2 PÉTERUS 1:3 - Rengah Jian

³ Naneu' penyukat Néh éh nena' Allah ngan lu' pu'un Iah mena' kekat éh tekep tong urip uleu' éh ni'ai, dokoo' urip lu' omok jian barei' éh tekep ngan kelunan éh ngelan Tuhan. Uleu' omok murip jian kenat neu' pengejam lu' tong Allah éh tebai lu' tai pemung ngan Néh dalem kekat pengaren ngan pengejian Néh.

2 PÉTERUS 1:3 Iomraidhean Croise

MATIUS 28:18

Tuai Yésus déhéé' réh ke' néh bara' ka', Tamen Ké' pu'un mena' penyukat ngan Ké', kenat péh tong seruga, kenat péh tong tana' iteu'.

SURAT PAULUS NGAN SIDANG RUM 8:32

Uban bé' Tuhan sihun tong Anak Néh, bang Iah mena' éh ke' Néh matai uban Néh ngeliwah kekat uleu'. Anak Néh mu'un éh nena' Néh. Hun néh kenat, adang Iah keloo' mena' ineu'-ineu' éh jah ngan uleu' kepéh éh omok mihin uleu' menang.

SURAT PAULUS NGAN SIDANG RUM 9:24

Uban uleu' éh lepah kevéléé' Néh, bé' éh jin belah pohoo' Yahudi awah, bang jin belah kelunan éh tengéé' pohoo' péh.

1 KORINTUS 1:9

La'ah omok uleu' ngelan Allah, Iah éh Allah éh tebai keh dokoo' keh omok pebakéh ngan Anak Néh Yésus Kristus éh Tuhan lu'.

2 KORINTUS 12:9

bang ka' ha' Néh ngan ké', Penika ké' pu'un éh sukup tong kekat pengelemoo' ko' inah, uban hun ko' lemoo' boh pengegahang ké' pu'un sukup mu'un ngan ko', ha' Néh. Uban néh kenat murung kenin ké' lem kekat pengelemoo' ké', dokoo' penyukat Kristus omok sukup tong akeu'.

ÉPESUS 4:1

La'ah kenat péh jalan akeu' éh pu'un tong lamin tutup uban kereja' ké' ngan Tuhan, akeu' nyohoo' keh jian keh murip ngan barék keh pu'un jian ngan teneng pekua' ha' Tuhan ngan keh hun Néh tebai keh tavin Iah sahau rai.

ÉPESUS 4:4

Uban usah Kristus jah awah, uleu' béé péh seleket usah Néh inah, jah awah Sahéé', barei' jah awah pengelan lu', inah éh, uleu' ngelan omok tai pemung ngan Allah ngan paléu jian, pekua' tenebai Allah ngan keh.

PILIPI 3:8

Bé' makat kekat inah awah, bang kekat ineu'-ineu' péh kepéh akeu' bara' éh pekua' moo' awah hun ké' pepata éh tong kekat éh jian, inah éh tong pengejam ké' tong Kristus Yésus éh pengeja'au ké'. Uban neu' pengelan ké' tong Kristus, akeu' lepah bet kekat inah, kekat inah seleket moo' awah éh tong jumen ké', dokoo' ké' omok alaa' Kristus anah ké' mu'un,

PILIPI 4:8

O kekat padéé' ké', tong pengega' ha' ké', jian keh ngelayau seruh tong kekat-kekat éh teneng ngan éh tekep kenajung kelunan, inah éh, tong kekat éh teneng ngan jian, éh tekep naneu' kelunan. Jian keh seruh tong kekat éh ni'ai, tong kekat éh mihin keh jam pika, ngan éh omok kenajung lu'.

KOLOSÉ 1:16

Uban dalem Iah Allah suai kekat ineu'-ineu' éh tong langit ngan éh tong tana', éh poléng ngan éh bé' poléng, kenat péh kekat meliket ngan ineu'-ineu' kepéh éh pu'un penyukat. La'ah Allah suai kekat tana' ngan langit neu' Anak Néh, dokoo' kekat penyuai Néh inah ngajung Kristus.

1 TESALONIKA 2:12

Pu'un mé' ngegahang kenin keh ngan papung keh, ngan nyohoo' keh murip ngan barék éh payoo' tong jumen Allah éh tebai ka'ah tai lem nihau Néh ngan pengaren Néh.

1 TESALONIKA 4:7

Uban bé' Allah tebai uleu' kelu' maneu' barék éh jelemih, bang Iah tebai lu' tong kekat éh ni'ai.

2 TESALONIKA 2:14

La'ah kenat péh Allah tebai keh neu' Rengah éh Jian éh benara' mé' ngan keh. Iah tebai keh dokoo' keh omok alaa' pengejian Tuhan Yésus Kristus.

1 TIMOTIUS 4:8

Hun lu' tupat pekalai alaa' kegahang usah lu', pu'un gunah néh si'ik awah, bang hun lu' pekalai alaa' kegahang dalem kenin lu', boh éh gunah mu'un, uban pu'un gunah néh lem urip lu' hun iteu', kenat péh lem urip lu' kepéh.

2 TIMOTIUS 1:9

Pu'un éh purip uleu' ngan tebai lu' kelu' omok anah Nah mu'un, bé' éh uban ineu'-ineu' éh penganeu' lu', bang kivu pengeloo' Néh ngan penika Néh tengéé'. Iah mena' penika Néh jin bu'un-bu'un dalem Kristus Yésus.

IBRANI 1:3

Pu'un éh pepoléng kekat pengaren ngan pengejian Allah uban Iah péh pekua' ngan Allah. Iah pu'un mihau kekat penyuai Néh tong tana' ngan tong langit palaa' ha' Néh éh pu'un penyukat. La'o Néh maneu' kelunan pelepu jin penyala', Iah menyun tong seruga saa' na'au' Allah Pengeja'au éh matek bau.

1 PÉTERUS 1:15

Bang barei' Allah éh tebai ka'ah pu'un ni'ai, jian ka'ah péh ni'ai dalem kekat ineu'-ineu' penganeu' keh.

1 PÉTERUS 1:5

Kekat pengejian inah anah ka'ah uban keh ngelan tong Allah. Uban kenat ka'ah pu'un nihau neu' penyukat Allah dokoo' ka'ah omok alaa' jalan alaa' urip éh petenup Néh ke' Néh pepoléng éh tovoo' ga' dau.

1 PÉTERUS 2:21

Kenat péh Allah tebai keh, dokoo' keh omok ngeretep ngan kebit kenin lem kekat pengeketa keh, uban Kristus péh lepah keta uban Néh purip keh, ngan Iah bara' jalan ngan keh dokoo' keh omok kivu uban Néh.

1 PÉTERUS 2:9

Bang ka'ah jah pohoo' éh kevéléé' Allah, imam-imam éh mena' urip néh maneu' kereja' Allah, pohoo' éh ni'ai, kelunan éh anah Allah mu'un. Allah ngevéléé' keh dokoo' keh omok perengah penganeu' Néh éh ngebéé kenin kelunan Allah lepah tebai ka'ah musit jin merem dokoo' masek lem rema Néh éh jian mu'un.

1 PÉTERUS 3:9

Mai keh mipa kesa'at ngan kesa'at kenat péh mai keh menoo' hun réh menoo' keh; bang jian keh mipa kesa'at palaa' pengejian éh jin Allah. Ka'ah tekep maneu' kenat uban Allah pu'un pejajii' mena' pengejian, tovoo' Néh tebai keh.

1 PÉTERUS 5:10

Bang La'o keh teneng pengeketa éh metok awah, Allah tengéé' juk maneu' ka'ah sukup mu'un. Iah juk petekedéng keh, ngegahang keh ngan ngereken keh, uban Iah Allah éh matek jian kenin ngan éh lepah tebai ka'ah dokoo' masek lem kemaren Néh éh pelinguh, uban ka'ah murip pemung ngan Kristus.

2 PÉTERUS 1:10

Uban néh kenat o kekat padéé' ké', jian keh mekat pekalai dokoo' pekelenaa', ka'ah éh tenebai Allah ngan éh kevéléé' Néh. Hun keh maneu' kenat, bé' keh peleraa' jin pengelan keh kepéh.

2 PÉTERUS 1:2

Uban keh jam Allah ngan Yésus éh Tuhan lu', jian kekat kemurung Allah ngan pengepawah Néh pepit dalem kenin keh kepéh.

2 PÉTERUS 1:5

Uban néh kenat, jian keh ngerakep dokoo' keh petem ngelan tong Kristus, mihau urip éh jian ngan kepéh jam tong pengeloo' Allah.

2 PÉTERUS 1:6

Kenat kepéh ka'ah tekep mihau usah keh ngeretep kenin tovoo' keh teneng tong ineu'-ineu' péh ngan ka'ah tekep murip ni'ai.

2 PÉTERUS 1:8

Kekat barék inah éh tekep pu'un ngan keh hun keh alaa' éh ngan kivu éh mu'un, adang urip keh pu'un gunah ngan ka'ah pepit kepéh jam tong Yésus Kristus Tuhan lu' ngan jian.

2 PÉTERUS 2:20

Kelunan éh jam Tuhan ngan Éh purip lu' Yésus Kristus, lepah pelepu jin penyukat tana' iteu' éh ngesegit kelunan. Bang hun jin la'o inah irah keripen kepéh ngan sopéé' neu' kekat penyukat inah, urip réh pelapah sa'at kepéh jin hun réh bé' jak jam Kristus.

2 PÉTERUS 3:18

Tekep ka'ah pepit lem penika Yésus Kristus. Tuhan ngan Éh purip lu' ngan tekep ka'ah péh pepit kepéh jam tong Iah. Jian uleu' mejing ngan peparen Kristus, hun iteu' ngan kelebéé'-lebéé' néh. Amin.