1 PÉTERUS 5:9 - Rengah Jian

⁹ Jian keh petem dalem pengelan keh ngan ngelawan iah, uban ka'ah jam kelunan éh jah éh ngelan tong Tuhan, tipo tana', irah péh teneng pengeketa pekua' ka'ah iteu'.

1 PÉTERUS 5:9 Iomraidhean Croise

LUKAS 22:32

Na' péh éh tupat keteleu' kenat, Akeu' pu'un bara' keh lem sebayang Ké' Simon, jalan pengelan ko' pu'un reken, ha' Néh. Tovoo' ko' pekoléé' kenin, tekep ke' ngereken irah padéé' ko'.

YOHANES 16:33

Pu'un Akeu' bara' kenat ngan keh dokoo' keh omok pawah kenin dalem Akeu'. Kelebéé' keh pu'un tong tana' adang keh pu'un tusah, bang jian keh reken kenin, Akeu' éh lepah nyopéé' kekat éh tong tana' iteu', ha' Néh.

PENGANEU' LAWAH 14:22

Pu'un roh ngereken kenin kekat kelunan éh ngelan tong Tuhan ngan nyohoo' réh gahang lem pengelan réh. Ka' ha' roh, Adang lu' juk teneng kuraa' arong penusah kelu' omok tai lem nihau Tuhan, ha' roh.

1 KORINTUS 10:13

Kekat penupat éh teneng tong keh, bé' éh tengéé' jin éh teneng tong kelunan éh jah. Bé' Tuhan piso kenin jin kekat jajii' Néh, ngan bé' Iah kejeraa' keh teneng tong tenupat éh maneu' keh bé' omok ngeretep. Bang tovoo' keh teneng tenupat kenat, Iah pu'un ngegahang kenin keh dokoo' keh omok ngeretep, ngan Iah maneu' jalan ngan keh dokoo' keh omok kelap.

ÉPESUS 4:27

Mai keh maneu' giwang ngan Sitan.

ÉPESUS 6:16

Jian keh ngelayau ngamit kelevit, inah éh pengelan keh tong Tuhan, inah éh jalan keh omok memata' luten jin belat éh tuai jin iah éh sa'at.

KOLOSÉ 2:5

Uban na' péh usah ké' bé' pu'un ngan keh, bang dalem kenin ké' akeu' pu'un ngan keh ngan murung kenin ké' hun ké' jam keh petem pekua' kenin lem pengelan keh tong Kristus.

1 TESALONIKA 3:3

dai jah usah péh moléé' murin naneu' pengeketa néh neu' kelunan éh maneu' éh. Ka'ah tengéé' péh jam kekat pengeketa inah pu'un éh lem pengeloo' Tuhan ngan uleu'.

1 TIMOTIUS 6:12

Jian ke' nengayet mu'un dokoo' murip tigéh lem urip Kristén ko', dokoo' ka'au' omok alaa' urip mu'un éh pelinguh, uban kenat péh jalan Allah tebai ke' hun ko' ngakun pengelan ko' tong Tuhan tong Jumen kelunan pinaa' rai.

2 TIMOTIUS 3:12

La'ah kekat kelunan éh keloo' murip ngan urip éh ni'ai dalem Kristus Yésus, adang irah éh jah pu'un peketa réh.

2 TIMOTIUS 4:7

Pu'un ku' mekat mu'un lem pekayau tong pengelan, akeu' lepah pesukup kekat kereja' ké', ngan akeu' lepah mihau pengelan tong Kristus avéé' ga' néh.

IBRANI 11:33

Neu' pengelan, irah omok nyopéé' kuraa'-kuraa' arong tana'. Pu'un réh maneu' ineu' éh teneng, uban kenat irah alaa' ineu' éh pejajii' Allah, irah mitep ujun tepun,

IBRANI 12:8

Hun Tuhan bé' memerah keh barei' Iah memerah kekat anak Néh, barang bé' péh keh anak Néh mu'un bang anak ubuu' awah keh.

YAKUB 4:7

Jian keh mena' usah keh ngan Tuhan. Mejuk Sitan boh iah kelap jin ka'ah.

1 PÉTERUS 1:6

Uban kenat jian ka'ah murung kenin, na' péh ka'ah teneng keta neu' penusah éh pinaa' arong hun iteu', kekat penusah inah pu'un éh metok awah.

1 PÉTERUS 2:21

Kenat péh Allah tebai keh, dokoo' keh omok ngeretep ngan kebit kenin lem kekat pengeketa keh, uban Kristus péh lepah keta uban Néh purip keh, ngan Iah bara' jalan ngan keh dokoo' keh omok kivu uban Néh.

1 PÉTERUS 3:14

Na' péh réh peketa keh uban keh maneu' jian, jian keh murung kenin, mai keh medai ngan mapah kenin.

1 PÉTERUS 4:13

Bang jian ka'ah murung kenin uban keh pu'un pemung ngan Kristus dalem pengeketa Néh. Uban barei' ka'ah pu'un pemung ngan Néh dalem pengeketa Néh hun iteu', kenat péh ka'ah omok murung hun Néh tuai lem kekat pengaren kepéh.

ÉH POLÉNG 1:9

La'ah akeu' éh padéé' keh Yohanes, ngan barei' ka'ah jam keta pemung ngan Yésus, akeu' péh barei' ka'ah lem kekat pengeketa iteu', pu'un lem nihau Tuhan, ngan ngeretep ngan kebit kenin. Pu'un réh marau akeu' tai Pulau Patmos uban ké' bara' ha' tebaraa' Allah ngan bara' tong kekat éh kejam ké' tong Yésus.

ÉH POLÉNG 6:11

La'ah pu'un Tuhan mena' jah livah pakai éh mebéng ngan usah réh, ngan nyohoo' réh mena lebéé' siik kepéh, avéé' sukup kekat irah éh sohoo' Tuhan ngan padéé' éh kua' pengelan, penatai réh barei' réh mematai irah inah ke'.

ÉH POLÉNG 7:14

Ka' ha' ké' mipa éh, O lakei' ja'au bé' akeu' jam, bang ka'au' éh jam réh, ha' ké'. Ha' néh kepéh, Kekat irah inah irah éh bé' putui pengelan tovoo' réh teneng pengeketa éh bahat rai. Pu'un réh poo' livah pakai réh ngan ngemebéng éh neu' dahaa' Anak Domba.