2 PÉTERUS 1:4 - Rengah Jian

⁴ Kenat péh Iah mena' kuraa' kuraa' arong jajii' éh matek jian mu'un ngan lu'. Dokoo' lem kekat inah béé ka'ah pu'un kivu barék Allah ngan pelepu jin pengagat éh sa'at éh pu'un tong tana' iteu'.

2 PÉTERUS 1:4 Iomraidhean Croise

SURAT PAULUS NGAN SIDANG RUM 9:4

Uban irah éh kelunan éh kevéléé' Allah, Allah lepah alaa' réh anak Néh mu'un ngan peta'an réh tong pengemaren Néh. Iah mena' jajii' ngan réh kenat péh Iah mena' Surat Musa. Irah jam tong penyebayang éh teneng, ngan réh pu'un alaa' jajii' Allah.

2 KORINTUS 1:20

Uban kekat ha' éh pejajii' Allah pu'un éh kivu éh dalem Yésus Kristus. Kenat péh uleu' omok bara' Amin dalem Yésus Kristus ngan peparen Allah.

2 KORINTUS 3:18

La'ah uleu' béé pepoléng pengaren Tuhan palaa' da'in lu' éh bé' pu'un mekep, uban pengaren inah tuai jin Tuhan, neu' Sahéé' Ni'ai éh ngepaléu uleu' omok pekua' Iah dalem pengaren Néh éh pelapah ja'au.

2 KORINTUS 6:17

Ha' Tuhan kepéh, Uban néh kenat piso keh jin belah kelunan éh bé' ngelan, petengéé' usah keh jin irah, Mai keh keloo' tong ineu'-ineu' éh sa'at, La'ah Akeu' juk alaa' ka'ah.

GALATIA 3:16

La'ah pu'un Allah maneu' jajii' Néh ngan Abraham ngan jah panak néh kepéh. La'ah bé' iah maneu' jajii' ngan kekat panak Abraham, barei' okoo' ngan kelunan pinaa' nah, bang tong jah usah jin panak néh uban ka' ha' Tuhan rai, Jajii' Ké' iteu' pu'un avéé' tong jah usah panak ko', ha' Néh. La'ah panak néh nah, inah éh Kristus.

GALATIA 6:8

Uban kelunan éh mulah kekat barék éh sa'at lem kenin néh, neu' néh kivu pengagat dalem kenin néh éh sa'at, iah majau éh kepéh, ajau néh inah mihin éh matai awah. Kenat péh kelunan éh mulah kekat éh jin Sahéé' lem kenin néh, iah péh majau éh kepéh, ajau néh inah mihin éh alaa' urip pelinguh.

ÉPESUS 4:13

Inah jalan uleu' béé jah awah lem pengelan ngan jam tong Anak Allah, avéé' uleu' béé pu'un sukup kenin jam seruh, inah éh avéé' uleu' béé sukup kenin dalem kekat pengejian Kristus.

KOLOSÉ 3:10

ngan pu'un keh memakai urip éh maréng. Hun iteu' ka'ah pu'un maréng senuai Allah, Iah ngelayau ngepaléu keh maréng dokoo' keh omok murip barei' Iah. Inah jalan keh omok jam Allah mu'un.

IBRANI 12:10

Pu'un Tamen lu' tong tana' petena' ngan memerah lu' kelebéé' lu' bé' jam seruh, dokoo' lu' jam kivu kekat éh jian kunah néh. Bang pu'un Tuhan memerah lu' dokoo' Néh nolong lu' ke' lu' omok ni'ai barei' Iah péh pu'un ni'ai.

IBRANI 9:15

Uban néh kenat inah Kristus maneu' jalan tong jajii' éh maréng ngan uleu' dokoo' kekat kelunan éh tenebai Allah omok alaa' pengejian pelinguh pekua' éh pejajii' Allah. Éh ke' néh omok kenat uban Kristus lepah matai dokoo' ngelepu kelunan jin penyala' éh naneu' réh hun réh kivu jajii' éh bu'un nah keto.

YAKUB 1:27

Kelunan éh ngepayoo' kenin Allah Tamen lu', inah éh kelunan éh kivu Iah mu'un, bé' éh ngelayoo' awah sebayang. Jian réh nolong anak uyau ngan redo baleu' lem kekat penusah réh ngan mihau usah réh jin kekat arong kesa'at tong tana' iteu'.

2 PÉTERUS 1:1

Surat iteu' jin Simon Peterus, kelunan sohoo' éh lawah Yésus Kristus. Surat iteu' nena' ké' ngan kelunan éh ngelan tong Kristus pekua' améé' éh ngelan tong Néh. Yésus Kristus, inah éh Allah éh pepurip lu', maneu' lu' kelu' omok ngelan tong Néh uban Iah éh maneu' kekat éh teneng.

2 PÉTERUS 3:13

Bang uleu' mena ineu' éh lepah pejajii' Allah, Iah inah Langit maréng ngan tana' maréng jalan kekat éh teneng mu'un.

2 PÉTERUS 3:9

La'ah bé' Tuhan tipa' maneu' kekat éh pejajii' Néh, na' péh jelua' kelunan seruh Tuhan tipa' maneu' éh, uban neu' Néh kebit kenin bé' Iah keloo' jah-jah usah péh matai lem penyala' néh, bang Iah keloo' kekat kelunan pekoléé' kenin jin penyala' réh.

1 YOHANES 2:25

La'ah pu'un Kristus jajii' mena' urip pelinguh ngan lu'.

1 YOHANES 3:2

O kekat padéé' éh kemurung ké', hun iteu' uleu' lepah paléu anak Allah, bang pengepaléu lu' kepéh vam, bé' lu' omok jam éh. Bang éh kejam lu' mu'un, inah éh, hun Kristus pu'un tuai kepéh uleu' omok paléu pekua' Iah, hun inah boh lu' na'at Iah ngan lenaa' mu'un.