3

La'ah urip éh pelinguh, inah éh, hun kelunan jam jah Ka'au awah néh Allah éh mu'un, ngan hun réh jam Yésus Kristus éh senohoo' Ko' tuai nah.

YOHANES 5:42

Bang Akeu' jam adang ka'ah keloo' kenajung kelunan awah, ngan bé' keh murung Allah.

SURAT PAULUS NGAN SIDANG RUM 12:11

Mai keh leko kereja', kereja' mu'un keh. Jian keh maneu' kereja' Tuhan ngan kekat kenin keh.

1 KORINTUS 15:58

O kekat padéé' éh penika ké', uban néh kenat jian keh petem reken, mai kejeraa' ineu'-ineu' ngelemoo' keh. Jian keh ngelayau mekat maneu' kereja' Tuhan, uban ka'ah jam kekat kereja' keh ngan Tuhan pu'un gunah mu'un.

2 KORINTUS 13:5

Jian keh seruh mu'un tong kekat barék keh dokoo' keh jam hun keh pu'un murip pekua' urip kelunan éh ngelan ngan hun néh bé' péh. Kineu', bé' keh jam Yésus Kristus pu'un dalem ka'ah, inah éh hun keh kelunan éh ngelan Tuhan mu'un.

2 KORINTUS 8:2

Pinaa' arong penusah réh, penusah inah tupat kenin réh tong pengelan réh tong Tuhan, bang kemurung réh pelapah ja'au jin kekat arong penusah réh inah. La'ah livah ineu' éh pu'un ngan réh, irah mena' éh ngan Tuhan. Na' péh réh pu'un kari, pelapah ja'au kepéh pengena' réh ngan Tuhan jin pengekari réh.

2 KORINTUS 8:7

Ka'ah kaya' tong kekat-kekat éh pu'un tong ka'ah, inah éh lem pengelan keh tong Tuhan ngan ha' tebaraa' keh ngan pengejam keh, ngan tong kemekat keh nolong irah éh jah péh, kenat péh tong penika keh ngan améé'. Uban keh pu'un barei' kaya' lem kekat inah, kenat péh améé' keloo' ka'ah barei' kaya' kepéh lem kereja' keh mena' ngan Tuhan uban keh pika Iah.

2 KORINTUS 9:14

La'ah adang réh pu'un sebayang ka'ah ngan murung keh mu'un uban penika Allah ngan keh éh pelapah ja'au jin ineu'-ineu' éh omok kejam lu'.

PILIPI 1:9

Akeu' sebayang dokoo' penika keh ngan Allah ngan kelunan omok pepit, pemung ngan pengejam keh tong kekat éh teneng, pah avéé' keh jam seruh mu'un,

PILIPI 2:5

Jian keh pu'un kenin pekua' kenin Kristus Yésus.

PILIPI 3:8

Bé' makat kekat inah awah, bang kekat ineu'-ineu' péh kepéh akeu' bara' éh pekua' moo' awah hun ké' pepata éh tong kekat éh jian, inah éh tong pengejam ké' tong Kristus Yésus éh pengeja'au ké'. Uban neu' pengelan ké' tong Kristus, akeu' lepah bet kekat inah, kekat inah seleket moo' awah éh tong jumen ké', dokoo' ké' omok alaa' Kristus anah ké' mu'un,

KOLOSÉ 1:10

Boh keh omok murip barei' Tuhan keloo' keh murip, ngan ngelayau ngepayoo' kenin Néh. Pinaa' buaa' keh kepéh éh neu' kuraa'-kuraa' kereja' keh éh jian, ngan pu'un keh pepit dalem pengejam keh tong Allah.

KOLOSÉ 2:7

Jian keh pu'un reken mu'un dalem Iah barei' lakat éh masek dilem mu'un lem tana'. Jian keh mejek lihei' keh tong Kristus, dokoo' keh pelapah gahang kepéh ngan reken mu'un dalem pengelan keh, barei' ha' réh ngan keh rai. Jian keh murung kenin ngan ngelayau jam seruh tong kekat pengena' ngan pengasi Tuhan ngan keh, ngan bara' jian kenin ngan Néh kepéh.

KOLOSÉ 3:16

Jian kekat tebaraa' Kristus dalem kekat kejian néh pu'un petem dalem kenin keh. Jian keh kua' petebaraa' ngan petesen siget-siget usah pah terah kekat pengejam keh. Jian keh nyanyi ha' nyanyi jin surat Masmur, nyanyi mejing Tuhan, ngan nyanyi éh ni'ai. Nyanyi mejing Tuhan Allah, bara' jian kenin keh ngan Néh.

1 TESALONIKA 3:12

La'ah jian Tuhan maneu' ka'ah pepit-pepit dalem penika keh belah ka'ah ke', kenat péh ngan kekat irah éh jah péh, pah avéé' keh jam pika mu'un barei' penika améé' tong ka'ah nah.

1 TESALONIKA 4:1

O kekat padéé' ké', ha' ké' kepéh ngan keh, pu'un mé' lepah bara' tong barék éh tekep kenivu keh, jalan keh omok ngepayoo' kenin Allah barei' éh neu' keh hun iteu' nah. La'ah hun iteu' dalem ngaran Tuhan Yésus améé' nyohoo' keh pepit-pepit jian kepéh.

2 TESALONIKA 1:3

O kekat padéé' ké', tekep améé' ngelayau bara' jian kenin ngan Allah uban pengelan keh tong Kristus pu'un éh pepit-pepit, ngan penika keh ngan pesiget-siget ka'ah ke' pu'un éh pepit mu'un.

1 TIMOTIUS 5:13

La'ah ngan pepit-pepit leko kereja' ngan tai kasau-kasau tong lamin kelunan éh jah awah, bang bé' makat kenat awah, inah réh tosok kekat rengah éh bé' tekep ngan pekelakau ha' sa'at éh bé' tekep ngan réh, ngan kasau kenin ngan kereja' kelunan éh jah.

TITUS 3:14

Jian irah éh ngelan, pekalai maneu' jian ngan pesukup ineu'-ineu' pengekurang kelunan, mai réh murip ngan bé' jam seruh.

PILEMON 1:6

Akeu' sebayang dokoo' neu' lu' pu'un pekua' kenin lem pengelan lu' tong Kristus, ka'au' omok pepit dalem kekat pengejam ko' tong kekat pengejian éh anah uleu' neu' urip lu' lem Kristus.

IBRANI 6:12

Bé' mé' keloo' keh barei' kelunan éh leko. Jian keh murip barei' kelunan éh lepah alaa' ineu' éh pejajii' Allah uban réh ngelan tong Néh ngan kebit kenin.

2 PÉTERUS 1:2

Uban keh jam Allah ngan Yésus éh Tuhan lu', jian kekat kemurung Allah ngan pengepawah Néh pepit dalem kenin keh kepéh.

2 PÉTERUS 1:3

Naneu' penyukat Néh éh nena' Allah ngan lu' pu'un Iah mena' kekat éh tekep tong urip uleu' éh ni'ai, dokoo' urip lu' omok jian barei' éh tekep ngan kelunan éh ngelan Tuhan. Uleu' omok murip jian kenat neu' pengejam lu' tong Allah éh tebai lu' tai pemung ngan Néh dalem kekat pengaren ngan pengejian Néh.

2 PÉTERUS 2:20

Kelunan éh jam Tuhan ngan Éh purip lu' Yésus Kristus, lepah pelepu jin penyukat tana' iteu' éh ngesegit kelunan. Bang hun jin la'o inah irah keripen kepéh ngan sopéé' neu' kekat penyukat inah, urip réh pelapah sa'at kepéh jin hun réh bé' jak jam Kristus.

2 PÉTERUS 3:18

Tekep ka'ah pepit lem penika Yésus Kristus. Tuhan ngan Éh purip lu' ngan tekep ka'ah péh pepit kepéh jam tong Iah. Jian uleu' mejing ngan peparen Kristus, hun iteu' ngan kelebéé'-lebéé' néh. Amin.