2 PÉTERUS 1:10 - Rengah Jian

¹⁰ Uban néh kenat o kekat padéé' ké', jian keh mekat pekalai dokoo' pekelenaa', ka'ah éh tenebai Allah ngan éh kevéléé' Néh. Hun keh maneu' kenat, bé' keh peleraa' jin pengelan keh kepéh.

2 PÉTERUS 1:10 Iomraidhean Croise

MATIUS 22:14

Ha' Yésus kepéh, Pinaa' kelunan éh tenebai Ké' bang kerat awah éh kevéléé' Ké', ha' néh.

SURAT PAULUS NGAN SIDANG RUM 11:29

Bé' Allah ngepaléu kenin Néh tong kelunan éh kevéléé' Néh ngan éh tenebai Néh.

2 TIMOTIUS 2:19

Bang lihei' éh neu' Allah, pu'un éh reken mu'un, bé' éh omok gusii', ngan Tuhan pu'un nyurat tong néh ka', Tuhan jam kekat kelunan éh anah Nah, ha' néh, ngan ha' néh kepéh, séé'-séé' kelunan éh bara' pengelan néh pu'un tong Tuhan, jian iah ngejuu' usah néh jin kekat kesa'at, ha' néh.

IBRANI 6:11

Améé' keloo' dokoo' siget usah jin belah ka'ah petem tigéh pah avéé' ga', dokoo' kekat ineu' ineu' éh kepelum keh omok nalaa' keh.

IBRANI 6:19

Pengepelum lu' inah barei' jah pengereken éh omok kenamit lem urip éh gahang ngan pawah. Pengepelum inah ngelesan apat éh mekep retek éh matek ni'ai tong lamin Tuhan tong seruga.

YAKUB 2:10

Uban séé'-séé' éh ngelapah na' péh éh tong jah awah sohoo', seleket néh ngelapah tong kekat néh béé.

1 PÉTERUS 1:2

Dalem kekat pengeloo' Allah éh Tamen uleu', ka'ah pu'un kevéléé' Néh, dokoo' keh omok kelunan éh anah Nah éh ni'ai naneu' Sahéé' Ni'ai, dokoo' ka'ah tigéh tong Yésus Kristus ngan pu'un ni'ai neu' dahaa' Néh. Jian Allah mena' ngan keh pengejian ngan pengepawah ngan mutaa' kepéh.

1 PÉTERUS 1:5

Kekat pengejian inah anah ka'ah uban keh ngelan tong Allah. Uban kenat ka'ah pu'un nihau neu' penyukat Allah dokoo' ka'ah omok alaa' jalan alaa' urip éh petenup Néh ke' Néh pepoléng éh tovoo' ga' dau.

2 PÉTERUS 1:3

Naneu' penyukat Néh éh nena' Allah ngan lu' pu'un Iah mena' kekat éh tekep tong urip uleu' éh ni'ai, dokoo' urip lu' omok jian barei' éh tekep ngan kelunan éh ngelan Tuhan. Uleu' omok murip jian kenat neu' pengejam lu' tong Allah éh tebai lu' tai pemung ngan Néh dalem kekat pengaren ngan pengejian Néh.

2 PÉTERUS 1:5

Uban néh kenat, jian keh ngerakep dokoo' keh petem ngelan tong Kristus, mihau urip éh jian ngan kepéh jam tong pengeloo' Allah.

2 PÉTERUS 3:14

Uban néh kenat, O kekat padéé' éh kemurung ké', kelebéé' keh mena Dau inah avéé', jian keh mekat dokoo' keh pu'un ni'ai ngan bé' pu'un sala' ineu'-ineu' tong jumen Allah.

2 PÉTERUS 3:17

Bang ka'ah kekat padéé' éh kemurung ké' ka'ah lepah jam tong inah, uban néh kenat jian keh mavaa' mu'un-mu'un dai keh pu'un tawang naneu' penganeu' kelunan éh maneu' sa'at, ngan pelohoo ' jin jalan tekedéng éh reken.

YUDAS 1:24

Allah éh omok mihau keh dokoo' keh petem lem pengelan, ngan éh omok mihin keh tong jumen Néh éh Maren ngan murung kenin ngan bé' pu'un sala' ineu'-ineu'.

ÉH POLÉNG 22:14

La'ah murung kenin irah éh poo' pakai réh ngan maneu' éh ni'ai. Irah omok kuman buaa' kayeu' éh mena' urip ngan kelunan, ngan omok masek lem leboo' inah jin usit néh.