2 PÉTERUS 1:16 - Rengah Jian

¹⁶ Uban bé' améé' kivu ha' suket kelunan hun mé' nebaraa' ka'ah tong Tuhan Yésus Kristus éh juk tuai kepéh dalem kekat penyukat Néh. Maten améé' tengéé' pu'un na'at kekat kemaren Néh hun Néh pu'un tong tana' iteu' rai.

2 PÉTERUS 1:16 Iomraidhean Croise

MATIUS 16:27

Uban Anak Kelunan juk tuai lem kekat pengaren Tamen Néh ngan meliket Néh, ngan mena' oléé' siget usah pekua' barei' penganeu' réh tong tana'.

MATIUS 16:28

Akeu' bara' mu'un ngan keh, pu'un kelunan siteu' éh bé' omok matai avéé' néh na'at Anak Kelunan tuai Raja', ha' néh.

MATIUS 17:1

Nem dau la'o inah Yésus mihin Péterus ngan rawah éh pepadéé', Yakub ngan Yohanes tai jah tokong éh bau.

MATIUS 24:27

Uban barei' kelat kela'ap tioo poléng tong langit jin usit maten dau avéé' tai oléé' néh, kenat péh savéé' Anak Kelunan kepéh, ha' néh.

MATIUS 24:3

La'ah hun Yésus mokoo' tengéé' tong tokong Saitun, pu'un irah bakéh néh neteng éh, Kineu' kelebéé' ke' néh pu'un kenat da'? Kineu' jalan mé' omok jam éh jaka' Guru juk tuai kepéh, kineu' jalan mé' omok jam pengega' tana' nah, ha' réh.

MATIUS 28:18

Tuai Yésus déhéé' réh ke' néh bara' ka', Tamen Ké' pu'un mena' penyukat ngan Ké', kenat péh tong seruga, kenat péh tong tana' iteu'.

MARKUS 13:26

Boh Anak Kelunan pu'un avéé' lem jah avun ngan kekat penyukat ngan pengaren Néh kepéh.

MARKUS 14:62

Ka' ha' Yésus, Oo', Akeu' néh éh, ha' Néh, Adang ka'ah pu'un na'at Akeu' mokoo' saa' na'au' Allah kenajung pemung ngan Néh, ngan ka'ah na'at Akeu' hun ké' tuai kepéh lem avun jin seruga, ha' Néh.

LUKAS 1:2

Uban jin bu'un inah pu'un kelunan éh na'at Éh palaa' maten néh mu'un, ngan pu'un réh bara' éh ngan lu' kepéh.

LUKAS 9:43

Béé kenin kekat kelunan pinaa' nah na'at penyukat Allah éh ja'au mu'un. Lem kelunan pinaa' nah béé kenin seruh tong penganeu' Yésus nah, boh Yésus pané ngan irah éh bakéh Néh. Ka' ha' Néh,

YOHANES 1:14

La'ah Ateng ha' inah paléu kelunan, tuai éh mokoo' belah lu' iteu', ngan améé' pu'un na'at pengaren Néh, pengaren Néh inah pu'un éh kenat uban Néh Anak éh jah awah jin Tamen Néh, ngan ja'au mu'un penika Allah, kenat péh kekat ha' Néh pu'un éh teneng mu'un.

YOHANES 17:2

Uban Ka'au maneu' Akeu' pengeja'au kekat kelunan dokoo' Ké' omok mena' urip pelinguh ngan kekat irah éh nena' Ko' ngan Ké'.

SURAT PAULUS NGAN SIDANG RUM 1:4

bang poléng mu'un Iah Anak Allah, uban neu' penyukat éh ja'au, éh penyukat Sahéé' Ni'ai, Allah pebetéé' Éh jin patai Néh.

1 KORINTUS 1:17

Uban Kristus bé' éh nyohoo' akeu' tai ngebatis kelunan bang Iah nyohoo' akeu' tai bara' Rengah Jian ngan réh, ngan bara' éh lenaa' mu'un ngan bé' éh kivu pengejam kenin kelunan dai pematai Kristus tong kayeu' salib seleket bé' pu'un penyukat kepéh.

1 KORINTUS 1:23

Bang pu'un mé' bara' ngan kekat kelunan, Kristus matai tong kayeu' salib. Ha' tebaraa' inah keleko irah Yahudi, ngan irah éh tengéé' pohoo' bara' éh ha' éh palui awah.

1 KORINTUS 1:7

avéé' ka'ah bé' pu'un kurang dalem ineu'-ineu' pengena' Néh kelebéé' keh mena Tuhan Yésus Kristus tuai kepéh.

1 KORINTUS 2:1

La'ah hun ké' tai tavin keh lepah rai dokoo' ké' bara' ha' tebaraa' Allah éh bé' kejam kelunan sahau, bang hun iteu' pu'un éh pepoléng Néh, bé' akeu' pané dalem kuraa'-kuraa' ha' éh ma'an éh bé' omok kejam keh, ngan bé' akeu' pané barei' kelunan éh pinaa' arong pengejam.

1 KORINTUS 2:4

La'ah ha' tosok ké' ngan ha' tebaraa' ké' inah rai, bé' éh barei' ha' tebaraa' kelunan éh jam seruh, éh pinaa' arong pengejam, bang pu'un éh neu' penyukat Sahéé' Allah. Ke' ka'ah omok ngelan.

1 KORINTUS 5:4

Na' péh usah ké' bé' pu'un sinah, dalem kenin ké' akeu' pu'un pemung ngan keh sinah, ngan hun ka'ah petipun, neu' penyukat Tuhan Yésus éh pu'un pemung ngan uleu',

2 KORINTUS 2:17

Bé' mu'un améé' barei' jelua' kelunan éh bara' ha' Tuhan, barei' réh seruh tebaraa' inah bé' pu'un gunah. Irah bara' éh uban réh juk alaa' rigit awah. Bang améé' bara' ha' Tuhan uban Allah éh nyohoo' améé' bara' éh, bé' améé' bara' éh ngelayoo' awah, bang améé' bara' éh ngan kekat kenin mé' mu'un uban mé' kelunan éh sohoo' Kristus.

2 KORINTUS 4:2

Pu'un mé' bet kekat-kekat barék sa'at éh pu'un pelim éh mihin kelunan menyaa', bé' mé' maneu' ineu'-ineu' ngelavo' kelunan, ngan bé' mé' ngepaléu ha' tebaraa' Tuhan. Améé' bara' tong kekat éh teneng ngan lenaa' mu'un, pu'un mé' maneu' kekat kereja' mé' tong jumen Allah, adang kekat kelunan pu'un jam kenat éh neu' mé'.

ÉPESUS 4:14

Hun lu' pu'un kenat bé' lu' barei' anak éh bé' jam seruh, bé' lu' duah kenin keteu'-ketai barei' lipak, ngan bé' lu' palit neu' kekat kepu, inah éh ha' tebaraa' éh benara' kelunan éh ngelavo' irah éh jah ke' néh petawang réh neu' aken kenin néh éh kenyo.

PILIPI 3:21

La'ah usah uleu' éh lemoo' ngan omok matai iteu', omok éh paléu pekua' usah Nah éh maren, naneu' penyukat Néh éh jalan Néh juk mihin ineu'-ineu' lem nihau Néh.

1 TESALONIKA 2:19

Améé' jam ka'ah pu'un tigéh, jian kenin mé' seruh ka'ah, ka'ah éh jalan kenajung mé' tong kemenang mé' hun uleu' pu'un tong jumen Tuhan Yésus sioo' penyavéé' Néh kepéh vam. Ka'ah néh éh, bé' éh kelunan éh jah.

2 TESALONIKA 2:9

La'ah jah kelunan éh sa'at nah, pu'un éh tuai dalem kekat kerenget Sitan, ke' néh omok maneu' kuraa' arong penyuai éh tejeu' éh ngebéé kenin kelunan, ngan maneu' kuraa'-kuraa' telana' bang kekat néh béé sala' awah,

1 TIMOTIUS 1:4

Jian ke' meta' réh mai ke' buhaa' réh bara' kepéh tong ha' tukit awah ngan pané tong ha' tosok tong puku' néh éh mihin kelunan paneu' awah, hun réh maneu' kenat bé' éh nya'ap ngan ngegahang kenin ke' réh kivu Allah éh omok ngereken pengelan lu' tong Iah.

1 TIMOTIUS 4:7

Jian ke' petedau tong ha' tosok kelunan éh bé' pu'un gunah nah. Jian ke' pepit gahang dalem Pengurip sebayang ko'.

TITUS 1:14

ngan bé' pu'un ngamit kekat ha' suket ngan ha' tukit kelunan Yahudi éh bé' keloo' ngelan tong tebaraa' éh teneng.

2 PÉTERUS 2:3

Irah kelunan éh ngelavo' nah, magat juk alaa' mekum, kenat jalan réh alaa' rigit jin kelunan éh kivu réh uban réh nebaraa' réh tong kuraa'-kuraa' ha' tebaraa' éh sala', tebaraa' éh neu' irah ke' tengéé'. Lebéé' tenéh Allah pu'un bara' tong ukum éh juk teneng tong réh, bé' Tuhan telalau kenin adang Tuhan pu'un ngukum réh mu'un.

1 YOHANES 4:14

Pu'un Allah nyohoo' Anak Néh tuai tong tana' iteu' ke' Néh purip kelunan. Améé' tengéé' péh lepah na'at Iah, ngan pu'un mé' bara' éh ngan kelunan éh jah kepéh.

YUDAS 1:14

Henokh jin puku' éh ketujuu' la'o Adam rai. Iah lepah bara' tong irah inah, ka' ha' néh, Na'at, Tuhan tuai pemung ngan kuraa'-kuraa' ibu meliket Néh éh ni'ai.

ÉH POLÉNG 1:7

Na'at keh, pu'un Éh tuai lem avun. Adang kekat kelunan pu'un na'at Éh, pah avéé' irah éh muja' Éh rai péh pu'un na'at Éh. Pinaa' arong kelunan pah tipo tana' besau kenin na'at savéé' Néh. Oo' adang néh pu'un kenat! Amin.