2 PÉTERUS 1:6 - Rengah Jian

⁶ Kenat kepéh ka'ah tekep mihau usah keh ngeretep kenin tovoo' keh teneng tong ineu'-ineu' péh ngan ka'ah tekep murip ni'ai.

2 PÉTERUS 1:6 Iomraidhean Croise

LUKAS 21:19

Jian keh ngereken kenin keh, boh keh omok alaa' urip pelinguh, ha' Néh.

LUKAS 8:15

Tulin éh pelohoo' tong tana' jian nah, inah éh kelunan éh lepah menéng ha' tebaraa' Tuhan ngan mihau éh mu'un lem kenin réh ngan kivu éh kepéh, pah avéé' réh ngebuaa' kepéh, ha' Yésus ngan réh.

PENGANEU' LAWAH 24:25

Bang tovoo' Paulus bara' tong kekat barék éh jian, ngan tong mavaa' kenin, ngan tong dau Tuhan juk ngukum kelunan, medai Peliks, boh éh bara' ngan Paulus, ka' ha' néh, Ma'o lah ke' pané hun iteu', moléé' ke', hun mah ku' juk tebai ke' kepéh, boh ku' tebai ke', ha' néh.

SURAT PAULUS NGAN SIDANG RUM 15:4

La'ah kekat ha' lem surat Allah pu'un éh senurat dokoo' nebaraa' uleu', dokoo' uleu' omok ngelan ngan alaa' kebit kenin ngan alaa' pengepapung kenin neu' ha' tebaraa' inah.

SURAT PAULUS NGAN SIDANG RUM 2:7

Irah kelunan éh ngelayau maneu' jian, éh pitah jalan ke' réh omok pemung ngan Allah ngan mejing Éh, ngan ngajung Éh ngan éh pitah urip éh pelinguh, ngan kelunan éh kenat, adang Allah mena' urip pelinguh ngan réh.

SURAT PAULUS NGAN SIDANG RUM 8:25

Na' péh bé' pu'un ineu'-ineu' éh ta'an lu' hun iteu', ngan kebit kenin lu' mena pah avéé' dau lu' omok tai pemung ngan Tuhan.

1 KORINTUS 9:25

La'ah siget-siget kelunan éh juk pekelawan, adang iah mihau usah néh dalem kekat éh naneu' néh, iah maneu' kenat uban néh juk menang ngan alaa' jah tapong, tapong éh omok melayeu' awah. Bang uleu' kepéh mihau kenin lu' dokoo' lu' omok alaa' jah tapong éh bé' omok melayeu' kepéh.

2 KORINTUS 6:4

Bang pu'un mé' maneu' kekat kereja' mé' barei' éh tekep ngan kelunan éh sohoo' Tuhan, pu'un mé' ngeretep lem penusah ngan kekat pengeketa, kenat péh hun mé' besau, pu'un mé' ngeretep ngan kebit kenin.

GALATIA 5:23

diva' kenin, jam mihau kenin. La'ah bé' pu'un séé' éh meta' éh kenat.

KOLOSÉ 1:11

Jian ka'ah gahang neu' kekat pengegahang Néh éh jin penyukat Néh éh ja'au mu'un, dokoo' keh omok ngeretep ngan kebit kenin tong ineu'-ineu' éh teneng tong ka'ah.

1 TESALONIKA 1:3

Hun mah améé' sebayang tong jumen Allah éh Tamen lu', ngelayau améé' seruh tong kekat kereja' keh ngan pengelan keh tong Tuhan, ngan tong keh kereja' muruh naneu' penika keh ngan Tuhan, ngan tong keh ngelan mu'un adang Tuhan Yésus Kristus juk tuai kepéh.

2 TESALONIKA 1:4

Inah éh maneu' améé' ngajung ka'ah dalem kekat sidang Allah éh jah péh. Améé' ngajung keh uban keh reken kenin ngan ngelan tong Kristus dalem kekat pengeketa ngan penusah éh pu'un tong keh.

2 TESALONIKA 3:5

La'ah jian Tuhan mukap kenin keh dokoo' keh omok jam mu'un tong penika Allah ngan keh ngan tong pengebit kenin Kristus.

1 TIMOTIUS 2:10

Jian réh pekerayung usah réh palaa' kekat penganeu' éh jian éh nolong kelunan éh jah, inah barék éh tekep ngan redo éh ngelan ngan kivu Tuhan.

1 TIMOTIUS 2:2

Ngan irah raja' kenat péh irah éh pu'un penyukat. Sebayang ngan Allah dokoo' uleu' omok murip ngida ngan pawah. Uleu' tekep seva' Allah ngan Jian tipan ngan kekat kelunan.

1 TIMOTIUS 3:16

Adang sebayang lu' pu'un barei' pelim ngan irah éh bé' jam éh, bang jian mu'un éh, ka' éh, Pu'un Tuhan tuai paléu kelunan, Sahéé' Ni'ai pekelenaa' Iah pu'un teneng, pu'un éh ta'an irah meliket. La'ah Iah éh benara' réh tong siget-siget pohoo', Iah éh kepelum kelunan pah tipo tana', Iah éh netéé' Tamen Néh pemung ngan kemaren Néh, moléé' tai seruga.

1 TIMOTIUS 6:11

Bang ka'au' éh kivu pengeloo' Tuhan, jian ke' ngejuu' usah ko' jin kekat éh kenat. Jian ke' ngerakep dokoo' ngelayau maneu' pengeloo' Allah, murip sebayang, ngelayau ngelan tong Kristus, pika padéé lu' éh kua' pengelan, kebit kenin lem pengeketa, ngan dawai kenin.

1 TIMOTIUS 6:3

Jian ke' nebaraa' ngan petena' réh tong kekat ha' ké' iteu'. Séé'-séé' éh bara' ha' tebaraa' éh tengéé' jin inah, éh bé' pekua' ngan ha' tebaraa' Tuhan lu' Yésus Kristus, éh tengéé' jin kekat tebaraa' tong sebayang lu',

1 TIMOTIUS 6:6

Hun lu' petem lem sebayang mu'un, uleu' omok kaya', bang pengekaya' nah, bé' éh jin tana' iteu', inah éh kaya' lem kejian éh jin Tuhan. Kenat péh hun lu' murip jam seruh ngan bé' juk alaa' mekum, bang sukup kenin tong éh pu'un ngan lu' awah.

2 TIMOTIUS 3:5

Pu'un réh barei'-okoo' kivu sebayang bang ngelayoo' awah, bé' réh jam tong penyukat Tuhan. Mai ke' ngebakéh kelunan éh kenat.

TITUS 1:1

Surat iteu' jin akeu' Paulus kelunan sohoo' Allah ngan lawah Yésus Kristus. Pu'un Allah ngevéléé' akeu' dokoo' ké' omok ngereken pengelan kelunan éh anah Allah, ngan mihin réh jam tong ha' tebaraa' éh teneng dalem sebayang mé'.

TITUS 1:8

Tekep éh kelunan éh keloo' alaa' irah sakai tong lamin néh ngan petubo éh ngan jian kenin. Jian éh kelunan éh keloo' tong kekat éh jian, éh jam mavaa' kenin néh, éh teneng dalem kekat penganeu' néh, ngan éh ni'ai kenin ngan éh jam seruh.

TITUS 2:2

Jian ke' nebaraa' irah lakei' éh ja'au urip, ke' réh jam seruh, ngan pu'un barék éh jian ngan jam mihau usah réh, ngan petem lem pengelan réh tong Kristus, ngan jam pika irah éh jah, kebit kenin lem pengeketa.

IBRANI 10:36

Jian keh kebit kenin dokoo' keh omok maneu' pengeloo' Allah, boh keh omok alaa' kekat éh pejajii' Néh.

IBRANI 12:1

La'ah uban pu'un kelunan pinaa' nah éh tutuh lu' éh omok nelana' bara' tong pengelan réh tong Allah, jian uleu' bet kekat éh nebii' lu' éh bahat ngan bet kekat penyala' éh maneu' lu' tekaleu' ngan saveng, dokoo' lu' omok petakéé' nekedeu' mu'un-mu'un mapun éh saa' tenah lu'.

IBRANI 6:12

Bé' mé' keloo' keh barei' kelunan éh leko. Jian keh murip barei' kelunan éh lepah alaa' ineu' éh pejajii' Allah uban réh ngelan tong Néh ngan kebit kenin.

IBRANI 6:15

Abraham kebit kenin. Uban kenat Iah alaa' ineu' éh lepah pejajii' Allah ngan néh.

2 PÉTERUS 1:3

Naneu' penyukat Néh éh nena' Allah ngan lu' pu'un Iah mena' kekat éh tekep tong urip uleu' éh ni'ai, dokoo' urip lu' omok jian barei' éh tekep ngan kelunan éh ngelan Tuhan. Uleu' omok murip jian kenat neu' pengejam lu' tong Allah éh tebai lu' tai pemung ngan Néh dalem kekat pengaren ngan pengejian Néh.

2 PÉTERUS 3:11

Uban kekat inah juk béé kenat, kineu' tok ka'ah dalem urip keh hun iteu'? Adang éh tekep kekat urip keh pu'un ni'ai ngan pu'un lem nihau Allah kelebéé' keh mena tong Dau savéé' Néh.

ÉH POLÉNG 1:9

La'ah akeu' éh padéé' keh Yohanes, ngan barei' ka'ah jam keta pemung ngan Yésus, akeu' péh barei' ka'ah lem kekat pengeketa iteu', pu'un lem nihau Tuhan, ngan ngeretep ngan kebit kenin. Pu'un réh marau akeu' tai Pulau Patmos uban ké' bara' ha' tebaraa' Allah ngan bara' tong kekat éh kejam ké' tong Yésus.

ÉH POLÉNG 13:10

Séé'-séé' éh tekep narau réh, adang iah pu'un narau réh kenat. Séé'-séé' éh tekep penatai réh palaa' po'é adang néh penatai réh kenat. Uban néh kenat irah éh anah Allah tekep ngeretep, kebit kenin ngan tigéh tong Kristus.

ÉH POLÉNG 14:12

Inah maneu' irah éh anah Allah éh tigéh kivu sohoo' Néh ngan tigéh tong Yésus tekep kebit kenin.

ÉH POLÉNG 2:2

Akeu' jam tong kekat penganeu' ko', ngan Akeu' jam tong jalan ko' kereja' muruh mu'un, ngan Akeu' jam ke' pu'un kebit kenin. Ngan Akeu' jam ke' leko mu'un tong kelunan éh maneu' sa'at, ngan pu'un ke' petuneng irah éh ngelayoo' awah lawah Tuhan, bang bé' réh lawah Néh mu'un, ngan kejam ko' irah pané kenyo awah.