2 PÉTERUS 1:2 - Rengah Jian

² Uban keh jam Allah ngan Yésus éh Tuhan lu', jian kekat kemurung Allah ngan pengepawah Néh pepit dalem kenin keh kepéh.

2 PÉTERUS 1:2 Iomraidhean Croise

LUKAS 10:22

Pu'un Tamen Ké' lepah mena' kekat ineu'-ineu' ngan Ké', bé' pu'un séé'-séé' éh jam Akeu' iteu' éh Anak ko', bang ka'au' éh Tamen ké' awah éh jam Akeu'. Kenat péh bé' pu'un séé'-séé' éh jam ka'au' éh Tamen Ké', bang Akeu' éh Anak ko' awah éh jam ka'au', ngan irah éh jah hun Ké' keloo' pepoléng Ke' ngan réh boh réh omok jam ka'au' kepéh, ha' Néh.

YOHANES 17:3

La'ah urip éh pelinguh, inah éh, hun kelunan jam jah Ka'au awah néh Allah éh mu'un, ngan hun réh jam Yésus Kristus éh senohoo' Ko' tuai nah.

SURAT PAULUS NGAN SIDANG RUM 1:7

Kenat péh akeu' nyurat surat iteu' ngan kekat ka'ah éh pu'un tong leboo' Rum éh penika Allah ngan éh tenebai Néh dokoo' ka'ah omok anah nah kepéh. Akeu' sebayang keh dokoo' Allah Tamen uleu' ngan Tuhan Yésus Kristus mena' penika ngan pengepawah ngan keh.

2 KORINTUS 4:6

Uban Allah éh lepah bara', Jian rema ngada jin merem, Iah ke' éh ngada dalem kenin uleu' kepéh, dokoo' Néh mihin lu' tong rema neu' pengejam lu' tong pengaren Allah éh pepoléng Néh ngan lu' neu' Kristus.

PILIPI 3:8

Bé' makat kekat inah awah, bang kekat ineu'-ineu' péh kepéh akeu' bara' éh pekua' moo' awah hun ké' pepata éh tong kekat éh jian, inah éh tong pengejam ké' tong Kristus Yésus éh pengeja'au ké'. Uban neu' pengelan ké' tong Kristus, akeu' lepah bet kekat inah, kekat inah seleket moo' awah éh tong jumen ké', dokoo' ké' omok alaa' Kristus anah ké' mu'un,

1 PÉTERUS 1:2

Dalem kekat pengeloo' Allah éh Tamen uleu', ka'ah pu'un kevéléé' Néh, dokoo' keh omok kelunan éh anah Nah éh ni'ai naneu' Sahéé' Ni'ai, dokoo' ka'ah tigéh tong Yésus Kristus ngan pu'un ni'ai neu' dahaa' Néh. Jian Allah mena' ngan keh pengejian ngan pengepawah ngan mutaa' kepéh.

2 PÉTERUS 1:3

Naneu' penyukat Néh éh nena' Allah ngan lu' pu'un Iah mena' kekat éh tekep tong urip uleu' éh ni'ai, dokoo' urip lu' omok jian barei' éh tekep ngan kelunan éh ngelan Tuhan. Uleu' omok murip jian kenat neu' pengejam lu' tong Allah éh tebai lu' tai pemung ngan Néh dalem kekat pengaren ngan pengejian Néh.

2 PÉTERUS 1:5

Uban néh kenat, jian keh ngerakep dokoo' keh petem ngelan tong Kristus, mihau urip éh jian ngan kepéh jam tong pengeloo' Allah.

2 PÉTERUS 1:8

Kekat barék inah éh tekep pu'un ngan keh hun keh alaa' éh ngan kivu éh mu'un, adang urip keh pu'un gunah ngan ka'ah pepit kepéh jam tong Yésus Kristus Tuhan lu' ngan jian.

2 PÉTERUS 2:20

Kelunan éh jam Tuhan ngan Éh purip lu' Yésus Kristus, lepah pelepu jin penyukat tana' iteu' éh ngesegit kelunan. Bang hun jin la'o inah irah keripen kepéh ngan sopéé' neu' kekat penyukat inah, urip réh pelapah sa'at kepéh jin hun réh bé' jak jam Kristus.

2 PÉTERUS 3:18

Tekep ka'ah pepit lem penika Yésus Kristus. Tuhan ngan Éh purip lu' ngan tekep ka'ah péh pepit kepéh jam tong Iah. Jian uleu' mejing ngan peparen Kristus, hun iteu' ngan kelebéé'-lebéé' néh. Amin.

YUDAS 1:2

Jian Allah mena' pengejian, pengepawah ngan pengasi Néh pah avéé' mutaa' ngan keh.

ÉH POLÉNG 1:4

Akeu' Yohanes maneu' surat iteu' ngan tujuu' sidang éh pu'un tong tana' Asia. Jian penika ngan pengepawah éh jin Allah pu'un ngan keh, inah éh Allah éh pu'un hun iteu' ngan éh lepah pu'un tenéh ngan éh juk tuai kepéh, kenat péh jin tujuu' sahéé' éh pu'un saa' jumen nyun Allah.