2 PÉTERUS 1:7 - Rengah Jian

⁷ Ka'ah tekep murung tong padéé' keh dalem Tuhan ngan pika tong kekat kelunan béé.

2 PÉTERUS 1:7 Iomraidhean Croise

SURAT PAULUS NGAN SIDANG RUM 12:10

Jian keh pika kekat padéé' keh dalem Kristus, jian keh pata ngerera'.

GALATIA 6:10

Uban néh kenat siget koléé' hun lu' na'at kelunan lem penusah néh, tekep lu' nolong réh, makin péh ngan kekat padéé' lu' éh ngelan tong Tuhan.

KOLOSÉ 3:14

La'ah pemung ngan kekat inah jian keh pepit penika keh kepéh, uban penika nah, inah jalan omok memikah keh pemung.

1 TESALONIKA 3:12

La'ah jian Tuhan maneu' ka'ah pepit-pepit dalem penika keh belah ka'ah ke', kenat péh ngan kekat irah éh jah péh, pah avéé' keh jam pika mu'un barei' penika améé' tong ka'ah nah.

1 TESALONIKA 5:15

Mai pu'un jah usah péh nyulei' kesa'at ngan kesa'at, bang jian keh ngelayau pekua' maneu' jian ngan nolong kekat kelunan.

IBRANI 13:1

Barei' keh pu'un pika pepika, jian keh petem maneu' kenat barei' éh tekep ngan kelunan éh pepadéé' dalem Tuhan.

1 PÉTERUS 1:22

Uban ka'ah kivu ha' tebaraa' éh teneng jin Allah, ka'ah pu'un ni'ai ngan ka'ah murung padéé' keh dalem Tuhan ngan semu'un kenin. Uban kenat jian keh kua' pepika ngan kekat kenin keh.

1 PÉTERUS 2:17

Jian keh ngerera' tong kekat kelunan béé murung tong kekat padéé' keh dalem Tuhan, Jian keh medai tong Allah ngan ngerera' tong raja'.

1 PÉTERUS 3:8

Inah éh ga' ha' ké', jian kekat ka'ah béé jah awah ha' ngan jah awah penyeruh. Jian keh pekua' pepika barei irah éh pepadéé' mu'un. Ngan jian keh pekua' tolong, petolong belah ka'ah ke' ngan diva kenin.

1 YOHANES 3:14

Uleu' jam uleu' murip ngan lepah piso jin jalan éh mihin lu' matai. Uban lu' pika kekat padéé' lu'. Séé-séé éh bé' pika padéé néh, to de' ke' éh tong jalan éh mihin éh matai.

1 YOHANES 3:16

Inah jalan lu' jam kenin lu' omok pika kelunan éh jah Kristus lepah mena' urip Néh ngeliwah uleu'. Uban néh kenat uleu' tekep mena' urip lu' dokoo' pika kekat padéé' lu'.

1 YOHANES 4:21

Iteu' ha' sohoo' éh nena' Kristus ngan lu', hun séé-séé éh pika Allah tekep éh pika padéé' néh kepéh.